03.09.2019 | 
Ուսանողական
ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԸ ՀԱՆԴԻՍԱՎՈՐ ԴԻՄԱՎՈՐԵՑ ԱՌԱՋԻՆԿՈՒՐՍԵՑԻՆԵՐԻՆ
ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԸ ՀԱՆԴԻՍԱՎՈՐ ԴԻՄԱՎՈՐԵՑ ԱՌԱՋԻՆԿՈՒՐՍԵՑԻՆԵՐԻՆ
ԵՊՀ ժուռնալիստիկայի ֆակուլտետում այսօր տեղի է ունեցել առաջինկուրսեցիների դիմավորման արարողությունը, որին ներկա էին ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը, Հումանիտար և հասարակագիտական մասնագիտությունների գծով պրոռեկտոր Էլինա Ասրիյանը, ֆակուլտետի դասախոսներ և ուսանողներ:

Հանդիսության սկզբում առաջինկուրսեցիներին ողջունեց ԵՊՀ ժուռնալիստիկայի ֆակուլտետի դեկան Նաղաշ Մարտիրոսյանը, որը նախ շնորհավորեց  Արցախի Հանրապետության հռչակման օրը, ապա՝ առաջինկուրսեցիներին՝ ուսումնական տարվա մեկնարկի կապակցությամբ:
 

«Համալսարանական միջավայրն ամբողջանում, կատարյալ և ներկայանալի է դառնում ուսանողների ներկայությամբ,-ելույթում նշեց Նաղաշ Մարտիրոսյանը,- ուստի պետք է խնդրեմ, որ ձեզնից յուրաքանչյուրը գիտակցի համալսարանական լինելու մեծ պատիվն ու առաքելությունը»:

Նաղաշ Մարտիրոսյանը շեշտեց, որ Ժուռնալիստիկայի ֆակուլտետում ուսանողները հնարավորություն կունենան ստանալու տեսական և գործնական գիտելիքներ, որոնց կգումարվի հետագա տարիների աշխատանքային փորձը, և ուսանողները կկայանան որպես մասնագետներ:

ԵՊՀ հումանիտար և հասարակագիտական մասնագիտությունների գծով պրոռեկտոր Էլինա Ասրիյանն ասաց, որ ուսանողներն ընդունվել են ամենալավ համալսարանի ամենալավ ֆակուլտետներից մեկը. «Հարյուրամյա համալսարանի ամենակարևոր մասնիկն ուսանողն է, և յուրաքանչյուր քայլ արվում է՝ ցուցաբերելով ուսանողակենտրոն մոտեցում: Ուսանողն էլ պետք է լավ սովորի, ունենա քննադատական միտք և ձեռք բերի հետազոտողի հմտություններ»:

Անդրադառնալով ապագա լրագրողներին՝ Էլինա Ասրիյանը շեշտեց, որ լրագրողի թերևս ամենակարևոր առաքելություններից մեկը պետք է լինի անաչառությունը, որն այսօր ոլորտին շատ է պակասում:

Այնուհետև ԵՊՀ ռեկտորի անունից  բրոնզե մեդալով պարգևատրվեց Ժուռնալիստիկայի ֆակուլտետի 3-րդ կուրսի ուսանողուհի Միլենա Մովսեսյանը՝ «Լրագրողական մենամարտ» նախագծում ունեցած հաղթանակի համար: 

Միլենա Մովսեսյանը, շնորհակալություն հայտնելով ներկաներին, նշեց, որ ֆակուլտետում ձեռք բերած գիտելիքներն ու հմտություններն իրեն շատ օգնել են նախագծում հաղթանակի հասնելու համար:

Առաջինկուրսեցիներին ողջունեց նաև Նոր մեդիայի և հաղորդակցության ամբիոնի վարիչ Դավիթ Պետրոսյանը:

 

«Ես հուսով եմ, որ համալսարանում ուսումնառության տարիները հագեցած կլինեն  ստեղծագործական մտահղացումներով և ուսանողական ակտիվ կյանքով»,- նշեց Դավիթ Պետրոսյանը՝ ուսանողներին մաղթելով նորանոր հաջողություններ:

Միջոցառման վերջում տեղի ունեցավ Ժուռնալիստիկայի ֆակուլտետի հեռակա 5-րդ կուրսի ուսանողների դիպլոմների հանձնման հանդիսավոր արարողությունը:

 

Անի Պողոսյան

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: