28.11.2008 | 
Գիտություն
ՀՈԲԵԼՅԱՆԱԿԱՆ ԳԻՏԱԺՈՂՈՎ
ՀՈԲԵԼՅԱՆԱԿԱՆ ԳԻՏԱԺՈՂՈՎ
ԵՊՀ իրավագիտության ֆակուլտետը բոլորեց իր հիմնադրման 75-ամյակը:

Տարիներ շարունակ երկրի իրավական ոլորտում բարձրակարգ մասնագետներ պատրաստող ԵՊՀ իրավագիտության ֆակուլտետն այսօր ուսումնական դատական նիստերի դահլիճում կազմակերպել էր հոբելյանական գիտաժողով:

Ֆակուլտետի պրոֆեսորադասախոսական կազմի մասնակցությամբ ավանդական դարձած գիտաժողովն ամբողջովին նվիրված էր իրավական ոլորտի հիմնահարցերի ուսումնասիրությանն ու դրանց լուծման ճանապարհներին:

ԵՊՀ իրավագիտության ֆակուլտետի դեկան Գագիկ Ղազինյանը նախ ողջունեց մասնակիցներին, ապա հավելեց. «Այսօրվա զեկույցներն իրավական ոլորտի այն բոլոր կարեւոր եւ առաջնային հիմնախնդիրների մասին են, որոնք, ցավոք, դեռեւս լուծված չեն, չնայած որ բազմաթիվ անգամ արձագանքել ենք դրանց»:

Գիտաժողովի ընթացքում հնչեց 8 զեկույց: Բանախոսներից յուրաքանչյուրին հատկացված էր 15 րոպե, նույնքան ժամանակ էլ տրամադրվեց ներկաների հարցերին պատասխանելու համար: 

Զեկույցների թեմաները հետաքրքիր էին եւ ընդգրկուն`«Բուհերի իրավական կարգավիճակի պատմական զարգացումը եւ արդի հիմնախնդիրները», «Կենսաթոշակային տարիքը որպես աշխատանքային պայմանագրի լուծման հիմք», «Անչափահասների շեղվող վարքագծի եւ վիկտիմիզացիայի առանձնահատկությունները ՀՀ-ում», «Իրավաբանական անձանց տեղաշարժման իրավունքը Եվրամիությունում» եւ այլն:

Յուրաքանչյուր զեկույցից հետո թեմաների շուրջ բավականին ակտիվ քննարկումներ էին ծավալվում: Գիտաժողովին, բացի դասախոսներից, մասնակցում էին նաեւ ուսանողները, որոնց նույնպես հնարավորություն էր ընձեռված` մասնակցելու քննարկումներին: 

Դեկան Գագիկ Ղազինյանի խոսքերով` մոտ ապագայում նախատեսվում է կազմակերպել ֆակուլտետի 75-ամյակին նվիրված միջբուհական ուսանողական գիտաժողով:

Այլ նորություններ
«ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԽՆԱՅԵԼ ՉԻ ԿԱՐԵԼԻ». ԱՐՄԵՆ ԹՌՉՈՒՆՅԱՆ
Ամբողջ աշխարհն այսօր պայքարում է նոր կորոնավիրուսի (COVID19) դեմ՝ իրականացնելով տարաբնույթ միջոցառումներ: Առողջապահության համաշխարհային կազմակերպության կողմից հայտարարված աշխարհավարակի պատճառ դարձած կորոնավիրուսով այսօր աշխարհում վարակված է ավելի քան 1 մլն մարդ: Հայաստանում նոր կորոնավիրուսային հիվանդության հաստատված ավելի քան 730 դեպք է գրանցվել: Երկրում հաստատված է արտակարգ դրություն: Ստեղծված իրավիճակի, իրականացվող միջոցառումների արդյունավետության և սպասվող քայլերի մասին զրուցել ենք ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբ. գիտ. դոկտոր, պրոֆեսոր Արմեն Թռչունյանի հետ:
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը: