30.08.2019 | 
Ուսանողական
ԵՊՀ-ՈՒՄ ՇԱՐՈՒՆԱԿՎՈՒՄ Է «ԱՌԱՋԻՆԿՈՒՐՍԵՑԻՆԵՐԻ ԻՐԱԶԵԿՈՒՄ» ԾՐԱԳԻՐԸ
ԵՊՀ-ՈՒՄ ՇԱՐՈՒՆԱԿՎՈՒՄ Է «ԱՌԱՋԻՆԿՈՒՐՍԵՑԻՆԵՐԻ ԻՐԱԶԵԿՈՒՄ» ԾՐԱԳԻՐԸ
ԵՊՀ ուսանողական խորհուրդն օգոստոսի 29-31-ն իրականացնում է «Առաջինկուրսեցիների իրազեկում» ծրագիրը, որն անցկացվում է երկրորդ տարին:

Ծրագրի շրջանակում առաջին կուրսի ուսանողները հնարավորություն ունեն ստանալու իրենց հուզող հարցերի պատասխաններն ու լինելու իրազեկված:

 

Օգոստոսի 29-ին մեկնարկած ծրագրին այսօր մասնակցում էին Ինֆորմատիկայի և կիրառական մաթեմատիկայի, Ֆիզիկայի, Կենսաբանության, Սոցիոլոգիայի, Ժուռնալիստիկայի ֆակուլտետների և Ֆարմացիայի ինստիտուտի ուսանողները:

 

Միջոցառման սկզբում ողջույնի խոսքով հանդես եկավ ԵՊՀ ՈՒԽ նախագահ, միջազգային հարաբերությունների ֆակուլտետի ուսանող Դավիթ Ափոյանը, որը շնորհավորեց բուհ ընդունվածներին ու մաղթեց նրանց բարի գալուստ:

 

«Առաջինկուրսեցիների իրազեկում» ծրագրի բանախոսներ, ԵՊՀ միջազգային հարաբերությունների ֆակուլտետի մագիստրատուրայի 2-րդ կուրսի ուսանող Դավիթ Մաթևոսյանը և ԵՊՀ ՈՒԽ իրավական հանձնաժողովի նախագահ Տաթև Սողոյանը խոսեցին ուսանողների համար առաջնային ու կսրևոր մի քանի դրույթի մասին, բացատրեցին կրթական գործընթացի կազմակերպումն ու համալսարանի ընձեռած հնարավորություններից օգտվելու կարգը:

 

Միջոցառման վերջում առաջինկուրսեցիներին ուղղորդեցին դեպի իրենց ֆակուլտետներ:

 

Հիշեցնենք, որ «Առաջինկուրսեցիների իրազեկում» ծրագիրը շարունակվելու է մինչև օգոստոսի 31-ը:

 

Մարինա Առաքելյան

Այլ նորություններ
ՏՈՆԱԿԱՆ ՀՅՈՒՐԱՍԻՐՈՒԹՅՈՒՆ, ԱՎԱՆԴԱԿԱՆ ԵՐԳ ՈՒ ՊԱՐ. ԵՊՀ ՈՒՍԱՆՈՂՆԵՐԸ ՏՈՆՈՒՄ ԵՆ ՏԵԱՌՆԸՆԴԱՌԱՋԸ
ԵՊՀ եվրոպական լեզուների և հաղորդակցության ֆակուլտետի նախաձեռնությամբ այսօր ԵՊՀ 7-րդ մասնաշենքի բակում ուսանողները տոնեցին Տեառնընդառաջը:
«ՈՒԳԸ ԳՈՐԾՈՒՆԵՈՒԹՅԱՆ ՀԻՄՆԱԿԱՆ ՆՊԱՏԱԿՆ Է ՆՊԱՍՏԵԼ ՈՒՍԱՆՈՂՈՒԹՅԱՆ ԳԻՏԱԿԱՆ, ՍՏԵՂԾԱԳՈՐԾԱԿԱՆ ԵՎ ՀՈԳԵՎՈՐ ԶԱՐԳԱՑՄԱՆԸ». ՈԻԳԸ ՆՈՐ ՆԱԽԱԳԱՀ
ԵՊՀ ուսանողական գիտական ընկերությունը նոր նախագահ ունի: Այսուհետ կառույցի աշխատանքները համակարգելու է Տնտեսագիտության և կառավարման ֆակուլտետի մագիստրատուրայի երկրորդ կուրսի ուսանողուհի Մերի Փանոսյանը: ՈՒԳԸ նոր նախագահի հետ զրուցել ենք նրա ծրագրային քայլերի, առաջիկա անելիքների ու սպասվելիք միջոցառումների մասին: