08.12.2017 | 
Քաղաքականություն
ՖԱԿՈՒԼՏԵՏՆԵՐՆ ԱՄՓՈՓԵԼ ԵՆ ԱՆՑԱԾ ՈՒՍՏԱՐԻՆ
ՖԱԿՈՒԼՏԵՏՆԵՐՆ ԱՄՓՈՓԵԼ ԵՆ ԱՆՑԱԾ ՈՒՍՏԱՐԻՆ
Ինչպես ամեն տարի, այս տարի նույնպես բոլոր ֆակուլտետներում տեղի են ունեցել գիտխորհրդի տարեվերջյան ամփոփիչ նիստեր, որոնց ընթացքում դեկանները հանդես են եկել հաշվետվությունների ներկայացմամբ:

Յուրաքանչյուր ֆակուլտետ նախ ամբիոնների ներսում քննարկումներ է անցկացրել՝ գնահատելով ամբիոնի աշխատանքները, այնուհետև դեկանները գիտխորհրդի նիստում տարեկան կտրվածքով ներկայացրել են ֆակուլտետի գործունեությունը:

 

Ֆակուլտետների դեկանները որոշակի տվյալներով ներկայացրել են նախորդ ուստարվա ընդհանուր նկարագիրը, անդրադարձել են նաև ուսումնական և գիտական գործունեությանը՝ նշելով ոչ միայն ձեռքբերումները, այլև բացթողումները:

 

Ֆակուլտետային գիտխորհրդի անդամներն էլ գնահատել են դեկանի և ֆակուլտետի աշխատանքները, հանդես եկել կոնկրետ առաջարկություններով և բարձրացրել ֆակուլտետում կամ ամբիոններում առկա խնդիրները:

 

 

Տարեվերջյան նիստերին մասնակցել են ԵՊՀ ռեկտոր Արամ Սիմոնյանը, ուսումնական աշխատանքների գծով պրոռեկտոր Ալեքսանդր Գրիգորյանը, գիտական քաղաքականության և միջազգային համագործակցության գծով պրոռեկտոր Գեղամ Գևորգյանը: Վերջիններս անդրադարձել են ֆակուլտետների գործունեության ընդհանուր գնահատականին ու պրոֆեսորադասախոսական կազմի և ուսանողության բարձրաձայնած խնդիրներին, ինչպես նաև բավականին հանգամանալից կերպով պատասխանել ֆակուլտետների գիտխորհրդի անդամների հարցերին:

 

Տեղեկացնենք, որ ԵՊՀ բոլոր ֆակուլտետների գիտխորհրդի նիստերում դեկանների ներկայացրած հաշվետվությունները գնահատվել են բավարար:

 

Նշենք նաև, որ բոլոր ֆակուլտետների ամփոփիչ նիստերից հետո քննարկումների արդյունքները և հնչեցված առաջարկները քննարկվում են ԵՊՀ ղեկավարության կողմից:

 

Այլ նորություններ
ԵՊՀ ՈՒՍՈՒՄՆԱԿԱՆ ԳՈՐԾԸՆԹԱՑԻ ԿԱՌԱՎԱՐՄԱՆ ԷԼԵԿՏՐՈՆԱՅԻՆ ԾՐԱԳԻՐԸ 10 ՏԱՐԵԿԱՆ Է
Այսօր ԵՊՀ ռեկտոր Արամ Սիմոնյանն իր աշխատասենյակում ընդունեց բուհի ուսումնական գործընթացի կառավարման «Supervision» էլեկտրոնային ծրագրի աշխատակիցներին:
«ՄԵԶ ՀԱՄԱՐ ԳՆԱՀԱՏԱԿԱՆԸ ՔԱՂԱՔԱՑԻՆԵՐԻ ԲԱՎԱՐԱՐՎԱԾ ԼԻՆԵԼՆ Է». ՄԱՆԵ ԹԱՆԴԻԼՅԱՆԸ՝ ՍՈՑԻՈԼՈԳԻԱՅԻ ՖԱԿՈՒԼՏԵՏԻ ՀՅՈՒՐ
Այսօր ԵՊՀ սոցիոլոգիայի ֆակուլտետի սոցիալական աշխատանքի և սոցիալական տեխնոլոգիաների ամբիոնը հյուրընկալել էր ՀՀ աշխատանքի և սոցիալական հարցերի նախարար Մանե Թանդիլյանին: