09.11.2017 | 
Կրթություն
ՀԱՅ ԵՎ ԼԵՀ ԻՐԱՎԱԲԱՆ ԳՈՐԾԸՆԿԵՐՆԵՐԸ ՔՆՆԱՐԿՈՒՄ ԵՆ ԿՐԹԱԿԱՆ ՀԻՄՆԱԽՆԴԻՐՆԵՐԸ
ՀԱՅ ԵՎ ԼԵՀ ԻՐԱՎԱԲԱՆ ԳՈՐԾԸՆԿԵՐՆԵՐԸ ՔՆՆԱՐԿՈՒՄ ԵՆ ԿՐԹԱԿԱՆ ՀԻՄՆԱԽՆԴԻՐՆԵՐԸ
Այսօր ԵՊՀ էկոլոգիական իրավունքի գիտաուսումնական կենտրոնում տեղի ունեցավ կլոր սեղան-քննարկում՝ նվիրված Լեհաստանում հայերին թագավորական արտոնություններ տրամադրելու 650-ամյակին:

ԵՊՀ իրավագիտության ֆակուլտետի կողմից կազմակերպված կլոր սեղան-քննարկմանը մասնակցում էին ԵՊՀ իրավագիտության և Վարշավայի համալսարանի իրավունքի և կառավարման ամբիոնի պրոֆեսորադասախոսական կազմի ներկայացուցիչները:

 

Մեզ հետ զրույցում ԵՊՀ իրավագիտության ֆակուլտետի դեկանի տեղակալ Կարեն Գևորգյանը փաստեց, որ քննարկման առանցքում իրավաբանական բարձրագույն կրթության և գիտության ոլորտի բարեփոխումների հայկական և լեհական փորձի վերլուծությունն է. «Բացի այդ՝ նախատեսվում են զեկուցումներ՝ նվիրված հայկական համայնքի պատմական ինքնավարությանը Լեհաստանում, ինչպես նաև մի շարք մասնավոր խնդիրների քննարկում»:

 

Վարշավայի համալսարանի պրոֆեսորադասախոսական կազմի ներկայացուցիչները քննարկման ընթացքում ներկայացրին նաև կրթության իրենց մոդելը, ֆակուլտետի գործունեությունը և համալսարանների ապագայի իրենց տեսլականը:

 

ԵՊՀ իրավագիտության ֆակուլտետի դոցենտ Աննա Մարգարյանն էլ լեհ գործընկերներին ծանոթացրեց Հայաստանում իրավաբանական կրթություն ստանալու կարգին՝ նշելով, որ այստեղ իրավաբանական կրթությունը կարելի է ստանալ ինչպես պետական, այնպես էլ մասնավոր բուհերում, որոնք հիմնականում գործում են մայրաքաղաք Երևանում:

 

«Ներկայումս կրթական համակարգը զարգացման փուլում է: Սակայն, պետք է նշել, որ ամենակարևոր ասպեկտը շարունակում է մնալ այնպիսի իրավաբանների պատրաստումը, ովքեր կարողանում են ինքնուրույն մտածել, պաշտպանել իրենց կարծիքները, փաստարկել իրենց տեսակետները, որոշումներ կայացնել ու կատարելագործվել»,- նշեց Աննա Մարգարյանը:

Այլ նորություններ
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ԲԱՐԲԱՌԱԳԻՏԱԿԱՆ ՈՒՍՈՒՄՆԱՍԻՐՈՒԹՅՈՒՆՆԵՐԸ ՇԱՐՈՒՆԱԿՎՈՒՄ ԵՆ
ԵՊՀ հայ բանասիրության ֆակուլտետի ՈՒԳԸ-ի բարբառագիտական խումբը նոյեմբերի 18-ին հերթական այցը կատարեց բարբառախոս կենտրոն:
«ԱՍՏՂԱԳԻՏՈՒԹՅԱՆ ԿԱՊՆ ԱՅԼ ԳԻՏՈՒԹՅՈՒՆՆԵՐԻ ՀԵՏ». ՊԱՐԶԱԲԱՆՈՒՄ Է ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՏՆՕՐԵՆ ԱՐԵԳ ՄԻՔԱՅԵԼՅԱՆԸ
ԵՊՀ քիմիայի ֆակուլտետի ՈՒԳԸ-ն Ֆարմացիայի ինստիտուտի ՈՒԳԸ-ի հետ համատեղ կազմակերպել էր պլենար դասախոսություն, որը վարում էր ՀՀ ԳԱԱ Վ. Համբարձումյանի անվան Բյուրականի աստղադիտարանի տնօրեն Արեգ Միքայելյանը: