28.07.2022 | 
Ուսանողական, Կրթություն
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։

Լեզուների իմացությունը հաջողությունների նոր դռներ է բացում։

 

Դեռևս դպրոցական տարիներից հստակ որոշել էի, թե ինչ մասնագիտություն եմ ընտրելու, որը կընդլայնի մտահորիզոնս և կընձեռի մեծ հնարավորություններ: Ուսումնասիրելով օտար լեզուն` ծանոթանում ես նաև տվյալ երկրի մշակույթին, պատմությանը և կրոնին: Կարծում եմ՝ մեր օրերում լեզուների իմացությունը չափազանց կարևոր է:

 

Հարազատ դարձած ԵՊՀ-ն հնարավորություն ընձեռեց արտերկրում զարգացնելու հաղորդակցական, լեզվական և ստեղծագործական հմտություններս։

 

Հետաքրքրված լինելով լեզուներով և տարբեր մշակույթներով՝ ցանկանում էի անձամբ շփվել լեզվակիրների հետ: Սովորելով արտերկրում՝ ձեռք բերեցի մեծ փորձառություն և հայրենիք վերադարձա՝ ստացածս նոր գիտելիքները գործնականում կիրառելու։

 

 

ԵՊՀ-ի միջազգային լայն համագործակցությունը համալսարանականների համար հեռանկարներ է ստեղծում։

 

ԵՊՀ-ն համագործակցում է միջազգային հեղինակավոր բուհերի հետ` ուսանողներին ընձեռելով մասնագիտության մեջ առավել հմտանալու, լեզվակիր երկրների ներկայացուցիչների հետ հաղորդակցվելու և, իհարկե, ճամփորդելու հնարավորություններ: Այս ամենի շնորհիվ ուսանողներն իրազեկված են լինում ժամանակակից աշխարհի թե՛ կրթական և թե՛ մյուս ոլորտների պահանջներից:

 

Նորարարական սարքավորումներով հագեցվածությունը նպաստում է ԵՊՀ-ում գործնական դասերի արդյունավետ կազմակերպմանը։

 

Զուգահեռներ անցկացնելով ԵՊՀ-ի և Կորունիայի համալսարանի միջև՝ կարող եմ փաստել, որ մեր համալսարանը թե՛ կրթության որակով, թե՛ նորարարական սարքավորումների հագեցվածությամբ չի զիջում եվրոպական համալսարանին:

 

 

Ծրագիրը հնարավորություն է տալիս օտար երկրներում Հայաստանի մասին պատմելու։

 

Իսպանիան, կրթությունից բացի, հնարավորություն տվեց ձեռք բերելու նոր ընկերներ, որոնց հետ կարծես ձևավորել էինք բազմամշակութային մեծ ընտանիք: Յուրաքանչյուրն այնտեղ փորձում էր մանրամասն ներկայացնել իր երկիրը, ազգային սովորույթները, ավանդույթներն ու կրոնը: Երբ  պատմում էի հայերի և Հայաստանի մասին՝ ներկայացնելով նաև տեսարժան վայրերը, նկատում էի, որ մեր երկիրն օտարերկրյա երիտասարդներին շատ է հետաքրքրում։ Ի դեպ, բոլորովին վերջերս իսպանացի ընկերներիցս մեկն ինձ հայտնեց, որ փոխանակման ծրագրով պատրաստվում է այցելել Հայաստան։

 

 

Կարևոր է՝ փոխանակման ծրագրին դիմելուց առաջ լավ ուսումնասիրել տվյալ երկիրն ու մշակույթը:

 

Ուսանողներին խորհուրդ եմ տալիս, առանց վայրկյան իսկ երկմտելու, դիմել ծրագրին: Ճիշտ է, մարդկանց մեծամասնությունը տիրապետում է անգլերենին, սակայն շատ երկրներում բնակիչները հրաժարվում են անգլերենով հաղորդակցվելուց՝ պահանջելով խոսել իրենց մայրենի լեզվով:

 

Մարինե Մկրտչյան

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: