27.11.2018 | 
Կրթություն
ՀԱՄԱԿՑՎԱԾ ԴԱՍԱՎԱՆԴՄԱՆ ԵՎ ՈՒՍՈՒՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ. ԵՊՀ ԴԱՍԱԽՈՍՆԵՐԸ ՎԵՐԱՊԱՏՐԱՍՏՎԵԼ ԵՆ ԱՎՍՏՐԻԱՅՈՒՄ
ՀԱՄԱԿՑՎԱԾ ԴԱՍԱՎԱՆԴՄԱՆ ԵՎ ՈՒՍՈՒՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ. ԵՊՀ ԴԱՍԱԽՈՍՆԵՐԸ ՎԵՐԱՊԱՏՐԱՍՏՎԵԼ ԵՆ ԱՎՍՏՐԻԱՅՈՒՄ
«ERASMUS+ PRINTeL» նախագծի դասախոսների վերապատրաստման շրջանակում ԵՊՀ երեք դասախոսներ մասնակցել են Ավստրիայի Գրաց քաղաքի Յոաններում կիրառական գիտությունների համալսարանում նոյեմբերի 5-9-ը տեղի ունեցած «Համակցված դասավանդում և ուսուցում» խորագրով դասընթացին:

Դասավանդման և ուսուցման գործընթացների, ինչպես նաև դրանցում ժամանակակից տեխնոլոգիաների ունեցած բազմակի հնարավորությունների բացահայտմանը, փորձի փոխանակմանն ուղղված դասընթացին մասնակցել են Մանկավարժության և կրթության զարգացման կենտրոնի դոցենտ Աննա Ալեքսանյանը, Տեղեկատվական տեխնոլոգիաների (SS) կրթական և հետազոտական կենտրոնի ասիստենտ Արթուր Ավագյանը և Քիմիայի ֆակուլտետի դոցենտ Լիանա Գաբրիելյանը:

 

Ի դեպ, նույն համալսարանում ստուգայցի (մոնիթորինգ) նպատակով էին գտնվում նաև «ERASMUS+ PRINTeL» նախագծի ղեկավար, ԵՊՀ ուսումնական աշխատանքների գծով պրոռեկտորի տեղակալ, Որակի ապահովման կենտրոնի տնօրեն Արմեն Բուդաղյանը և նույն կենտրոնի առաջատար մասնագետ, նախագծի համակարգող Մարի Սանթուրջյանը։

 

Վերապատրաստման հագեցած շաբաթվա ընթացքում «ERASMUS+ PRINTEL»  նախագծի  Հայաստանի, Վրաստանի, Բելառուսի գործընկեր բուհերից ժամանած ամենատարբեր ուսումնական առարկաների գծով փորձ ունեցող դասախոսները ծանոթացել և քննարկել են դասախոսի՝ որպես էլեկտրոնային մոդերատորի և ռեֆլեկտիվ իրականացնողի, դերի առանձնահատկությունները, ինչպես նաև դրա հետ կապված սեփական լսարանում կիրառվող մեթոդների յուրահատկությունները:

 

Ըստ մասնակիցների՝ հատկապես կարևոր ու կիրառելի էին առցանց թղթապանակների և էլեկտրոնային այլ գործողությունների ու ակտիվությունների միջոցով սովորողների ռեֆլեկտիվության աջակցության մանրամասները, դրա կիրառման փորձը և հետագա տեղայնացման հնարավորությունները:

 

Վերապատրաստվողների համար հետաքրքրական է եղել նաև մուլտիմեդիա հնարավորությունների ուսումնասիրությունը:

 

Նրանց հավաստմամբ, համակցված ուսուցման կիրառման փորձի քննարկման տեսանկյունից կարևոր էր նաև էլեկտրոնային ուսուցման առցանց գործիքներին ծանոթացումը և դրանց դիտարկումը պրոյեկտիվ ուսուցման տեսանկյունից:

 

Ամբողջ շաբաթվա աշխատանքն ամփոփվել է խմբային աշխատանքների միջոցով պատրասված նախագծերի ներկայացմամբ և անհատական փորձի քննարկմամբ: Վերապատրաստման դասընթացի ավարտին բոլոր մասնակիցները ստացել են մասնակցության վերաբերյալ վկայականներ:

Պատրաստեց Քնար Միսակյանը

Այլ նորություններ
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԿԱՐԾԻՔԸ՝ ՀԱՆՐԱԿՐԹՈՒԹՅԱՆ ՊԵՏԱԿԱՆ ԱՌԱՐԿԱՅԱԿԱՆ ՉԱՓՈՐՈՇԻՉՆԵՐԻ ԵՎ ԾՐԱԳՐԵՐԻ ՄԱՍԻՆ
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում:
ԵՊՀ «ԱՐՎԵՍՏԱԲԱՆՈՒԹՅՈՒՆ» ԿՐԹԱԿԱՆ ԾՐԱԳՐԻ ՈՒՍԱՆՈՂՆԵՐՆ ԱՌՑԱՆՑ ՊՐԱԿՏԻԿԱ ԵՆ ԱՆՑՆՈՒՄ ՌՈՒՍԱԿԱՆ ԱՐՎԵՍՏԻ ԹԱՆԳԱՐԱՆՈՒՄ
Երևանի պետական համալսարանի պատմության ֆակուլտետի «Արվեստաբանություն» կրթական ծրագրի և Ռուսական արվեստի թանգարանի համագործակցության արդյունքում ԵՊՀ ուսանողները երեք տարի անընդմեջ մասնակցում են «Թանգարանային մենեջմենթ և թանգարանագիտություն» պրակտիկային: Պրակտիկայի և գրանցած արդյունքների մասին զրուցել ենք թանգարանի տնօրեն Մարինե Մկրտչյանի հետ: