27.07.2022 | 
Ուսանողական, Կրթություն
«ԵՊՀ-Ն ԱՄԵՆ ԿԵՐՊ ԱՋԱԿՑՈՒՄ Է ՈՒՍԱՆՈՂՆԵՐԻՆ». ՄԱՐԻԱ ԵՍԱՅԱՆ
«ԵՊՀ-Ն ԱՄԵՆ ԿԵՐՊ ԱՋԱԿՑՈՒՄ Է ՈՒՍԱՆՈՂՆԵՐԻՆ». ՄԱՐԻԱ ԵՍԱՅԱՆ
ԵՊՀ միջազգային հարաբերությունների ֆակուլտետի ուսանող Մարիա Եսայանը «Էրազմուս+» միջազգային կրեդիտային շարժունության ծրագրով կրթություն է ստացել Սալոնիկի Արիստոտելի համալսարանում: Մարիան պատմել է մասնագիտության ընտրության, ԵՊՀ-ի ընձեռած հնարավորությունների և արտասահմանում ստացած կրթության մասին:

Մասնագիտությունս պատահական չեմ ընտրել։

 

Սովորում եմ ԵՊՀ միջազգային հարաբերությունների ֆակուլտետի «Հանրային կառավարում» բաժնում: Մասնագիտությունն ընտրել եմ՝ հիմք ընդունելով մի շարք պատճառներ, որոնցից թերևս կառանձնացնեմ այն, որ ոլորտը բազմապրոֆիլ է և բազմաբովանդակ` պետական կառավարումից ու քաղաքացիական ծառայությունից մինչև տնտեսագիտություն ու մարքեթինգ:

 

Արտասահմանում կրթություն ստանալու մասին նախկինում չէի մտածել:

 

Վերջին շրջանում սկսեցի հետաքրքրվել «Էրազմուս+» ծրագրով: Հաճախ էի մասնակցում վեբինար-քննարկումների և այլ միջոցառումների, որոնց ժամանակ արտերկրում կրթություն ստացածները ներկայացնում էին իրենց փորձը, պատմում ողջ ընթացակարգի մասին: Ես այդպես ոգեշնչվեցի, որոշեցի դիմել ծրագրին և մեկնել արտասահման՝ սովորելու:

 

 

ԵՊՀ-ն տալիս է որակյալ կրթություն և ամեն կերպ աջակցում ուսանողներին:

 

Ինչպես Արիստոտելի համալսարանում, այնպես էլ ԵՊՀ-ում կրթությունը բարձր մակարդակով է կազմակերպվում: Փոխանակման ծրագրերով արտասահմանում սովորելու գլխավոր նախապայմանը համալսարանների համագործակցությունն է, իսկ ԵՊՀ-ն ունի համագործակցության լայն շրջանակ, որն էլ հնարավորություն է տալիս գտնելու այն բուհը, որը համապատասխանում է թե´ քո մասնագիտությանը և թե´ նախասիրություններին:

 

Կրթությունից զատ՝ Հունաստանում անցկացրած վեց ամիսներն ինձ հրաշալի հնարավորություններ ընձեռեցին:

 

Այնտեղ ես դարձա էլ ավելի ինքնուրույն, ձեռք բերեցի նոր ընկերներ և ընդլայնեցի ծանոթություններիս շրջանակը: Ես, կարելի է ասել, կարճ ժամանակում գրանցեցի անձնային աճ:

 

Մշտապես պետք է ձգտել կատարելագործվելու։

 

Այդ ճանապարհին կարևոր են ինքնավստահությունն ու համարձակությունը։ Նմանատիպ ծրագրերն էապես նպաստում են ուսանողների՝ որպես որակյալ և բազմակողմանի զարգացած մասնագետների կայացմանը։

 

Մարինե Մկրտչյան

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: