09.04.2020 | 
Կրթություն
«ԱՅՆ ՈՒՍԱՆՈՂԸ, ՈՐԸ ՊԱՐՏԱՃԱՆԱՉ Է ԼՍԱՐԱՆԱՅԻՆ ՊԱՅՄԱՆՆԵՐՈՒՄ, ՊԱՐՏԱՃԱՆԱՉ Է ՆԱԵՎ ԱՌՑԱՆՑ ՀԱՐԹԱԿՈՒՄ». ԱՐԱՄ ՀՈՎՀԱՆՆԻՍՅԱՆ
«ԱՅՆ ՈՒՍԱՆՈՂԸ, ՈՐԸ ՊԱՐՏԱՃԱՆԱՉ Է ԼՍԱՐԱՆԱՅԻՆ ՊԱՅՄԱՆՆԵՐՈՒՄ, ՊԱՐՏԱՃԱՆԱՉ Է ՆԱԵՎ ԱՌՑԱՆՑ ՀԱՐԹԱԿՈՒՄ». ԱՐԱՄ ՀՈՎՀԱՆՆԻՍՅԱՆ
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն իրականացնում են առցանց ուսուցում՝ ուսումնական գործընթացի երկարատև ընդհատումից խուսափելու համար։

ԵՊՀ աստվածաբանության ֆակուլտետը նույնպես անցել է առցանց ուսուցման, որի մասին խոսել ենք ֆակուլտետի դեկանի տեղակալ, պատմական գիտությունների թեկնածու, դոցենտ  Արամ Հովհաննիսյանի հետ։ Նա զբաղվում է նաև ֆակուլտետի առցանց դասընթացների համակարգման գործընթացով:

 

Նրա խոսքով, Աստվածաբանության ֆակուլտետում դեռևս դասերի դադարեցման առաջին շաբաթից, ֆակուլտետի դեկան Անուշավան եպիսկոպոս Ժամկոչյանի հանձնարարականով, դասախոսական կազմը համապատասխան ուսումնական նյութերով և դասախոսություններով են ապահովել ուսանողներին:

 

Հետո արդեն, երբ պարզ դարձավ, որ երկրում հաստատվելու է արտակարգ դրություն, ֆակուլտետն ամբողջապես անցավ հեռավար ուսուցման:

 

«Պետք է նշեմ, որ հեռավար ուսուցում իրականացնելիս մենք օգտվում ենք տարբեր ծրագրերից՝ «Zoom», «Moodle», «Messenger», «Skype»,- ասաց Արամ Հովհաննիսյանը,- հատկանշական է, որ սոցիալական հարթակի ընտրությունը դասախոսն է որոշում»:

 

Ըստ դեկանի տեղակալի՝ եղել են նաև դասախոսներ, որոնք իրենց դասախոսությունները տեսանյութի տեսքով ոչ միայն ուղարկել են ուսանողներին, այլև տեղադրել են սոցիալական մեդիայի տարբեր հարթակներում, որպեսզի դրանք հասանելի դառնան բոլորի համար:

 

«Այս ընթացքում ես կապի մեջ եմ եղել ամբիոնների վարիչների և դասախոսների հետ, որոնք աշխատում են ոչ մի դաս բաց չթողնել ,- փաստեց նա,- և տեղյակ եմ նաև որոշ տեխնիկական անհարմարությունների ու սոցիալական խնդիրների մասին, որոնք խոչընդոտում են առցանց դասընթացներն իրականացնելիս»:

 

Ներկայացնելով ուսանողների ատիվությունը՝ մեր զրուցակիցը նշեց, որ այստեղ աչքի ընկնող տարբերություններ առանձնապես չկան. «Այն ուսանողը, որը պարտաճանաչ է լսարանային պայմաններում, պարտաճանաչ է նաև առցանց հարթակում»:

 

Ա․ Հովհաննիսյանն ասաց, որ բացառություն են կազմում այն քչաթիվ ուսանողները, որոնք նույնպես պարտաճանաչ են, բայց այս կամ այն պատճառով հնարավորություն չունեն մասնակցելու առցանց ուսուցմանը:

 

Անի Պողոսյան

Այլ նորություններ
«ՄԵՐ ԵՐԿՐՈՒՄ ԿՐԹԱԿԱՆ ՀԱՄԱԿԱՐԳՆ ՈՒԺԵՂԱՑՆԵԼՈՒ ՀԱՄԱՐ ՀԱՐԿ Է ԱՎԵԼԱՑՆԵԼ ՄԱՍՆԱԳԻՏԱԿԱՆ ՀԱՅԱԼԵԶՈՒ ԳՐԱԿԱՆՈՒԹՅՈՒՆԸ». ԼԻԼԻԹ ՇԱՔԱՐՅԱՆ
ԵՊՀ սոցիալական աշխատանքի և սոցիալական տեխնոլոգիաների ամբիոնի դասախոս Լիլիթ Շաքարյանը հրատարակել է «Բրենդի կառավարում» հեղինակային առաջին գրքերից մեկը: Ավելի քան տասը տարի ԵՊՀ-ում դասավանդող տիկին Շաքարյանի հետ զրուցել ենք իր գործունեության և հեղինակած գրքի մասին:
«…ՈՐՊԵՍԶԻ ԵՐԵԽԱՆԵՐԸ ՄՈՏ ԼԻՆԵՆ ԳԻՏՈՒԹՅԱՆԸ, ԳԻՏԵԼԻՔԻՆ»․ ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ԱՅՑԵՐԸ ՇԱՐՈՒՆԱԿՎՈՒՄ ԵՆ
ԵՊՀ մինչհամալսարանական կրթության վարչության կողմից կազմակերպվող մասնագիտական կողմնորոշման նպատակով փոխայցելությունները շարունակվում են։ Այս անգամ աշակերտները եղել են համալսարանում, իսկ Հայ բանասիրության ֆակուլտետի դոցենտը՝ դպրոցում։