21.02.2011 | 
Հասարակություն
«ՄԵՆՔ ՀԱՅ ԵՆՔ, ԵԿ ԽՈՍԵՆՔ ՀԱՅԵՐԵՆ…»
«ՄԵՆՔ ՀԱՅ ԵՆՔ, ԵԿ ԽՈՍԵՆՔ ՀԱՅԵՐԵՆ…»
Խաչիկ Դաշտենցի բանաստեղծության այս հայտնի տողերով այսօր սկսվեց Մայրենի լեզվի տոնին նվիրված ուսանողական միջոցառումը:

ԵՊՀ հայ բանասիրության ֆակուլտետի հեռակա բաժնի 2-րդ կուրսի վեց ուսանողների նախաձեռնությամբ կազմակերպված միջոցառման միակ հերոսը հայոց լեզուն էր: Ուսանողները մայրենի լեզվի մասին բանաստեղծությունների մի մեծ ծաղկաքաղ էին արել: Ասմունքից ու փոքրիկ բեմադրությունից բացի` մասնակիցները ներկայացրին նաեւ մեր լեզվի մասին օտարազգի ստեղծագործողների եւ մտավորականների կարծիքները:

 

Կազմակերպիչները նշում են, որ իրենց միջոցառումն ուղղված է հայ երիտասարդներին եւ բոլոր նրանց, ովքեր իրենց հայ են համարում: Եթե մարդու մեջ գոնե մի փոքր հայրենասիրություն կա, ապա նրան «կհասնի» այն, ինչ ուզում են ասել: «Այս դեպքում մեծ նշանակություն ունի ընտանիքն ու շրջապատը, այն միջավայրը, որտեղ մեծացել, հասունացել է մարդը: Եթե չկա համապատասխան դաստիարակություն, ապա մեկ միջոցառումը ոչինչ չի փոխի»,- նշեց կազմակերպիչներից մեկը` Լուսինե Գրիգորյանը: Կուլ չերթանք այս ահեղ լափումին, Թույլ չտանք մեր լեզուն ավերեն, Եկ խոսենք, մի՛շտ խոսենք Հայերեն:

Այլ նորություններ
ԵՊՀ ՊԱՏՎԻՐԱԿՈՒԹՅՈՒՆՆ ԱՅՑԵԼԵՑ ԱՄԷ ԴԵՍՊԱՆՈՒԹՅՈՒՆ
ԵՊՀ զարգացման ու նորարությունների գծով պրոռեկտոր Միքայել Հովհաննիսյանը, արաբագիտության ամբիոնի վարիչ Հայկ Քոչարյանը, նույն ամբիոնի դասախոս Վահե Հակոբյանը պատվիրակվել էին Երևանում ԱՄԷ դեսպանություն` իրենց ցավակցությունը հայտնելու լուսահոգի շեյխ Խալիֆա իբն Զայեդ ալ-Նահյանի մահվան կապակցությամբ։
ԵՊՀ-ՈՒՄ ՆՇՎԵՑ ԲՈՒՀԻ ՀԻՄՆԱԴՐՄԱՆ 103-ԱՄՅԱԿԸ
Այսօր ԵՊՀ գիտական խորհրդի նիստերի դահլիճում տեղի ունեցավ միջոցառում՝ նվիրված Մայր բուհի հիմնադրման 103-ամյակին: Տոնի առթիվ դրամական պարգևներով և պատվոգրերով պարգևատրվեցին համալսարանի վարչական աշխատակիցներ, դասախոսներ, ուսանողներ, ինչպես նաև «ԵՊՀ օլիմպիադա-2022»-ի առաջին կարգի մրցանակակիրները: