28.10.2006 | 
Կրթություն
ԱՄԵՆ ԻՆՉ ՆՈՐ Է ՍԿՍՎՈՒՄ
ԱՄԵՆ ԻՆՉ ՆՈՐ Է ՍԿՍՎՈՒՄ
«Հայ եւ այլազգի ուսանողների միակ տարբերությունը, թերեւս, այն է, որ նրանք ավելի շատ են դասի ժամանակ խոսում»,- կատակում է պրոֆեսոր Չարլզ Չիթլը:

Պրոֆեսորի երեք սեմինարներից հետո` հոկտեմբերի 27-ին, ԵՊՀ տնտեսագիտության ֆակուլտետի 33 ուսանողներ ստացան համապատասխան վկայագրեր:

ԵՊՀ տնտեսագիտության ֆակուլտետի միջազգային տնտեսական հարաբերությունների ամբիոնի վարիչ, միջազգային կապերի գծով պատասխանատու Թորոս Թորոսյանը նշեց, որ ինքն անձամբ է նախաձեռնել վկայագրերի բաժանումը` հաշվի առնելով թե որքան կարող է այն օգնել ուսանողներին աշխատանքի ընդունվելիս:

ԱՄՆ Օհայո նահանգի Բոուլինգ Գրինի պետական համալսարանի տնտեսագիտական ֆակուլտետի պրոֆեսոր Չարլզ Չիթլի վարած սեմինարների մասնակիցները ստացան տարբեր կարգի վկայագրեր` կախված այն հանգամանքից, թե նրանցից յուրաքանչյուրը քանի դասախոսության է մասնակցել:

Ծրագրի մեջ Հայաստանից ընդգրկված էին ԱՄՆ-ում եւ Գերմանիայում մասնագիտական որակավորում ստացած դասախոսներ Կարապետ Բեգլարյանն ու Արտակ Ենգոյանը:

«Դասընթացներն անցկացվել են բացառապես անգլերենով: Ի պատիվ մեր ուսանողների, ովքեր փայլուն տիրապետում են անգլերենի, սեմինարներն անցան այսքան անմիջական ու արդյունավետ»,- ասաց տնտեսագիտության ֆակուլտետի դասախոս Կարապետ Բեգլարյանը:

Վերջում Չարլզ Չեթլը կարդաց այն 7 ուսանողների անունները, ովքեր իրենց արդյունավեր աշխատանքով եւ ակտիվությամբ իրեն ամենից շատ էին դուր եկել: Պրոֆեսորը նշեց, որ համագործակցությունը նոր է միայն սկսվում եւ արդեն որոշված է իր հաջորդ այցը ԵՊՀ:

Այլ նորություններ
ԵՊՀ ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏՆ ԱՆՈՒՄ Է ԱՄԵՆ ՀՆԱՐԱՎՈՐԸ՝ ՀԵՌԱՎԱՐ ՈՒՍՈՒՑՈՒՄԸ ՊԱՏՇԱՃ ԻՐԱԿԱՆԱՑՆԵԼՈՒ ՀԱՄԱՐ
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն իրականացնում են առցանց ուսուցում՝ ուսումնական գործընթացի երկարատև ընդհատումից խուսափելու համար։
«ՖԱԿՈՒԼՏԵՏՈՒՄ ԱՄԲՈՂՋ ԾԱՎԱԼՈՎ ԻՐԱԿԱՆԱՑՎՈՒՄ ԵՆ ՆԱԽԱՏԵՍՎԱԾ ԲՈԼՈՐ ԴԱՍԵՐԸ». ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՆ ԱՄՓՈՓԵԼ Է ՆԱԽՈՐԴ ՇԱԲԱԹՎԱ ԸՆԹԱՑՔՈՒՄ ԻՐԱԿԱՆԱՑՎԱԾ ՀԵՌԱՎԱՐ ՈՒՍՈՒՑՄԱՆ ԳՈՐԾԸՆԹԱՑԸ
Այսօր տեղի է ունեցել ԵՊՀ իրավագիտության ֆակուլտետի դեկանատի ընդլայնված հեռավար նիստ՝ դեկանի, դեկանի տեղակալների, ամբիոնների վարիչների, լաբորանտների, առկա և հեռակա ուսուցման բակալավրիատի և մագիստրատուրայի բոլոր կուրսերի ու խմբերի ավագների մասնակցությամբ։