20.04.2017 | 
Մշակույթ
ՀԱՂԹԱՆԱԿ՝ «ԼԱՎԱԳՈՒՅՆ ԱՐՏԻՍՏԻԶՄ» ԱՆՎԱՆԱԿԱՐԳՈՒՄ
ՀԱՂԹԱՆԱԿ՝ «ԼԱՎԱԳՈՒՅՆ ԱՐՏԻՍՏԻԶՄ» ԱՆՎԱՆԱԿԱՐԳՈՒՄ
ԵՊՀ մշակույթի կենտրոնի մենակատարները մասնակցել են Ֆրանսիական երգի ամենամյա փառատոնին:

Ապրիլի 20-ին Հայ-ռուսական (Սլավոնական) համալսարանը ՀՀ-ում Ֆրանսիայի դեսպանատան աջակցությամբ Ֆրանկոֆոնիայի օրերի շրջանակում կազմակերպել էր Ֆրանսիական երգի փառատոն:

 

Ամենամյա հանրապետական փառատոնին, որին մասնակցել են հայաստանյան մի շարք բուհեր, Մայր բուհը ներկայացրել են ԵՊՀ մշակույթի կենտրոնի մենակատարներ Մարիցա Թիլիքյանը, Գայանե Թադևոսյանը և Էլեն Տոնոյանը:

 

Այս տարի Ֆրանսիական երգի փառատոնին Մարիցա Թիլիքյանը, ով մրցույթում կատարել է «Mademoiselle chante le blues» երգը, հաղթող է ճանաչվել «Լավագույն արտիստիզմ» անվանակարգում:

 

«Մրցույթն արդեն 5 տարի է, ինչ կազմակերպվում է, և Մշակույթի կենտրոնի սաները ամեն անգամ որևէ անվանակարգում լավագույնն են ճանաչվում: Հրաշալի է, երբ մշակույթը համախմբում է տարբեր համալսարանների ուսանողներին, ովքեր նախքան մրցույթին մասնակցելն անպայման ուսումնասիրում են տվյալ երկրի երգը, պարը կամ մշակութային այլ ճյուղեր»,- նշեց Կարինե Դավթյանը:

 

Մշակույթի կենտրոնի տնօրենը հավելեց նաև, որ չնայած փառատոնը մեծ հեղինակություն է վայելում ուսանողների շրջանում և բավականին սիրված է, այնուամենայնիվ, իր ձևաչափի մեջ արդեն սպառվել է և պրոֆեսիոնալիզմ ու բարձր մակարդակ ապահովելու համար հարկ է նոր մոտեցումներ մշակել:

Այլ նորություններ
ՄՇԱԿՈՒՅԹՆԵՐԻ ՀԱՂՈՐԴԱԿՑՈՒԹՅԱՆ ՓԱՅԼՈՒՆ ՕՐԻՆԱԿ ԵՊՀ-ՈՒՄ. ԱՇԱԿԵՐՏՆԵՐԸ ՀԱՆԴԵՍ ԵԿԱՆ ՖՐԱՆՍԻԱԿԱՆ ԵՐԳԵՐՈՎ ՈՒ ԱՍՄՈՒՆՔՈՎ
Այսօր ԵՊՀ Չարենցի անվան դահլիճում տեղի ունեցավ Մայր բուհում անցկացվող Ֆրանկոֆոնիայի օրերի շրջանակում մշակութային միջոցառում, որի ընթացքում հանրապետության մի քանի դպրոցների աշակերտներ հանդես եկան ֆրանսիական երգերով և ասմունքեցին ֆրանսիացի ժամանակակից գրողների բանաստեղծությունները:
«Ս. ԶԱՏԿԻՆ ՄԻՇՏ ԲԱԽՏ ԵՆ ԲԱԺԱՆՈՒՄ, ԵՎ ՈՎ ՑԵՐԵԿԸ ՔՆԻ, ԿԶՐԿՎԻ ԻՐ ԲԱԺԻՆ ԲԱԽՏԻՑ». ՀԱՐՑԱԶՐՈՒՅՑ ԵՊՀ ՊՐՈՖԵՍՈՐ ՍԱՄՎԵԼ ՄԿՐՏՉՅԱՆԻ ՀԵՏ
Այս տարի Հայ առաքելական եկեղեցին Ս. Զատիկը` Քրիստոսի հրաշափառ Հարության տոնը, կնշի ապրիլի 1-ին: Ի թիվս այլ Տաղավար տոների՝ (Պայծառակերպության տոն կամ Վարդավառ, Սբ. Աստվածածնի ննջման և վերափոխման տոն, Խաչվերաց) Ս. Զատիկը նույնպես շարժական տոն է և միշտ նշվում է գարնանային գիշերահավասարից հետո՝ լուսնի լրմանը հաջորդող առաջին կիրակի օրը: Ըստ այդմ, այն տեղաշարժվում է մարտի 22-ից ապրիլի 25-ն ընկած ժամանակահատվածում: