10.05.2007 | 
Կրթություն
ՊԱՏԵՐԱԶՄ ԵՎ ՀՈՒՄԱՆԻԶՄ
ՊԱՏԵՐԱԶՄ ԵՎ ՀՈՒՄԱՆԻԶՄ
Մտածել, որ պատերազմները մի օր վերանալու են, անիրատեսական է: Պետք է պարզապես պատերազմներն էլ «սահմանների մեջ» դնել:

Երեւանի պետական համալսարանի իրավագիտության ֆակուլտետի ուսխորհուրդը եւ ուսանողական գիտական ընկերությունը մայիսի 10-ին գիտագործնական սեմինար էին կազմակերպել: Թեման «Միջազգային մարդասիրական իրավունքը եւ Կարմիր խաչի միջազգային կոմիտեն» էր, դրա դերակատարությունը այդ իրավական նորմերի ապահովման գործում:

«Մեր հանրապետությունում ամեն տարի Միջազգային մարդասիրության իրավունքին նվիրված գիտաժողով-մրցույթներ են կազմակերպվում: Այս տարի մեր ֆակուլտետի ուսանողները առաջին մրցանակն են շահել: Այս նախաձեռնության նպատակը առաջին եւ երկրորդ կուրսեցիների մեջ Միջազգային մարդասիրական իրավունքի հանդեպ հետաքրքրությունն ավելացնելն է: Եթե նրանք իրենց գիտելիքները կիսեն ուրիշների հետ, ապա որոշ ժամանակ անց մենք կունենանք մի հասարակություն, որը գիտե, թե պատերազմական իրավիճակներում ինչպես պետք է վարվել»,- ասաց իրավագիտության ՈՒԽ նախագահ Տարոն Սիմոնյանը:

Զեկուցեղները 4-րդ կուրսի եւ մագիստրատուրայի այն ուսանողներն էին, ովքեր մասնակցել են Կարմիր խաչի ազգային գրասենյակի կողմից կազմակերպվող մրցույթներին եւ հաջողության հասել: Նրանք ներկայացրին Կարմիր խաչի ստեղծման պատմությունը, նկարագրեցին, թե ինչ է Միջազգային մարդասիրական իրավունքը, խոսեցին Կարմիր խաչի միջազգային կոմիտեի դերի, գործառույթների եւ իրավունքների մասին:

ԿԽՄԿ-ն ստեղծվել է 1863 թ-ին Անրի Դյունանի նախաձեռնությամբ ու ջանքերի շնորհիվ: Այն կոչված է պահպանելու մարդասիրության դրսեւորումները պատերազմի թոհուբոհում: Պատերազմում սահմանափակումներ կան պատերազմելու միջոցների եւ զինվորականների վարքի վերաբերյալ: Այս սկզբունքների հիման վրա ստեղծված կանոնների հավաքածուն հայտնի է որպես Միջազգային մարդասիրական իրավունք, որի հիմնարար սկզբունքներն են Ժնեւի կոնվենցիաները: Այն վավերացրել են 192 երկրներ:

Զեկուցողներից մեկը` Լիպարիտ Դրմեյանը, պատմեց, որ Կարմիր խաչի շարժմանը զուգահեռ ձեւավորվել է նաեւ Կարմիր մահիկի շարժումը, որպեսզի մարդկանց կրոնա-քաղաքական հայացքները չվիրավորվեն:

Արմենուհի Գառգալոյանի զեկուցման թեման ԿԽՄԿ-ի դերին եւ գործառույթներին էր վերաբերում: Նա առանձնացրեց ռազմագերիներին եւ կալանքի տակ գտնվող քաղաքացիական անձանց այցելությունը, մարդասիրական իրավունքի մասին գիտելիքների տարածումը անհայտ կորածների որոնումը, պարենի, ջրի, դեղորայքի մատակարարումը նրանց, ում անհասանելի են կենսական անհրաժեշտություն ներկայացնող այդ տարրերը:

Ֆակուլտետի ՈՒԽ նախագահ Տարոն Սիմոնյանը հուսով է, որ սեմինարին հրավիրված Կարմիր խաչի աշխատակիցները կգնահատեն մեր ուսանողների գիտելիքները, եւ դա աշխատանքային հեռանկար կստեղծի համալսարանականների համար:

Այլ նորություններ
«ԱՅՆ ՈՒՍԱՆՈՂԸ, ՈՐԸ ՊԱՐՏԱՃԱՆԱՉ Է ԼՍԱՐԱՆԱՅԻՆ ՊԱՅՄԱՆՆԵՐՈՒՄ, ՊԱՐՏԱՃԱՆԱՉ Է ՆԱԵՎ ԱՌՑԱՆՑ ՀԱՐԹԱԿՈՒՄ». ԱՐԱՄ ՀՈՎՀԱՆՆԻՍՅԱՆ
ՀՀ տարածքում արտակարգ դրություն հայտարարելու որոշմամբ պայմանավորված՝ ԵՊՀ ֆակուլտետներն իրականացնում են առցանց ուսուցում՝ ուսումնական գործընթացի երկարատև ընդհատումից խուսափելու համար։
ԶԲՈՍԱՇՐՋՈՒԹՅԱՆ ԱՌՋԵՎ ԾԱՌԱՑԱԾ ԽՆԴԻՐՆԵՐԸ ԵՎ ԼՈՒԾՄԱՆ ՃԱՆԱՊԱՐՀՆԵՐԸ. ԱՆՎՃԱՐ ԴԱՍԸՆԹԱՑՆԵՐ ՈԼՈՐՏՈՎ ՀԵՏԱՔՐՔՐՎՈՂՆԵՐԻ ՀԱՄԱՐ
ԵՊՀ աշխարհագրության և երկրաբանության ֆակուլտետի սերվիսի ամբիոնի դոցենտ Գոռ Ալեքսանյանը նախաձեռնել է հեռավար ուսուցմանը լրացնող առցանց անվճար դասընթացներ, որոնց օգնությամբ թե՛ ամբիոնի ուսանողները, թե՛ոլորտով հետաքրքրվողները կիրազեկվեն բնագավառում առկա խնդիրների մասին և կծանոթանան դրանց լուծման ճանապարհներին։