05.04.2007 | 
Գիտություն
ՀԵՏԱԶՈՏԱԿԱՆ ՆՈՐ ԿԵՆՏՐՈՆ ԵՊՀ-ՈՒՄ
ՀԵՏԱԶՈՏԱԿԱՆ ՆՈՐ ԿԵՆՏՐՈՆ ԵՊՀ-ՈՒՄ
«Ուսումնասիրել ժամանակակից իրականության նոր եւ փոփոխվող իմաստները»,- մի նախադասությամբ կենտրոնի նպատակը ներկայացրեց Դավիթ Հովհաննիսյանը:

Ապրիլի 5-ին ԵՊՀ-ում բացվեց քաղաքակրթական եւ մշակութային հետազոտությունների կենտրոն: Նորաբաց ստորաբաժանման տնօրենը պրոֆեսոր Դավիթ Հովհաննիսյանն է:

Իր ելույթում ԵՊՀ ռեկտոր Արամ Սիմոնյանը նշեց, որ համալսարանն արդեն յոթ նման կենտրոն ունի, եւ խիստ կարեւորեց նրանց դերը ԵՊՀ-ի` որպես հետազոտական համալսարան ներկայանալու գործում:

Քաղաքակրթական եւ մշակութային հետազոտությունների կենտրոնը ԵՊՀ ինքնուրույն ստորաբաժանում է, որը հետազոտություններ է իրականացնում մշակութաբանության, քաղաքագիտության, աշխարհաքաղաքականության եւ այլ ոլորտներում:

«Նմանատիպ կենտրոնները կարող են գոյատեւել եւ արդյունավետ աշխատել միայն այն դեպքում, երբ կկարողանան համագործակցել համանման այլ կենտրոնների հետ, ոչ միայն հանրապետության ներսում, այլ նաեւ արտասահմանում»,- նկատեց Արամ Սիմոնյանը:

Կենտրոնը հրատարակում է եռամսյա «Բյուլետեն», ամենամյա «Ալմանախ» եւ մենագրական ուսումնասիրություններ կենտրոնի հետազոտական ուղղվածության թեմաներով:

«Մեր կենտրոնի նպատակները լուրջ են, մեծ են ու ամբիցիոզ, եւ կենտրոնի աշխատակազմը կանի հնարավոր ամեն ինչ` իրագործելու այն աշխատանքը, որը մինչեւ այժմ Հայաստանում չի արվել: Ես ուրախ եմ, որ համալսարանի ղեկավարությունը հնարավորության սահմաններում աջակցում եւ օգնում է կենտրոնին»,- ասաց նորաստեղծ կենտրոնի տնօրեն Դավիթ Հովհաննիսյանը:

ԵՊՀ ռեկտոր Արամ Սիմոնյանը կոչ արեց համագործակցել կենտրոնի հետ: Ըստ ռեկտորի` համագործակցությունը ոչ միայն կխթանի կենտրոնի զարգացմանը, այլ նաեւ նոր որակ կհաղորդի համալսարանում կատարվող գիտահետազոտական աշխատանքներին:

Այլ նորություններ
 «ԳԻՏԱԿԱՆ ԱՐՑԱԽ» ՊԱՐԲԵՐԱԿԱՆԻ 7-ՐԴ ՀԱՄԱՐԻ ՔՆՆԱՐԿՈՒՄԸ ԵՊՀ-ՈՒՄ
Երևանի պետական համալսարանի Պալեանների անվան դահլիճում այսօր տեղի է ունեցել «Գիտական Արցախ» պարբերականի 2020 թ. 4-րդ (ընդհանուր առմամբ 7-րդ) համարի քննարկումը խմբագրական խորհրդի անդամների և հոդվածագիրների հետ։
ՌՈՒՍ ՀԱՅՏՆԻ ՖԻԶԻԿՈՍ ԻԳՈՐ ԿՈՒՐՉԱՏՈՎԻՆ ՆՎԻՐՎԱԾ ՄԻՋՈՑԱՌՈՒՄ ԵՊՀ-ՈՒՄ
Երևանի պետական համալսարանի ֆիզիկայի ֆակուլտետում այսօր տեղի է ունեցել ռուս մեծ գիտնական Իգոր Կուրչատովի կիսանդրու հանձնման հանդիսավոր արարողությունը, այնուհետ ցուցադրվել է նրա մասին պատմող հոլովակ ու միջուկային արդյունաբերության զարգացման մասին դասախոսություն ֆակուլտետի ուսանողների համար։