31.08.2021 | 
Կրթություն, Հասարակություն
ՀԱՄԱԼՍԱՐԱՆԸ ԴԻՄԱՎՈՐՈՒՄ Է ՆՈՐԵԿՆԵՐԻՆ. «ԱՌԱՋԻՆԿՈՒՐՍԵՑԻՆԵՐԻ ԻՐԱԶԵԿՄԱՆ» ԾՐԱԳԻՐ ԵՊՀ-ՈՒՄ
ՀԱՄԱԼՍԱՐԱՆԸ ԴԻՄԱՎՈՐՈՒՄ Է ՆՈՐԵԿՆԵՐԻՆ. «ԱՌԱՋԻՆԿՈՒՐՍԵՑԻՆԵՐԻ ԻՐԱԶԵԿՄԱՆ» ԾՐԱԳԻՐ ԵՊՀ-ՈՒՄ
ԵՊՀ ուսանողական խորհուրդն օգոստոսի 30-31-ն իրականացնում է արդեն ավանդույթ դարձած «Առաջինկուրսեցիների իրազեկում» ծրագիրը։

Ծրագրի ընթացքում առաջին կուրսի ուսանողներն այցելում են Երևանի պետական համալսարան, ուսանողական խորհրդի անդամները նրանց ծանոթացնում են ուսումնառության համար անհրաժեշտ հմտություններին, իրազեկվում իրենց պարտականությունների և իրավունքների մասին։

 


Երկու օր շարունակ ԵՊՀ գլխավոր, 6-րդ (Սև շենք) և 8-րդ մասնաշենքերում Ուսանողական խորհրդի անդամները դիմավորում են ուսանողներին և երկու փուլով ներկայացնում համալսարանում ուսումնական գործընթացը։


ԵՊՀ կենտրոնական մասնաշենքի մեծ դահլիճում այսօր ուսանողներին ողջունեց ՈՒԽ նախագահ Դավիթ Ափոյանը։ Նա առաջինկուրսեցիներին շնորհավորեց նոր ուսումնական տարվա մեկնարկի առթիվ:

 


««Առաջինկուրսեցիների իրազեկում» ծրագրի հիմնական նպատակն է օգնել ուսանողին հնարավորինս արագ ներգրավվել ուսումնական գործընթացին: Այն բաղկացած է երկու մասից. առաջին հատվածում ուսանողներին կներկայացնենք այն անհրաժեշտ տեղեկատվությունը, որը հնարավորություն կտա ուսանողին իրազեկ լինելու և ավելի հեշտ ինտեգրվելու ուսանողական առօրյային, երկրորդ մասում կկազմակերպվի շրջայց համապատասխան ֆակուլտետներ»,- ասաց նա։


ԵՊՀ ուսանողական խորհրդի անդամներ Խաչիկ Աբաջյանը և Գոհար Ավագյանը ներկայացրին ԵՊՀ-ում ուսանելու համար առաջնային տեղեկատվությունը։


Խ․ Աբաջյանը, մինչև իր հիմնական ասելիքին անցնելը, առաջարկեց խաղ խաղալ, որի ընթացքում առաջինկուրսեցիները ստուգեցին ԵՊՀ-ի մասին իրենց ունեցած գիտելիքները։ Խաղի ընթացքում բոլոր հարցերին ճիշտ և արագ պատասխանած ուսանողը ստացավ ՈՒԽ տարբերանշանով բաժակ։

 


Խ.Աբաջյանը խոսեց կրեդիտային համակարգի, ուսումնական գործընթացի և ծրագրերի մասին, իսկ Գոհար Ավագյանը ներկայացրեց ուսանողների իրավունքներն ու պարտականությունները, տեղեկացրեց գրադարանից օգտվելու մասին, ինչպես նաև անդրադարձավ ուսանողական նպաստներին ու զեղչերին։

 


Այնուհետև նորեկներն այցելեցին իրենց ֆակուլտետներ, տեղում ծանոթացան ֆակուլտետի կառուցվածքին, ուսումնական ծրագրերին, դեկանի և ՈՒԽ նախագահի հետ՝ նրանց հղելով իրենց հուզող հարցերը։

 

Այլ նորություններ
ԵՊՀ ԿԵՆՍԱԲԺՇԿԱԳԻՏՈՒԹՅԱՆ ԱՄԲԻՈՆԻ ՎԱՐԻՉ ՌՈՒԲԵՆ ՀՈՎՀԱՆՆԵՍՅԱՆԸ ՊԱՐԳԵՎԱՏՐՎԵԼ Է ԵՊՀ ԱՐԾԱԹԵ ՄԵԴԱԼՈՎ
Համալսարանական կրթության և գիտության զարգացման, երիտասարդ մասնագետների պատրաստման գործում ներդրված ավանդի համար ու ծննդյան 70-ամյա հոբելյանի կապակցությամբ այսօր ԵՊՀ արծաթե մեդալով է պարգևատրվել ԵՊՀ ֆարմացիայի ինստիտուտի կենսաբժշկագիտության ամբիոնի վարիչ, բժշկական գիտությունների դոկտոր, պրոֆեսոր Ռուբեն Հովհաննեսյանը:
ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՈՒՄ ՄԵԾ ՇՈՒՔՈՎ ՆՇՎԵՑ ՀԱՅՏՆԻ ՀՐԱՊԱՐԱԿԱԽՈՍ ԵՎ ԼՐԱԳՐՈՂ ԱՐՏԱՇԵՍ ՔԱԼԱՆԹԱՐՅԱՆԻ 90-ԱՄՅԱԿԸ
ԵՊՀ Ե. Չարենցի անվան դահլիճում այսօր Ժուռնալիստիկայի ֆակուլտետի ղեկավարության և Ա. Քալանթարյանի ընտանիքի անդամների նախաձեռնությամբ կազմակերպվել էր անվանի հրապարակախոսի և դրամատուրգի 90-ամյակին նվիրված միջոցառում: