19.02.2019 | 
Ուսանողական
«#ԳԻՐՔԸՆԴԳԻՐՔ»՝ ԳԻՐՔ ԳՐՔԻ ԴԻՄԱՑ
«#ԳԻՐՔԸՆԴԳԻՐՔ»՝ ԳԻՐՔ ԳՐՔԻ ԴԻՄԱՑ
ԵՊՀ պատմության ֆակուլտետի ուսանողական գիտական ընկերությունը և ուսանողական խորհուրդն այսօր կազմակերպել էին գրքի փոխանակման ցերեկույթ, որը նվիրված էր Հովհաննես Թումանյանի 150-ամյակին։

 Մեզ հետ զրույցում Պատմության ֆակուլտետի ՈՒԳԸ նախագահ Սիրանույշ Բաղումյանն ասաց, որ արդեն երկու օր է ֆակուլտետում տեղադրված է դասախոսների և ուսանողների անվանաթղթերով արկղ, որտեղից նրանք տեղեկացել են, թե ում պետք է նվիրեն իրենց նախընտրած գիրքը։
 

«Գրքերի նմանօրինակ փոխանակումն արդեն երկրորդ տարին է, ինչ  անցկացվում է Պատմության ֆակուլտետում։ Իմ կարծիքով, այն ամենամեծ միջոցառումն է, որը համատեղ անցկացնում են այդ ուսանողական կառույցները»:


Պատմության ֆակուլտետի ՈՒԳԸ նախագահ Սիրանույշ Բաղումյանը նախ ողջունեց ներկաներին, ապա բոլորից շնորհակալություն հայտնեց «#Գիրքընդգիրք» խորագրով միջոցառմանը մասնակցելու համար։ Ցերեկույթի ընթացքում ուսանողները փոխանակվեցին գրքերով ու երկու նախադասությամբ պատմեցին, թե միմյանց նվիրելու համար ինչ գիրք են ընտրել։ 

Միջոցառումը եզրափակվեց Հովհաննես Թումանյանի մասին պատմող կենսագրական փոքրիկ ֆիլմի ցուցադրությամբ։ Վերջում ուսանողները հույս հայտնեցին, որ նմանօրինակ միջոցառումները շարունակական կլինեն։ 

Նշենք, որ նախաձեռնությանը մասնակցում էին ուսանողներ ինչպես Պատմության, այնպես էլ Տնտեսագիտության և կառավարման ու Աստվածաբանության ֆակուլտետներից։


Մարինե Առաքելյան

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: