13.05.2019 | 
Կրթություն
ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂԸ ԴԱՐՁԵԼ Է «IBM GREAT MINDS» ՓՈՐՁԱՇՐՋԱՆԻ ՀԱՂԹՈՂ
ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒՍԱՆՈՂԸ ԴԱՐՁԵԼ Է «IBM GREAT MINDS» ՓՈՐՁԱՇՐՋԱՆԻ ՀԱՂԹՈՂ
ԵՊՀ տնտեսագիտության ֆակուլտետի և ISTC ինովացիոն կենտրոնի համատեղ ուժերով կյանքի կոչված «Տվյալների գիտությունը բիզնեսում» մագիստրոսական ծրագրի ուսանող Գևորգ Ղալաչյանը դարձել է «IBM Great Minds» փորձաշրջանի հաղթող և վեց ամսով մեկնելու է Շվեյցարիա՝ ընկերությունում գիտահետազոտական աշխատանքներ իրականացնելու համար։

Գևորգ Ղալաչյանը 2017 թվականից ԵՊՀ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական ծրագրի ուսանող է և երկու տարի անընդմեջ արժանացել է ծրագրի գործընկերների կողմից տրամադրվող կրթաթոշակին:

2019 թվականի ապրիլին Գևորգը մի քանի այլ ուսանողների հետ ISTC ինովացիոն կենտրոնի անմիջական և ակտիվ մասնակցությամբ ներկայացրել է վերոնշյալ մագիստրոսական ծրագիրը ԱՄՆ-ում՝ Սիլիկոնյան հովտում տեղակայված Սան Խոսե պետական համալսարանում։ Արդյունքում ԵՊՀ «Տվյալների գիտությունը բիզնեսում» մագիստրոսական ծրագիրը սկսել է համատեղ ծրագիր իրականացնել Սան Խոսեի պետական համալսարանի հետ:



2019 թվականին «IBM» ընկերության կողմից հայտարարված միջազգային «IBM Great Minds» փորձաշրջանի արդյունքում Գևորգը դարձել է այդ հեղինակավոր մրցույթի հաղթող։ Նա վեց ամսով մեկնելու է «IBM» ընկերություն՝ գիտահետազոտական աշխատանքներ իրականացնելու համար:



«Մեքենայական ուսուցման կիրառության աճի հետ մեկտեղ ավելանում են մոդելների գնահատման խնդիրները։ Պատկերացրեք, որ օգտագործելով մինչև 2019 թվականի արտադրության մեքենաների լուսանկարներ՝ գնահատում եք մի մոդել, որը պետք է ճանաչի նոր նկարի մեքենայի արտադրողին և մոդելը, և կիրառում եք այն 2020 թվականին»,- ասում է Գևորգ Ղալաչյանը:- «Անշուշտ, այժմ կան մեքենաների նոր մոդելներ, որ ձեր մոդելը սովորելիս չի տեսել։ Այս երևույթը կոչվում է տվյալների տեղաշարժ, այն է՝ թեստային տվյալները բնականորեն ունեն այլ բաշխում, և սա միակ անոմալիան չէ։ Սովորաբար հաշվարկվող ցուցանիշները հաշվի չեն առնում այսպիսի երևույթները։

Այս ամռանը ես փորձաշրջան եմ անցնելու «IBM» ընկերության Ցյուրիխի հետազոտական կենտրոնում՝ ուսումնասիրելու վերը նշված խնդիրների դասը։ Օգտագործելով «IBM»-ի մի շարք գործիքներ՝ փորձաշրջանի ընթացքում հետազոտվելու են դասական խնդիրների և տվյալների համար գնահատված մոդելների 5 տարբեր չափանիշներ՝ ճշգրտություն, մեկնելիություն, արդարություն, դիմացկունություն տվյալների տեղաշարժի և դիմացկունություն հակառակորդի հարձակումների նկատմամբ»: 


Մարինա Առաքելյան

 

 

Այլ նորություններ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԻՐԱՎԱԲԱՆԱԿԱՆ ԿԼԻՆԻԿԱՅԻ ՈՒՍԱՆՈՂՆԵՐՆ ՍՏԱՑԱՆ ՎԿԱՅԱԿԱՆՆԵՐ
ԵՊՀ իրավագիտության ֆակուլտետի դատական նիստերի դահլիճում տեղի ունեցավ ֆակուլտետի իրավաբանական կլինիկայում որպես կամավոր ընդգրկված 28 ուսանողների վկայականների հանձնման արարողությունը:
«ՄԵՐ ԴԱՍԱԽՈՍՆԵՐԸ ՑՈՒՅՑ ԵՆ ՏԱԼԻՍ ԴԵՊԻ ՀԱՋՈՂՈՒԹՅՈՒՆ ՏԱՆՈՂ ՃԱՆԱՊԱՐՀԸ». ԵՊՀ ՇՐՋԱՆԱՎԱՐՏ ՋՈԶԵՖ ՄՈՄՋՅԱՆ
ԵՊՀ այս տարվա շրջանավարտներից է եվրոպական լեզուների և հաղորդակցության ֆակուլտետի ուսանող Ջոզեֆ Մոմջյանը, ում հետ զրուցել ենք համալսարանում ստացած կրթության, ֆակուլտետի ընձեռած հնարավորությունների, ապագայի պլանների և այլ հարցերի շուրջ։