20.03.2020 | 
Հասարակություն
ԱՌՑԱՆՑ ՈՒՍՈՒՑՄԱՆ ԸՆԹԱՑՔԻ ՎԵՐԱԲԵՐՅԱԼ ԽՈՐՀՐԴԱԿՑՈՒԹՅՈՒՆ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏՈՒՄ
ԱՌՑԱՆՑ ՈՒՍՈՒՑՄԱՆ ԸՆԹԱՑՔԻ ՎԵՐԱԲԵՐՅԱԼ ԽՈՐՀՐԴԱԿՑՈՒԹՅՈՒՆ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏՈՒՄ
ԵՊՀ տնտեսագիտության և կառավարման ֆակուլտետում այսօր տեղի է ունեցել խորհրդակցություն։

Խորհրդակցությունն անցկացնում էր ֆակուլտետի դեկան Հ. Սարգսյանը, որին մասնակցում էին դեկանի տեղակալները, ամբիոնների վարիչները, մագիստրոսական ծրագրերի ղեկավարները և գիտխորհրդի քարտուղարը:

 

Ներկաները քննարկեցին հանրապետությունում արտակարգ դրության հայտարարման պատճառով ֆակուլտետում լսարանային դասերի դադարեցման և ուսուցման առցանց տարբերակին անցնելու վերաբերյալ մի շարք խնդիրներ։ Խորհրդակցության ընթացում որոշվեց.

  1. Մինչև արտակարգ դրության ավարտը ֆակուլտետում ուսումնական գործընթացի կազմակերպման և վերահսկողության պատասխանատվությունը կրելու է դեկանի տեղակալ Կ. Եղոյանը։

  2. Հանձնարարել Կ. Եղոյանին մշակել և ներդնել մեխանիզմ, որը թույլ կտա վերահսկել դասացուցակով նախատեսվող դասերի առցանց անցկացումը:

  3. Հանձնարարել ամբիոնների վարիչներին տեղեկացնել իրենց ամբիոնի դասախոսներին առցանց դասավանդման տարբեր հնարավորությունների և գործիքների վերաբերյալ:

  4. Հանձնարարել դեկանի տեղակալ Գ. Բարխուդարյանին ապահովել բակալավրիատի երրորդ կուրսի ուսանողների կուրսային աշխատանքի թեմայի ընտրության և գրանցման առցանց իրականացումը:

  5. Հանձնարարել Կ. Եղոյանին մշակել և հրապարակել բակալավրիատի ավարտական աշխատանքների և մագիստրոսական թեզերի հանձնման ու նախապաշտպանության նոր ժամանակացույց (պաշտպանության ժամկետները չեն փոխվում):
Այլ նորություններ
«ԺԱՄԱՆԱԿԱԿԻՑ ԱՇԽԱՐՀՈՒՄ ՄՐՑԱԿՑՈՒԹՅԱՆ ԴՈՄԻՆԱՆՏ ԱՌԱՐԿԱՆ ԱՅԼԵՎՍ ՆՅՈՒԹԱԿԱՆ ՀԻՄՔԸ ՉԷ». ԼԻԼԻԹ ՇԱՔԱՐՅԱՆ
ԵՊՀ սոցիալական աշխատանքի և սոցիալական տեխնոլոգիաների ամբիոնի դասախոս Լիլիթ Շաքարյանը հրատարակել է իր երկրորդ՝ «Հաղորդակցության մարտահրավերները տեղեկատվական հասարակությունում» գիրքը, որտեղ դիտարկվել են տեղեկատվական հեղափոխության դերն ու նշանակությունը մարդկության և հասարակական ոլորտների զարգացման գործընթացում: Տիկին Շաքարյանի հետ զրուցել ենք գրքի, դրանում արծարծված թեմաների ու առաջիկա ծրագրերի մասին:
«ԱՐՑԱԽԸ ԵՎ ՄԻՋԱԶԳԱՅԻՆ ՔՐԵԱԿԱՆ ԴԱՏԱՐԱՆԸ. ՆՈՐ ՀԵՌԱՆԿԱՐՆԵՐ». ԱՌՑԱՆՑ ՍԵՄԻՆԱՐ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
ԵՊՀ իրավագիտության ֆակուլտետի ՈՒԳԸ-ի նախաձեռնությամբ տեղի է ունեցել «Արցախը և միջազգային քրեական դատարանը. նոր հեռանկարներ» խորագրով առցանց սեմինար, որը վարել է Միջազգային քրեական դատարանի ավագ դատական ծառայող Էդուարդո Տոլեդոն։