14.11.2017 | 
Հասարակություն
ՇԱՐՈՒՆԱԿՎՈՒՄ Է ՏՈՆԱԿԱՆ ՄԻՋՈՑԱՌՈՒՄՆԵՐԻ ՇԱՐՔԸ
ՇԱՐՈՒՆԱԿՎՈՒՄ Է ՏՈՆԱԿԱՆ ՄԻՋՈՑԱՌՈՒՄՆԵՐԻ ՇԱՐՔԸ
Այսօր ԵՊՀ մշակույթի կենտրոնի դահլիճում տեղի ունեցավ Սոցիոլոգիայի ֆակուլտետի հիմնադրման 13-ամյակին նվիրված միջոցառում:

Ֆակուլտետի ուսանողական խորհրդի կողմից կազմակերպված տոնական միջոցառման ընթացքում առաջին կուրսեցիներին հանձնվեցին ստուգման գրքույկները:

 

Միջոցառմանը ներկա էին ֆակուլտետի դեկան Արթուր Մկրտիչյանը, պրոֆեսորադասախոսական կազմի ներկայացուցիչներ, ուսանողներ:

 

Արթուր Մկրտիչյանը շնորհակալություն հայտնեց ներկայության համար և շնորահավորեց ֆակուլտետի ծննդյան օրվա առթիվ. «Ճիշտ է, ֆակուլտետի ծննդյան օրը նոյեմբերի 13-ն է, սակայն մեր տոնական միջոցառումները սկսել ենք դեռևս նոյեմբերի 10-ից: Շատ ուրախ եմ կազմակերպված գեղեցիկ ցերեկույթի համար»:

 

Իրենց ստուգման գրքույկները ստացան «Սոցիոլոգիա» բաժնի և 4 մագիստրոսական ծրագրերի առաջին կուրսի ուսանողները, իսկ «Սոցիալական աշխատանք» բաժնի առաջին կուրսի ուսանողներին դրանք հանձնվել էին նոյեմբերի 13-ին տեղի ունեցած «Սոցիալական աշխատանքի պրակտիկայի գիտական ընդհանրացման արդի հիմնախնդիրները ՀՀ-ում» խորագրով միջազգային գիտաժողովի ընթացքում:

 

Ցերեկույթն ուղեկցվում էր հայրենասիրական երգ-երաժշտությամբ, ասմունքով:

Այլ նորություններ
ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ՇՐՋԱՆԱՎԱՐՏՆԵՐԸ ՀԱՆԴԻՊԵՑԻՆ ԻՆՖՈՐՄԱՏԻԿԱՅԻ ԵՎ ԿԻՐԱՌԱԿԱՆ ՄԱԹԵՄԱՏԻԿԱՅԻ ՖԱԿՈՒԼՏԵՏՈՒՄ
Այսօր Ինֆորմատիկայի և կիրառական մաթեմատիկայի ֆակուլտետում տեղի ունեցավ Հայ բանասիրության ֆակուլտետի շրջանավարտների հանդիպումը:
Ո՞ՐՆ Է ԼԱԶԱՐՅԱՆՆԵՐ ՏՈՀՄԻ ՀԱՋՈՂՈՒԹՅԱՆ ԳԱՂՏՆԻՔԸ. ՊԱՐԶԱԲԱՆՈՒՄ  Է ԵՊՀ ՊԱՏՄԱԿԱՆ ԳԻՏՈՒԹՅՈՒՆՆԵՐԻ ԴՈԿՏՈՐ, ՊՐՈՖԵՍՈՐ ՀԱՅԿԱԶ ՀՈՎՀԱՆՆԻՍՅԱՆԸ
Պատմական գիտությունների դոկտոր, պրոֆեսոր Հայկազ Հովհաննիսյանի ներկայացրած «Մատենադարանի Լազարյանների արխիվը որպես 18‐19‐րդ դարերի հայոց պատմության սկզբնաղբյուր» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման: