24.09.2018 | 
Ուսանողական
ԵՊՀ ՈՒԽ ԳԻՏԱԿՐԹԱԿԱՆ ՀԱՆՁՆԱԺՈՂՈՎԸ ՆՈՐ ՆԱԽԱԳԱՀ ՈՒՆԻ
ԵՊՀ ՈՒԽ ԳԻՏԱԿՐԹԱԿԱՆ ՀԱՆՁՆԱԺՈՂՈՎԸ ՆՈՐ ՆԱԽԱԳԱՀ ՈՒՆԻ
ՈՒԽ նախագահության հերթական նիստի ընթացքում գիտակրթական հանձնաժողովի նախագահ է ընտրվել Կենսաբանության ֆակուլտետի 4-րդ կուրսի ուսանողուհի Հասմիկ Վարդումյանը:

- Հասմի՛կ, ի՞նչ  գործառույթներ է իրականացնում գիտակրթական հանձնաժողովը:

 

- Գիտակրթական հանձնաժողովը նպաստում է ուսանողության կրթական, գիտական և ստեղծագործական զարգացմանը: Հանձնաժողովին կից գործում է նաև Բանավեճի ակումբը, որի նպատակն է զարգացնել բանավիճելու մշակույթն ուսանողության շրջանում:

 

- Պատրաստվո՞ւմ եք փոփոխություններ իրականացնել աշխատանքների արդյունավետության բարձրացման համար:

 

- Փակագծերը շատ չբացելու համար մի շատ կարևոր սկզբունք կառանձնացնեմ.  հանձնաժողովի շրջանակում իրականացվելիք միջոցառումներն ունենալու են հստակ պարբերականություն: Հանձնաժողովը մշտապես ակտիվ է պահելու ուսանողության ինտելեկտուալ զարգացման գործընթացը:

 

- Առաջիկայում ի՞նչ միջոցառումներ եք կազմակերպելու:

 

- Կիսամյակային աշխատանքային պլանը դեռևս մշակման փուլում է: Առաջիկայում կազմակերպելու ենք տրամաբանության դասընթացներ, արդեն ավանդական դարձած «Ի՞նչ, որտե՞ղ, ե՞րբ» խաղի առաջնություն և ներֆակուլտետային մասնագիտական խաղ-մրցույթների շարք:

 

Քնար Միսակյան

Այլ նորություններ
ՈՒՍԱՆՈՂԱԿԱՆ ՀԱՐՑՈՒՄՆԵՐԸ՝ ՈՐՊԵՍ ՀԵՏԱԴԱՐՁ ԿԱՊԻ ՄԻՋՈՑ, ՆՊԱՍՏՈՒՄ ԵՆ ԲՈՒՀԻ ԶԱՐԳԱՑՄԱՆԸ, ԱՌԱՋԸՆԹԱՑԻՆ ԵՎ ԽՆԴԻՐՆԵՐԻ ԼՈՒԾՄԱՆԸ
Դասավանդման որակի և արդյունավետության վերաբերյալ ուսանողական հարցումների համակարգը՝ որպես ուսանողների կողմից դասախոսական կազմի գիտամանկավարժական գործունեության և բարոյահոգեբանական հատկանիշների գնահատման մեխանիզմ, նպաստում է ԵՊՀ դասախոսական հանրության շրջանում նոր դիրքորոշումների ձևավորմանը, ինչպես նաև դասավանդման և կազմակերպչական գործընթացների բարելավմանը:
«#ԳԻՐՔԸՆԴԳԻՐՔ»՝ ԳԻՐՔ ԳՐՔԻ ԴԻՄԱՑ
ԵՊՀ պատմության ֆակուլտետի ուսանողական գիտական ընկերությունը և ուսանողական խորհուրդն այսօր կազմակերպել էին գրքի փոխանակման ցերեկույթ, որը նվիրված էր Հովհաննես Թումանյանի 150-ամյակին։