01.09.2020 | 
Հասարակություն
ԵՊՀ ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ԴԻՄԱՎՈՐԵՑ ԱՌԱՋԻՆԿՈՒՐՍԵՑԻՆԵՐԻՆ
ԵՊՀ ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ԴԻՄԱՎՈՐԵՑ ԱՌԱՋԻՆԿՈՒՐՍԵՑԻՆԵՐԻՆ
ԵՊՀ եվրոպական լեզուների և հաղորդակցության ֆակուլտետն այսօր դիմավորեց առաջինկուրսեցիներին, որոնք ծանոթացան ֆակուլտետի կառուցվածքին, գործունեությանը, կրթական ծրագրերին և անցած ճանապարհին:

Ուսանողներին ողջունեց ԵՊՀ եվրոպական լեզուների և հաղորդակցության ֆակուլտետի դեկան Գևորգ Բարսեղյանը, որը շնորհավորեց նրանց՝ իրենց ճանապարհին հանդիպած դժվարությունները և խոչընդոտները հաղթահարելու, ինպես նաև արտակարգ դրության պայմաններում քննական շրջանը հնարավորինս լավ արդյունքներով ամփոփելու համար:

 

«Դուք 101-ամյա համալսարանի ամենամեծ ֆակուլտետի ուսանողներն եք: Իր 30-ամյա գործունեության ընթացքում ֆակուլտետն իրականացրել է վիթխարի աշխատանք՝ նպաստելով  ոլորտում լավագույն կադրերի պատրաստմանը և թարգմանչական մտքի զարգացմանը»,- նշեց դեկանը:

 

Խոսելով ֆակուլտետի և օտարեկրյա բուհերի ու դեսպանատների միջև ակտիվ համագործակցության մասին՝ Գևորգ Բարսեղյանը կոչ արեց ուսանողներին լավ սովորել և դառնալ ոլորտի լավագույն մասնագետներից. «Ձեզ բախտ է վիճակվելու լսել ԵՊՀ և օտարերկրյա բուհերի համագործակցության արդյունքում ԵՊՀ ժամանած դասախոսներին, թարգմանիչներին ու հարստանալ նրանց փորձով և գիտելիքներով»:



 

Ուսանողներին ողջունեցին և շնորհավորեցին Անգլիական բանասիրության ամբիոնի վարիչ Սեդա Գասպարյանը, Ռոմանական բանասիրության ամբիոնի վարիչ Հասմիկ Բաղդասարյանը:

Սեդա Գասպարյանի բնորոշմամբ, ուսանողների համար այս օրն ամենահիշարժան պահերից մեկն է. «Այսօր ձեր կյանքի ամենահիշարժան օրերից է։ Սա առաջին լուրջ քայլն է, որը հետագայում կուղղորդի ձեզ անցնելու կյանքի դժվարին արահետներով և գտնելու ձեր ճիշտ տեղը»։



Եվրոպական լեզուների և հաղորդակցության ֆակուլտետի ռոմանական բանասիրության բաժնի ուսանողուհի Լուսինե Արիստակեսյանը ոգևորությամբ է եկել նախընտրած ֆակուլտետ. «Մեզ՝ առաջինկուրսեցիներիս համար նպատակահարմար էր ուսուցումը կազմակերպել առկա եղանակով: Հուսանք՝ կկարողանանք արտակարգ պայմաններում արդյունավետ կազմակերպել և մասնակցել ուսումնական գործընթացին»:

 

Նշենք, որ առաջինկուրսեցիները ծանոթացան նաև ԵՊՀ մշակույթի կենտրոնի գործունեությանը և կառուցվածքին՝ հետագայում կենտրոնի սաների շարքերը համալրելու և մշակութային կյանքը նոր ուղղությամբ ներկայացնելու  նպատակով:

 

Անգին Խաչատրյան

 

 

Այլ նորություններ
ԵՊՀ ՀԱՅՈՑ ԼԵԶՎԻ ԱՄԲԻՈՆԻ ՀԱՅՏԱՐԱՐՈՒԹՅՈՒՆԸ
ԵՊՀ հայոց լեզվի ամբիոնի հայտարարությունը:
«ՕՐԵՆՔԻ ՆԱԽԱԳԻԾՆ ՈՒՂՂԱԿԻ ՀԱԿԱՍՈՒՄ Է ՀՀ ՍԱՀՄԱՆԱԴՐՈՒԹՅԱՆԸ». ՎԱՀԵ ՀՈՎՀԱՆՆԻՍՅԱՆԸ ԵՎ ՄԵՆՈՒԱ ՍՈՂՈՄՈՆՅԱՆԸ ՀԱՆԴԵՍ ԵՆ ԵԿԵԼ ՄԱՄՈՒԼԻ ԱՍՈՒԼԻՍՈՎ
ԵՊՀ Պալեանների անվան դահլիճում այսօր մամուլի ասուլիսով են հանդես եկել ԵՊՀ ռեկտորի թեկնածու, իրավ. գիտ. դոկտոր, պրոֆեսոր, ԵՊՀ քաղաքացիական դատավարության ամբիոնի վարիչ Վահե Հովհաննիսյանը և ԵՊՀ հոգաբարձուների խորհրդի անդամ, Քաղաքական ինստիտուտների և գործընթացների ամբիոնի դոցենտ, պատմ. գիտ. թեկնածու Մենուա Սողոմոնյանը՝ անդրադառնալով ՀՀ կառավարության դեկտեմբերի 3-ի օրակարգում ընդգրկված «Բարձրագույն կրթության և գիտության մասին» ու հարակից օրենքների նախագծերին հավանություն տալու և անհետաձգելի համարելու մասին որոշման նախագծին: