29.03.2019 | 
Մշակույթ
ԵՊՀ ՄՇԱԿՈՒՅԹԻ ԿԵՆՏՐՈՆԻ ՍԱՆԵՐԸ՝ ՖՐԱՆՍԻԱԿԱՆ ԵՐԳԻ ԱՄԵՆԱՄՅԱ ՄՐՑՈՒՅԹ-ՓԱՌԱՏՈՆԻ «ԳՐԱՆ ՊՐԻ»-Ի ՄՐՑԱՆԱԿԱԿԻՐ
ԵՊՀ ՄՇԱԿՈՒՅԹԻ ԿԵՆՏՐՈՆԻ ՍԱՆԵՐԸ՝ ՖՐԱՆՍԻԱԿԱՆ ԵՐԳԻ ԱՄԵՆԱՄՅԱ ՄՐՑՈՒՅԹ-ՓԱՌԱՏՈՆԻ «ԳՐԱՆ ՊՐԻ»-Ի ՄՐՑԱՆԱԿԱԿԻՐ
Հայ-ռուսական (Սլավոնական) համալսարանում մարտի 28-ին տեղի է ունեցել ֆրանսիական երգի ամենամյա միջբուհական մրցույթ-փառատոնը։

Հայ-ռուսական (Սլավոնական) համալսարանի կողմից և Հայաստանում Ֆրանսիայի Հանրապետության դեսպանատան աջակցությամբ փառատոնի կազմակերպումն ավանդույթ է դարձել 2009 թվականից։

 

Այս տարի ավանդական երգի փառատոնը տարբերվում էր նախորդներից. այն նվիրված էր Շառլ Ազնավուրի հիշատակին, և բոլոր կատարումները հայազգի շանսոնեի երգապնակից էին:

Ժյուրիի կազմում էին հեռուստահաղորդավարուհի Նազենի Հովհաննիսյանը, կոմպոզիտոր Կարեն Անանյանը, ՀՌՀ (Հայ-ռուսական համալսարան) մեդիա, գովազդ և կինո ինստիտուտի տնօրեն Նինա Կևորկովան, ՀՌՀ մշակույթի տան տնօրեն Գեորգի Սարաջյանը:

 

Ֆրանսիական երգի ամենամյա միջբուհական մրցույթում հաղթանակի համար պայքարում էին ԵՊՀ-ն, Հայ-ռուսական (Սլավոնական), Հայաստանի ազգային պոլիտեխնիկական, Հայաստանի ֆրանսիական, Հայաստանի ամերիկյան, Վ. Բրյուսովի անվան պետական լեզվահասարակագիտական, Շիրակի պետական համալսարանները, Երևանի թատրոնի և կինոյի պետական ինստիտուտը, Երևանի Կոմիտասի անվան պետական կոնսերվատորիան: 

Նշենք, որ փառատոնի պատվավոր հյուրն էր Հայաստանում Ֆրանսիայի արտակարգ և լիազոր դեսպան Ջոնաթան Լակոտը, որը խոստացավ մյուս անգամ երգել Հայ-ռուսական (Սլավոնական) համալսարանի ռեկտոր Արմեն Դարբինյանի հետ։ 

 

ԵՊՀ մշակույթի կենտրոնի 15 հոգուց բաղկացած երգչախումբն ամենամյա մրցույթում կատարեց «Ave Maria» երգը: 

Ժյուրիի միաձայն որոշմամբ, համալսարանականները դարձան «գրան պրի»-ի մրցանակակիր, իսկ «Լավագույն բեմական կեցվածք» տիտղոսը շնորհվեց Մերի Խաչատրյանին:

 

Վերջինս ԵՊՀ մաթեմատիկայի և մեխանիկայի ֆակուլտետի 2-րդ կուրսի ուսանողուհի է:

ԵՊՀ մշակույթի կենտրոնի տնօրեն Կարինե Դավթյանի խոսքով, միջբուհական մրցակցությունը թեժ էր, սակայն իրենց հաջողվեց հաղթահարել հաջողության հասնելու խոչընդոտները. «Մեզ համար անսպասելի էր, բայց մենք հավատում էինք հաղթանակին: Կարծում եմ՝ հաղթանակի գրավականներից մեկը Շառլ Ազնավուրի հանդեպ ունեցած սերն էր, որը մեր սաները փոխանցեցին երգի լավագույն կատարմամբ»: 

 

Անգին Խաչատրյան

 

Այլ նորություններ
«ՀԱՄԱԼՍԱՐԱՆԸ ՀԱՅԱԳԻՏԱԿԱՆ ՀՈՒՄԱՆԻՏԱՐ ԿԵՆՏՐՈՆ Է, ՈՐԸ ԳԻՏՈՒԹՅԱՆ ՆՎԱՃՈՒՄՆԵՐԻՆ ԵՎ ՁԵՌՔԲԵՐՈՒՄՆԵՐԻՆ ԻՄԱՍՏ ԵՎ ՀՈՂԵՂԵՆ ՄԱՐՄԻՆ Է ՏԱԼԻՍ». ՏԻԳՐԱՆ ՄԱՆՍՈՒՐՅԱՆ
ԵՊՀ Շառլ Ազնավուրի անվան մշակույթի կենտրոնում տեղի ունեցավ հանդիպում հայ կոմպոզիտոր, Հայաստանի Հանրապետության ժողովրդական արտիստ Տիգրան Մանսուրյանի հետ, որի ընթացքում համալսարանի ռեկտոր Հովհաննես Հովհաննիսյանը մաեստրոյին հանձնեց ԵՊՀ ոսկե մեդալ:
ՀԱՄԱԼՍԱՐԱՆԱԿԱՆՆԵՐԸ ԴԻՏԵՑԻՆ «…ԵՎ ՆՈՐԻՑ ԳԱՐՈՒՆ» ՆԵՐԿԱՅԱՑՈՒՄԸ
ԵՊՀ Շառլ Ազնավուրի անվան մշակույթի կենտրոնի նախաձեռնությամբ «Համալսարանական» թատրոն-ստուդիայի սաները Ս. Սարգսյանի անվան համազգային թատրոնում դիտեցին ներկայացում, որի ավարտին տեղի ունեցավ քննարկում ներկայացման ստեղծագործական և դերասանական կազմի հետ: