04.12.2019 | 
Կրթություն
«ՀԻՆ ԱՐԵՎԵԼՔԻՑ ՀՈՒՆԱՍՏԱՆ». ԴԱՍԱԽՈՍՈՒԹՅՈՒՆՆԵՐԻ ՇԱՐՔ ՊԱՏՄՈՒԹՅԱՆ ՖԱԿՈՒԼՏԵՏՈՒՄ
«ՀԻՆ ԱՐԵՎԵԼՔԻՑ ՀՈՒՆԱՍՏԱՆ». ԴԱՍԱԽՈՍՈՒԹՅՈՒՆՆԵՐԻ ՇԱՐՔ ՊԱՏՄՈՒԹՅԱՆ ՖԱԿՈՒԼՏԵՏՈՒՄ
ԵՊՀ պատմության ֆակուլտետում այսօր մեկնարկել է «Հին Արևելքից Հունաստան (աստվածներ, հերոսներ, մարդիկ)» խորագրով դասախոսությունների շարքը:

Դասախոսության բանախոսն էր ԵՊՀ հայ արվեստի պատմության և տեսության ամբիոնի դասախոս, «Արեգնազան» կրթահամալիրի մանկավարժ Արա Աթայանը:

Միջոցառումը կազմակերպվել էր Պատմության ֆակուլտետի ուսանողական գիտական ընկերության նախաձեռնությամբ:

«Հին Արևելքից Հունաստան (աստվածներ, հերոսներ, մարդիկ)» խորագրով դասախոսությունների շարքը նպատակ ունի ուսանողներին ծանոթացնելու Հին Արևելքի, Հին Հունաստանի քաղաքակրթությանը, մշակույթին, արվեստին, կրոնին:



Դասախոսության ընթացքում բանախոսն անդրադարձավ «Գիլգամեշ» էպոսին, շումերաբաբելական շրջանից մեզ հասած տեղեկություններին և այլն:

«Հին Արևելքից Հունաստան (աստվածներ, հերոսներ, մարդիկ)» խորագրով դասախոսությունը բազմաբովանդակ էր: Պարոն Աթայանն ուսանողներին նկարներով գործնականում ցույց էր տալիս հին քաղաքակրթության արվեստի նմուշներ՝ բուրգեր, քանդակներ, հնագույն ժամանակաշրջանի աստվածների արձաններ:

Մի քանի ժամ տևած դասախոսության ընթացքում տարբեր ֆակուլտետների ուսանողները ծանոթացան Հին Արևելքի արվեստի պատմությանն ու ստացան իրենց հուզող հարցերի պատասխանները:

Այլ նորություններ
«ՖԱԿՈՒԼՏԵՏՈՒՄ ԱՄԲՈՂՋ ԾԱՎԱԼՈՎ ԻՐԱԿԱՆԱՑՎՈՒՄ ԵՆ ՆԱԽԱՏԵՍՎԱԾ ԲՈԼՈՐ ԴԱՍԵՐԸ». ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՆ ԱՄՓՈՓԵԼ Է ՆԱԽՈՐԴ ՇԱԲԱԹՎԱ ԸՆԹԱՑՔՈՒՄ ԻՐԱԿԱՆԱՑՎԱԾ ՀԵՌԱՎԱՐ ՈՒՍՈՒՑՄԱՆ ԳՈՐԾԸՆԹԱՑԸ
Այսօր տեղի է ունեցել ԵՊՀ իրավագիտության ֆակուլտետի դեկանատի ընդլայնված հեռավար նիստ՝ դեկանի, դեկանի տեղակալների, ամբիոնների վարիչների, լաբորանտների, առկա և հեռակա ուսուցման բակալավրիատի և մագիստրատուրայի բոլոր կուրսերի ու խմբերի ավագների մասնակցությամբ։
«ԱՅՍՕՐ ՍՏԵՂԾՎԵԼ Է ԱԿԱԴԵՄԻԱԿԱՆ ՎԻՐՏՈՒԱԼ ՄԻՋԱՎԱՅՐ, ԵՎ ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՆ ԱՅԴ ՄԻՋԱՎԱՅՐԻ ՄԻ ՀԱՏՎԱԾՆ Է` ԻՐ ԲԱԺԻՆ ՊԱՏԱՍԽԱՆԱՏՎՈՒԹՅԱՆ ԳԻՏԱԿՑՄԱՄԲ». ՆԱՂԱՇ ՄԱՐՏԻՐՈՍՅԱՆ
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն անցել են հեռավար ուսուցման: Ժուռնալիստիկայի ֆակուլտետում առցանց ուսուցման իրականացման մասին զրուցել ենք ֆակուլտետի դեկան Նաղաշ Մարտիրոսյանի հետ: