04.05.2020 | 
Հասարակություն
ՎԱՐԱԿԻ ՏԱՐԱԾՄԱՆ ՀՆԱՐԱՎՈՐ ՃԱՆԱՊԱՐՀՆԵՐԻՑ ԽՈՒՍԱՓԵԼՈՒ ՀԱՄԱՐ ԵՊՀ-ՈՒՄ ԻՐԱԿԱՆԱՑՎԵՑԻՆ ԱԽՏԱՀԱՆՄԱՆ ԵՎ ՄԱՔՐՄԱՆ ԱՇԽԱՏԱՆՔՆԵՐ
ՎԱՐԱԿԻ ՏԱՐԱԾՄԱՆ ՀՆԱՐԱՎՈՐ ՃԱՆԱՊԱՐՀՆԵՐԻՑ ԽՈՒՍԱՓԵԼՈՒ ՀԱՄԱՐ ԵՊՀ-ՈՒՄ ԻՐԱԿԱՆԱՑՎԵՑԻՆ ԱԽՏԱՀԱՆՄԱՆ ԵՎ ՄԱՔՐՄԱՆ ԱՇԽԱՏԱՆՔՆԵՐ
«Կրիստալ Քլինինգ» մաքրման ծառայության նախաձեռնությամբ այսօր ԵՊՀ գլխավոր մասնաշենքի բակում և ֆակուլտետներում իրականացվեցին մաքրման և ախտահանման աշխատանքներ:

Ելնելով ՀՀ-ում ստեղծված իրավիճակից՝ ԵՊՀ-ն ևս պահպանում է տարածքի՝ պարբերաբար ախտահանման և մաքրման աշխատանքների կանոնները՝ հետևելով սանիտարական անհրաժեշտ պայմանների պահպանմանը:

 

ԵՊՀ ֆակուլտետների և հարակից տարածքի մաքրման աշխատանքներին ծանոթանալու համար զրուցեցինք «Կրիստալ Քլինինգ» մաքրման ծառայության տնօրեն Գարիկ Ղազարյանի հետ, որն անձամբ մասնակցում էր աշխատանքներին:

 

Վերջինս տեղեկացրեց, որ մաքրման աշխատանքները կատարվել են դեռևս ապրիլին և շարունակական բնույթ են կրելու․ «Քանի որ ԵՊՀ բակը ծառայում է նաև որպես հանրային տարածք, իսկ ԵՊՀ աշխատակիցները քիչ-քիչ վերադառնում են իրենց բնականոն աշխատանքին, ապա անհրաժեշտ է համապատասխան նյութերով պարբերաբար ախտահանել և մաքրել տարածքը՝ վարակի տարածման հնարավոր ճանապարհներից խուսափելու համար»:

 

Ախտահանման և մաքրման աշխատանքների համար ծառայությունն օգտագործեց քլորային նյութեր բակի ախտահանման համար, իսկ ԵՊՀ վարչություններում և լսարաններում օգտագործվեց «HEXANIOS G+R» հատուկ նյութը:

Նշենք նաև, որ «Կրիստալ Քլինինգ» մաքրման ծառայությունը ԵՊՀ-ին տրամադրել է ախտահանիչ նյութեր և ալկոգելեր՝ տարածքի ախտահանման և աշխատակիցների անվտանգ գործունեությունն ապահովելու համար:

 

Անգին Խաչատրյան

Այլ նորություններ
«#ԱՐԻ՛ PR». «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳԻՐՆ ԱՅՍ ՏԱՐԻ ՆԵՐԿԱՅԱՑՎԵԼ Է «ZOOM» ՀԱՐԹԱԿՈՒՄ
Տեղի է ունեցել «#Արի՛ PR». «Հասարակայնության հետ կապեր (PR)» մագիստրոսական ծրագիրը ներկայացնելու նպատակով կազմակերպված ամենամյա հանդիպումը: Այս տարի «արտակարգ» հանդիպման շրջանակում «Zoom» հարթակում հավաքվել են ծրագրի դասախոսները, շրջանավարտները, ուսանողներն ու ծրագրով հետաքրքրվող ապագա դիմորդներն ինչպես ԵՊՀ սոցիոլոգիայի, այնպես էլ այլ ֆակուլտետներից և բուհերից:
«ԵՍ ԱՎԵԼԻ ԻՐԱՏԵՍ ԵՄ, ՀԱՎԱՏՈՒՄ ԵՄ ԳԻՏՈՒԹՅԱՆԸ». ԱՐՄԵՆ ՄԱՐՏԻՐՅԱՆ
ԵՊՀ անօրգանական և անալիտիկ քիմիայի ամբիոնի վարիչ Արմեն Մարտիրյանը ԵՊՀ-ում դասավանդման մեթոդների կատարելագործումը խթանելու, արդի մեթոդների կիրառմանը, ինչպես նաև լավագույն փորձի տարածմանը նպաստելու նպատակով հայտարարված մրցույթի բնագիտական անվանակարգի հաղթողներից է: Պարոն Մարտիրյանի հետ զրուցել ենք մասնագիտության ընտրության, իր կողմից կիրառվող մեթոդների, քիմիայի բնագավառի մարտահրավերների, աշխատաշուկայի պահանջարկի ու նոր հետազոտությունների մասին: