05.05.2020 | 
Հասարակություն
«ԳԵՈՐԳԵՎՅԱՆ ԺԱՊԱՎԵՆ» ՄԻՋՈՑԱՌՈՒՄՆ ԱՅՍ ՏԱՐԻ ԿԱՆՑԿԱՑՎԻ ԱՌՑԱՆՑ
«ԳԵՈՐԳԵՎՅԱՆ ԺԱՊԱՎԵՆ» ՄԻՋՈՑԱՌՈՒՄՆ ԱՅՍ ՏԱՐԻ ԿԱՆՑԿԱՑՎԻ ԱՌՑԱՆՑ
ԵՊՀ ռուսական կենտրոնը հրավիրում է բոլորին մասնակցելու «Գեորգևյան ժապավեն» միջոցառմանը՝ նվիրված Հաղթանակի 75-ամյակին։

ԵՊՀ ռուսական կենտրոնը «Հաղթանակի խորհուրդ» հասարակական և երիտասարդական կազմակերպությունների՝ Հայրենական մեծ պատերազմի հաղթանակի 75-ամյակին նվիրված տոնակատարությունների համակարգող խորհրդի կազմի մեջ է։

 

Այդ պատմական իրադարձությանը նվիրված միջոցառումների շրջանակում Ռուսական կենտրոնը «Հաղթանակի խորհրդի» հետ համատեղ ապրիլից իրականացնում է պատերազմի մասին բանաստեղծությունների և երգերի ֆլեշմոբ, որին մասնակցում են բոլոր հետաքրքրվածները՝ անկախ ազգությունից, տարիքից և մասնագիտությունից:

 

Այս տարի կանցկացվի նաև ավանդական դարձած «Գեորգևյան ժապավեն» միջոցառումը: Աշխարհում առկա իրավիճակով և ինքնամեկուսացման ռեժիմի ներդրմամբ պայմանավորված՝ այն կկազմակերպվի առցանց՝ #ГеоргиевскаяЛенточка, #Победа75, #ЯПомнюЯГоржусь, #СоветПобеды, #Հաղթանակիխորհուրդ հեշթեգներով։

 

Հրավիրում ենք բոլորիդ մասնակցելու հայրենասիրական միջոցառմանը և հրապարակելու ձեր ֆեյսբուքյան նկարներն այս շրջանակով՝ https://www.facebook.com/profilepicframes/?selected_overlay_id=227465058505938:

 

Հ.Գ.: Գեորգևյան ժապավենն անկոտրում ոգի ունեցող ժողովրդի խորհրդանիշն է, որը կռվեց և հաղթեց ֆաշիզմին Հայրենական մեծ պատերազմում: Այն նաև վետերանների, մարտի դաշտում ընկածների, ռազմաճակատի համար ամեն ինչ զոհաբերած մարդկանց հանդեպ հարգանքի տուրք է:

 

 

Մարինա Առաքելյան

Այլ նորություններ
«#ԱՐԻ՛ PR». «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳԻՐՆ ԱՅՍ ՏԱՐԻ ՆԵՐԿԱՅԱՑՎԵԼ Է «ZOOM» ՀԱՐԹԱԿՈՒՄ
Տեղի է ունեցել «#Արի՛ PR». «Հասարակայնության հետ կապեր (PR)» մագիստրոսական ծրագիրը ներկայացնելու նպատակով կազմակերպված ամենամյա հանդիպումը: Այս տարի «արտակարգ» հանդիպման շրջանակում «Zoom» հարթակում հավաքվել են ծրագրի դասախոսները, շրջանավարտները, ուսանողներն ու ծրագրով հետաքրքրվող ապագա դիմորդներն ինչպես ԵՊՀ սոցիոլոգիայի, այնպես էլ այլ ֆակուլտետներից և բուհերից:
«ԵՍ ԱՎԵԼԻ ԻՐԱՏԵՍ ԵՄ, ՀԱՎԱՏՈՒՄ ԵՄ ԳԻՏՈՒԹՅԱՆԸ». ԱՐՄԵՆ ՄԱՐՏԻՐՅԱՆ
ԵՊՀ անօրգանական և անալիտիկ քիմիայի ամբիոնի վարիչ Արմեն Մարտիրյանը ԵՊՀ-ում դասավանդման մեթոդների կատարելագործումը խթանելու, արդի մեթոդների կիրառմանը, ինչպես նաև լավագույն փորձի տարածմանը նպաստելու նպատակով հայտարարված մրցույթի բնագիտական անվանակարգի հաղթողներից է: Պարոն Մարտիրյանի հետ զրուցել ենք մասնագիտության ընտրության, իր կողմից կիրառվող մեթոդների, քիմիայի բնագավառի մարտահրավերների, աշխատաշուկայի պահանջարկի ու նոր հետազոտությունների մասին: