10.12.2021 | 
Հասարակություն
ԱՊԱԳԱ ՄԻՋԱԶԳԱՅՆԱԳԵՏՆԵՐՆ ՈՒՍՈՒՄՆԱՍԻՐՈՒՄ ԵՆ ԵՄ ՄՈԴԵԼԸ. ՍԻՄՈՒԼՅԱՑԻՈՆ ԽԱՂ ԵՊՀ-ՈՒՄ
ԱՊԱԳԱ ՄԻՋԱԶԳԱՅՆԱԳԵՏՆԵՐՆ ՈՒՍՈՒՄՆԱՍԻՐՈՒՄ ԵՆ ԵՄ ՄՈԴԵԼԸ. ՍԻՄՈՒԼՅԱՑԻՈՆ ԽԱՂ ԵՊՀ-ՈՒՄ
ԵՊՀ գիտխորհրդի նիստերի դահլիճում այսօր տեղի է ունեցել Միջազգային հարաբերությունների ֆակուլտետի ՈՒԽ գիտակրթական հանձնաժողովի նախաձեռնությամբ կազմակերպված «ԵՄ մոդել» սիմուլյացիոն խաղի երրորդ փուլը:

Նպատակը դասընթացների ու բանախոսների հետ քննարկումների միջոցով ԵՄ թեկնածու երկրների անդամության հարցն է: Խաղի առաջին ու երկրորդ փուլերը տեղի են ունեցել Ծաղկաձորում, որտեղ բանախոսները հանդես են եկել ելույթներով՝ մանրամասն ներկայացնելով խաղի ձևաչափը, տեղի են ունեցել ԵՄ անդամակցության հայտ ներկայացնող երկրների առաջին լսում և քննարկումներ 3 ինստիտուտների շրջանակում: 

 

Միջոցառման մասնակիցներին ողջունեց Միջազգային հարաբերությունների ֆակուլտետի 4-րդ կուրսի ուսանողուհի, ֆակուլտետի ՈՒԽ գիտակրթական հանձնաժողովի պատասխանատու Մանե Ստեփանյանը՝ ազդարարելով խաղի եզրափակիչ փուլի մեկնարկը:

 

 

Նշենք, որ մասնակիցները նախապես բաժանվել են ըստ պաշտոնների. ոմանք Եվրահանձնաժողովի անդամներ են, մի մասը՝ Եվրախորհրդի, մյուսներն էլ՝ այն երկրների (Հյուսիսային Մակեդոնիա, Հյուսիսային Ալբանիա, Սերբիա), որոնք Եվրոպական միությանն իրենց անդամակցության թեկնածությունն են առաջադրել: Նրանք հանդես եկան նախապես պատրաստած ելույթներով, բանակցեցին ու բանավիճեցին միմյանց հետ՝ փորձելով ապացուցել միջազգային կազմակերպություններին, որ իրենց ներկայացրած երկրները պետք է ԵՄ լիիրավ անդամ դառնան:

    

Ելույթներից հետո տեղի ունեցավ ԵՄ մարմինների կողմից քվեարկություն կառույցի ընդլայնման վերաբերյալ:

 

Մ. Ստեփանյանը մեզ հետ զրույցում ասաց, որ խաղը շատ մեծ արձագանք է ստացել, մասնակցելու համար բազմաթիվ ուսանողներ են դիմել, որոնցից ընտրվել են 29-ը. «Ընտրություն կատարելիս հաշվի ենք առել ուսանողների գիտելիքները, հմտություններն ու տարբեր անձնային հատկանիշներ, ինչպես նաև այն, թե որքանով են նրանք տեղեկացված Եվրոպական միության մասին»:

 

 

Նա հույս հայտնեց, որ նախաձեռնությունը պարբերական բնույթ է կրելու, և ուսումնասիրվելու են ոչ միայն ԵՄ-ի, այլև միջազգային այլ կազմակերպությունների մոդելները:

 

Միջազգային հարաբերությունների ֆակուլտետի 2-րդ կուրսի ուսանող Տիգրան Աղաջանյանը մեզ հետ զրույցում նշեց, որ խաղն իսկապես ստացված էր. «Այն հնարավորություն է տվել մեր ունեցած տեսական գիտելիքները կիրառելու պրակտիկայում և, որ ամենակարևորն է մեր մասնագիտության համար, ձեռք բերելու բանակցային հմտություններ»:

 

Խաղի ավարտին միջոցառման մասնակիցներին հավաստագրեր հանձնվեցին:

Այլ նորություններ
ԵՐԲ ԱՇԽԱՏԱՆՔԸ ՃԱՄՓՈՐԴԵԼՆ Է. ԱՎԻԱԸՆԿԵՐՈՒԹՅՈՒՆԸ ԵՊՀ ՈՒՍԱՆՈՂՆԵՐԻՆ ԱՇԽԱՏԱՆՔԻ ԱՌԱՋԱՐԿ Է ԱՐԵԼ
Երևանի պետական համալսարանի և «Fly one Armenia» («Ֆլայ ուան Արմենիա») ավիաընկերության միջև հաստատված համագործակցության շրջանակում տեղի ունեցավ հանդիպում երկու կառույցների ներկայացուցիչների, ինչպես նաև ԵՊՀ ուսանողների միջև։
ԵՊՀ ՈՒՍԱՆՈՂՆԵՐԸ ՀՆԱՐԱՎՈՐՈՒԹՅՈՒՆ ԿՈՒՆԵՆԱՆ ԱՇԽԱՏԵԼՈՒ ԲԻՈՏԵԽՆՈԼՈԳԻԱՅԻ ՈԼՈՐՏՈՒՄ
ԵՊՀ շրջանավարտների և կարիերայի կենտրոնն ինֆորմատիկայի և կիրառական մաթեմատիկայի ֆակուլտետի ուսանողների համար կազմակերպել էր տեղեկատվական հանդիպում՝ «Բիոտեխ ծրագրային ապահովման ճարտարագիտությունը թվային ճշգրիտ բժշկության մեջ» խորագրով: