Հանդիպում-քննարկմանը ներկա էին Բնական և ճշգրիտ մասնագիտությունների գծով պրոռեկտոր Ռաֆայել Բարխուդարյանը, Հումանիտար և հասարակագիտական մասնագիտությունների գծով պրոռեկտոր Էլինա Ասրիյանը, ԵՊՀ պրոֆեսորադասախոսական կազմի ու վարչական մասի ներկայացուցիչներ:

Քննարկաման ընթացքում պարոն Ռևյակինն ու նրա գործընկերը  ներկայացրին «Elsevier»-ի տրամադրած հարթակների առավելությունները, մասնավորապես որոնման առավել ճշգրիտ և թիրախավորված համակարգը:

Բացի դրանից՝ ներկայացվող գործիքակազմը հնարավորություն է տալիս որոնվող թեմայից զատ հատուկ բանալի բառերի միջոցով գտնելու թեմային առնչվող այլ հրապարակումներ:

Կայքում տեղ գտած տեղեկատվությունը հասանելի է օգտատիրոջ գտնվելու վայրից անկախ:

«Elsevier»-ը հնարավորություն է ընձեռում նաև հոդվածների գերճշգրիտ թարգմանությամբ հաղթահարելու լեզվական արգելքները և առաջարկում է գիտական աշխատություններում հղումներ կատարելու ավելի արդյունավետ գործիքակազմ:

 Աշխարհի հեղինակավոր գիտնականների ներբեռնած գիտական հոդվածները կարող են հասանելի դառնալ նաև հայերենով:

«Scopus»,« ScienceDirect», «SciVal» ու այլ հարթակները ներկայացնելուց հետո հանդիպման ընթացքում հատուկ անդրադարձ կատարվեց դրանցում  ԵՊՀ-ի ներկայացվածությանը, արձանագրած հաջողություններին և հեռանկարներին:

Հարկ է նշել, որ ըստ «Elsevier»-ի ազդեցության գործակցի՝ ԵՊՀ-ն Հայաստանում երրորդ, իսկ բուհերի շարքում առաջին հորիզոնականն է զբաղեցնում:

Անի Պողոսյան