07.07.2021 | 
Ուսանողական
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:

Միջոցառմանը ներկա էին Եվրոպական լեզուների և հաղորդակցության ֆակուլտետի դեկան Գևորգ Բարսեղյանը, Անգլիական բանասիրության ամբիոնի վարիչ Սեդա Գասպարյանը, դասախոսներ, շրջանավարտներ և ծնողներ:

 

Հանդիսավոր արարողության սկզբում բացման խոսքով հանդես եկավ ֆակուլտետի դեկան Գևորգ Բարսեղյանը, որը նախ ողջունեց ներկաներին, ապա իր խոսքն ուղղեց շրջանավարտներին: 

«Տարիներ անց այս դիպլոմը ձեր ձեռքը վերցնելով՝ անթաքույց հիացմունք եք ապրելու, քանի որ հիշելու եք այն երանելի օրերն ու տարիները, որոնք անցկացրել եք հարազատ կրթօջախում»,- ասաց դեկանն ու հույս հայտնեց, որ շրջանավարտներից շատերը կշարունակեն կրթությունը մագիստրատուրայում:

 

 

Գ. Բարսեղյանը մասնագիտական և անձնական հաջողություններ մաղթեց շրջանավարտներին և հորդորեց ցանկացած պարագայում պահպանել կապը Մայր բուհի հետ՝ գնահատելով ու փայփայելով այն մեծագույն արժեքը, որի անունը ԵՊՀ է:

 

Շրջանավարտներին շնորհավորեց նաև Անգլիական բանասիրության ամբիոնի վարիչ Սեդա Գասպարյանը. «Գիտելիքն այն արժեքն է, որ ոչ ոք չի կարողանալու ձեզնից խլել: Այն միշտ ուղեկցելու է ձեզ ու հնարավորություն է տալու վստահաբար առաջ քայլելու և ամուր կանգնելու հողի վրա»:

 

 

Տիկին Գասպարյանը մեր երկրին մաղթեց խաղաղություն ու կայունություն, իսկ շրջանավարտներին՝ դառնալ ազգի արժանի զավակ. «Դարձեք իսկական նվիրյալներ ազգի համար. եղեք բարի, ազնիվ, նպատակասլաց, որ կարողանաք որևէ օգուտ տալ մեր երկրին»: 

 

 

 

Այլ նորություններ
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ:
ԵՎՐՈՊԱՅԻ ՉԵՄՊԻՈՆՆԵՐԸ՝ ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՈՒՄ
Երևանի պետական համալսարանի Չարենցի անվան դահլիճում այսօր տեղի է ունեցել հանդիպում Եվրոպայի չեմպիոններ, վերջերս Բուդապեշտում ընթացող ազատ ոճի ըմբշամարտի վարկանիշային մրցաշարի ոսկե մեդալակիրներ և այս տարվա ամռանը Տոկիոյում կայանալիք 32-րդ ամառային օլիմպիական խաղերի ուղեգրեր նվաճած ազատ ոճի ըմբիշներ Արսեն Հարությունյանի և Վազգեն Թևանյանի հետ։