26.11.2019 | 
Հասարակություն, Մշակույթ
ԵՊՀ-ՈՒՄ ՏԵՂԻ ԵՆ ՈՒՆԵՑԵԼ «ՔԵԶ ՀԱՂԹԱՆԱԿ ԿՆՎԻՐԵՄ» ՖԻԼՄԻ ՑՈՒՑԱԴՐՈՒԹՅՈՒՆՆ ՈՒ ՍՏԵՂԾԱԳՈՐԾԱԿԱՆ ԱՆՁՆԱԿԱԶՄԻ ՀԵՏ ՀԱՆԴԻՊՈՒՄԸ
ԵՊՀ-ՈՒՄ ՏԵՂԻ ԵՆ ՈՒՆԵՑԵԼ  «ՔԵԶ ՀԱՂԹԱՆԱԿ ԿՆՎԻՐԵՄ» ՖԻԼՄԻ ՑՈՒՑԱԴՐՈՒԹՅՈՒՆՆ ՈՒ ՍՏԵՂԾԱԳՈՐԾԱԿԱՆ ԱՆՁՆԱԿԱԶՄԻ ՀԵՏ ՀԱՆԴԻՊՈՒՄԸ
Երևանի պետական համալսարանի մշակույթի կենտրոնը «Շարմ Հոլդինգ»-ի հետ համատեղ ԵՊՀ կինոակումբի գործունեության շրջանակում բացառիկ իրավունքով կազմակերպել էր ռեժիսոր Արսեն Աղաջանյանի «Քեզ հաղթանակ կնվիրեմ» ֆիլմի ցուցադրությունը։

Մինչ ֆիլմի դիտումը Մշակույթի կենտրոնի տնօրեն Կարինե Դավթյանը ողջունեց ներկաներին ու ասաց, որ ֆիլմը նկարահանվել է ՌԴ մշակույթի նախարարության և Տարածաշրջանային զարգացման ու մրցունակության «Դար» հիմնադրամի աջակցությամբ։

Կ․Դավթյանը նշեց, որ ցուցադրությանը ներկա են ֆիլմի ռեժիսոր Արսեն Աղաջանյանը, գլխավոր դերակատարներից Արթուր Մանուկյանը, քասթինգի տնօրեն Ալվարդ Ավետիսյանը, ինչպես նաև «Դար» հիմնադրամի տնօրեն, ֆիլմում հնչող երգի բառերի հեղինակ Մարգարիտա Գևորգյանը։



«Ես ֆիլմն արդեն դիտել եմ կինոթատրոնում և հիացած եմ։ Արտակարգ ֆիլմ է՝ իր ասելիքով, դերասանական խաղով, օպերատորական աշխատանքով»,- ասաց Մշակույթի կենտրոնի տնօրենը։

«Քեզ հաղթանակ կնվիրեմ» ֆիլմը պատմում է մի երիտասարդի մասին, որն իր խոստումով վերափոխում է ոչ միայն իր, այլև շատերի ճակատագրերը: Իրական պատմություն, որտեղ սերը միավորում է Հայրենական մեծ պատերազմի ժամանակ հայկական գյուղից կամավոր ռազմաճակատ մեկնած 17-ամյա զինվորի և պատանի սանիտարուհու ճակատագրերը։ Մի ամբողջ կյանք նրանք մնում են միմյանց սիրահարված, սակայն կորցնում միմյանց կապող ուղիները:



Ցուցադրության վերջում ներկաները խոսեցին ֆիլմի ստեղծման, սյուժեի, ասելիքի նկարահանման ընթացքի և երիտասարդ դերասանների հետ աշխատելու մասին, ինչպես նաև շնորհակալություն հայտնեցին ֆիլմի հեղինակներին, անձնակազմին ու հնարավորություն ունեցան իրենց հարցերը հղելու նրանց:

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
«ԻՆՁ ՀԱՄԱՐ ՇԱՏ ԿԱՐԵՎՈՐ Է, ՈՐ «YSU ԲԵՆԴ»-Ը ՕՐԻՆԱԿ ԼԻՆԻ ՄՅՈՒՍ ԲՈՒՀԵՐԻ ՀԱՄԱՐ». ՍԱՐԳԻՍ ԲԱԺԲԵՈՒԿ-ՄԵԼԻՔՅԱՆ
Աշխարհահռչակ օպերային երգիչ Սարգիս Բաժբեուկ-Մելիքյանը ԵՊՀ Շառլ Ազնավուրի անվան մշակույթի կենտրոնում գործող «YSU band»-ի գեղարվեստական ղեկավարն է: Սարգիսի հետ զրուցել ենք «YSU band»-ի ձևավորման, առաջիկա պլանների և այլ հարցերի շուրջ: