20.03.2018 | 
Մշակույթ
ՖՐԱՆՍԻԱԿԱՆ ՖԻԼՄԵՐԸ ԵՊՀ «ԷԿՐԱՆԻՆ»
ՖՐԱՆՍԻԱԿԱՆ ՖԻԼՄԵՐԸ ԵՊՀ «ԷԿՐԱՆԻՆ»
ԵՊՀ մշակույթի կենտրոնը Հայաստանի ազգային կինոկենտրոնի հետ համագործակցության շրջանակում վերսկսում է արդեն ավանդույթ դարձած ֆիլմերի ցուցադրությունը:

Այս անգամ հերթը ֆրանսիական կարճամետրաժ ֆիլմերինն ու մուլտֆիլմերինն էր, իսկ միջոցառման հյուրերը ֆրանսախոս ուսանողներն էին:

 

2012-ից Ֆրանսիական ազգային կինոկենտրոնը նշում է կարճամետրաժ ֆիլմերի օրը, որին միացել է նաև Հայաստանը: Մշակույթի կենտրոնի տնօրեն Կարինե Դավթյանը նշեց, որ նմանատիպ ֆիլմերի ցուցադրությունը պարբերաբար է լինելու, և ուսանողները հնարավորություն կունենան դիտելու վեջին տարիներին արտադրված և միջազգային փառատոններին մասնակցած լավագույն ֆիլմերը:

 

 

Ֆրանսիական կարճամետրաժ ֆիլմերն ու մուլտֆիլմերը  ներկայացրեց Հայաստանի ազգային կինոկենտրոնի ֆրանկոֆոն միջոցառումների պատասխանատու Նունե Գալստյանը: Ցուցադրվեցին վեց կարճամետրաժ ֆիլմեր, որոնցից երկուսը մուլտֆիլմեր էին: Ֆիլմերում խոսվում էր  ֆրանսիական ժամանակակից հասարակության տարբեր խնդիրների մասին: Վերջիններս աչքի էին ընկնում ռեժիսորական բարդ լուծումերով, որոնցից մեկն էլ փելեշյանական հայտնի տարածական մոնտաժն է:

 

Նմանօրինակ ֆիլմերի ցուցադրությունն ուսանողների համար ֆրանսիական կինոյի բազմազանությանը, գույներին ու նորարարական մտքին ծանոթանալու լավ հնարավորություն է:

Այլ նորություններ
ՄԵԿՆԱՐԿԵՑ «ԵՊՀ-ՍԹԱՐՄՈՒՍ ՆՈԲԵԼՅԱՆ ՇԱԲԱԹԸ»․ ԱՍՏՂԱՖԻԶԻԿՈՍ ՔԻՓ ԹՈՐՆԸ ՀԱՆԴԵՍ ԵԿԱՎ ԴԱՍԱԽՈՍՈՒԹՅԱՄԲ
«ԵՊՀ-Սթարմուս Նոբելյան շաբաթ» միջոցառման շրջանակում կազմակերպված առաջին դասախոսության ընթացքում Նոբելյան մրցանակի դափնեկիր աստղաֆիզիկոս Քիփ Թորնը և արվեստագետ, նկարչուհի Լիա Հալորանը ներկայացրին սև խոռոչների վերաբերյալ իրենց ուսումնասիրությունները, արվեստի դերը գիտության զարգացման գործում և այն, թե ինչ կկատարվի մարդու հետ, եթե նա հայտնվի սև խոռոչի մեջ։
ECER 2022 ՀԱՄԱԺՈՂՈՎԻՆ ՄԱՍՆԱԿՑԱԾ ԿԱՄԱՎՈՐՆԵՐԸ ՊԱՏՄԵԼ ԵՆ ԻՐԵՆՑ ՏՊԱՎՈՐՈՒԹՅՈՒՆՆԵՐԻ ՄԱՍԻՆ
ԵՊՀ ռեկտոր Հովհաննես Հովհաննիսյանը հավաստագրեր էր հանձնել ECER 2022 համաժողովի կազմակերպչական աշխատանքներում ներգրավված կամավորներին: Նրանք պատմել են համաժողովի չորս օրերի ընթացքում ստացած տպավորությունների և հետաքրքրաշարժ դրվագների մասին։