05.12.2008 | 
Գիտություն
ԱԲՐԱՀԱՄ ՄԱՍԼՈՈՒ. ՄԵԾ ՀՈԳԵԲԱՆԻ ՀՈԲԵԼՅԱՆԸ
ԱԲՐԱՀԱՄ ՄԱՍԼՈՈՒ. ՄԵԾ ՀՈԳԵԲԱՆԻ ՀՈԲԵԼՅԱՆԸ
«Այսօր էլ արդիական է Աբրահամ Մասլոուի առաջ քաշած այն դրույթը, որ բոլոր բարձրագույն աստիճանի պահանջմունքները բնազդային են»,- ասում է Գայանե Շահվերդյանը:

Դեկտեմբերի 5-ին ԵՊՀ փիլիսոփայության եւ հոգեբանության ֆակուլտետում կայացած գիտաժողովը կրում էր «Աբրահամ Մասլոուի ներդրումը հոգեբանական գիտության զարգացման մեջ» խորագիրը, որը նվիրված էր մեծ հոգեբանի ծննդյան 100-ամյակին:

Գիտաժողովը կազմակերպել էր նույն ֆակուլտետի Կիրառական հոգեբանության ամբիոնը, եւ այն առանձնահատուկ էր, քանի որ համալրում էր ԵՊՀ հիմնադրման 90-ամյակին նվիրված միջոցառումների շարքը:

«Պատահական չէ, որ այս գիտաժողովը նվիրված է հենց Աբրահամ Մասլոուի գիտական ժառանգությանը: Մեծ Է նրա դերը եւ ներդրումը հոգեբանական գիտության զարգացման մեջ: Նա համաշխարհային անուն ունեցող այն հոգեբաններից է, ով կարողացել է համակողմանի ուսումնասիրել անձի հոգեբանությունը, գնահատել մարդկային պահանջմունքները եւ, ի վերջո, հոգեբանության մեջ հիմք է դրել հումանիստական հայացքների տեսությանը», - մանրամասնում է Կիրառական հոգեբանության ամբիոնի վարիչ Գայանե Շահվերդյանը: 

Աբրահամ Մասլոուի ծննդյան 100-ամյակին նվիրված գիտաժողովի շրջանակում նույն ամբիոնի դասախոսները եւ մագիստրոս ուսանողները պատրաստել էին 13 զեկույց հետեւյալ թեմաներով`«Բարձրագույն ապրումներ եւ արտ-թերապիա», «Աբրահամ Մասլոուի սոցիալ-քաղաքական հայացքները», «Հոգեկան առողջության հասկացումը Աբրահամ Մասլոուի կոնցեպցիայում», «Տրանսցենդենցիա եւ ինքնաիրականացում», ««Լինել» սկզբունքը որպես ինքնաիրականացման պայման» եւ այլն:

Զեկույցների թեմաները բավականին ընդգրկուն էին եւ ամբողջովին լույս էին սփռում Աբրահամ Մասլոուի գիտական ժառանգության վրա: 

Գիտաժողովին, բացի դասախոսներից, ներկա էին նաեւ ֆակուլտետի ուսանողները, ովքեր իրենց հետաքրքրող հարցերը մասնագետներին ուղղելու եւ քննարկումներին մասնակցելու հնարավորություն ունեցան:

Այլ նորություններ
«ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԽՆԱՅԵԼ ՉԻ ԿԱՐԵԼԻ». ԱՐՄԵՆ ԹՌՉՈՒՆՅԱՆ
Ամբողջ աշխարհն այսօր պայքարում է նոր կորոնավիրուսի (COVID19) դեմ՝ իրականացնելով տարաբնույթ միջոցառումներ: Առողջապահության համաշխարհային կազմակերպության կողմից հայտարարված աշխարհավարակի պատճառ դարձած կորոնավիրուսով այսօր աշխարհում վարակված է ավելի քան 1 մլն մարդ: Հայաստանում նոր կորոնավիրուսային հիվանդության հաստատված ավելի քան 730 դեպք է գրանցվել: Երկրում հաստատված է արտակարգ դրություն: Ստեղծված իրավիճակի, իրականացվող միջոցառումների արդյունավետության և սպասվող քայլերի մասին զրուցել ենք ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբ. գիտ. դոկտոր, պրոֆեսոր Արմեն Թռչունյանի հետ:
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը: