16.07.2022 | 
Կրթություն, Գիտություն
«ԿԵՆՍԱԲԱՆՈՒԹՅԱՆ ՄԻՋԱԶԳԱՅԻՆ ՕԼԻՄՊԻԱԴԱՅԻ» ՄԱՍՆԱԿԻՑՆԵՐԸ ԵՊՀ-ՈՒՄ ԷԻՆ
«ԿԵՆՍԱԲԱՆՈՒԹՅԱՆ ՄԻՋԱԶԳԱՅԻՆ ՕԼԻՄՊԻԱԴԱՅԻ» ՄԱՍՆԱԿԻՑՆԵՐԸ ԵՊՀ-ՈՒՄ ԷԻՆ
Երևանի պետական համալսարանում այսօր տեղի ունեցավ «Կենսաբանության 33-րդ միջազգային օլիմպիադայի» համար դեռևս նոր ձևաչափով միջոցառում՝ «Միջազգային խմբային աշխատանք», որի ընթացքում աշակերտները ներկայացրին թիմային գիտական նախագծեր և պաստառներ։

Ի տարբերություն օլիմպիադայի, որի ժամանակ յուրաքանչյուր մասնակից անհատական աշխատանք է կատարում՝ «Միջազգային խմբային աշխատանքի» նպատակը տարբեր երկրներից ուսանողներին հավաքելն ու միասնական աշխատանք կատարելն է:

 

Նոր ձևաչափով անցկացվող այս նախագիծը նպատակ ունի նաև զարգացնելու մասնակիցների՝ խնդիրներ առաջադրելու, հիպոթեզ կազմելու, ուսումնասիրություններ իրականացնելու և եզրակացություն անելու հմտությունները։

 

 

 

Աշխատանքի կազմակերպման նպատակով գիտությամբ հետաքրքրված 250-ից ավելի աշակերտներից կազմվեցին թիմեր, որոնցից յուրաքանչյուրում՝ ազգային պատկանելությամբ տարբերվող չորս մասնակից:

 

Մասնակիցներն ընտրեցին նախապես սահմանված հինգ թեմաներից (մոլեկուլային և բջջային կենսաբանություն, կենսաբժշկություն, միջտեսակային հարաբերություններ, բիոնիկա և բիոմիմիկրիա, կենսաինֆորմատիկա ու արհեստական բանականություն) մեկը և սկսեցին հետազոտություններ իրականացնել:

 

Առցանց աշխատելուց հետո թիմերը ներկայացրին իրենց հետազոտությունները նախ՝ մյուս թիմերին, ապա՝ ժյուրիի անդամներին, որոնք արդեն իսկ ծանոթացել էին աշխատանքների բովանդակությանը:

 

 

 

Հետազոտությունները գնահատվեցին՝ հաշվի առնելով ընտրված թեմայի արդիականությունը, մասնակիցների մտահորիզոնը, մեթոդոլոգիան, խմբի արդյունքներն ու եզրակացությունները, ներկայացման որակը, իսկ վերջում՝ ժյուրիի առաջադրած հարցերին տրված պատասխանները:

 

Այս միջոցառումը նորամուծություն էր օլիմպիադայի մասնակիցների համար, քանի որ էապես տարբերվում էր ավանդական տեսական և փորձարարական աշխատանքներից։

 

Աշխատանքներն իրականացնելիս նրանց օգնեցին համակարգողները՝ երիտասարդ փորձառու գիտնականներ, ԿՄՕ շրջանավարտներ, գիտական գործունեություն իրականացող ուսանողներ։

 

 

«Միջազգային խմբային աշխատանք» մրցույթի հաղթողների անունները կհայտարարվեն վաղը՝ հուլիսի 17-ին, «Կենսաբանության 33-րդ միջազգային օլիմպիադայի» փակման արարողության ժամանակ։

 

Նշենք, որ «Միջազգային խմբային աշխատանքն» առաջին անգամ իրականացվել է «IBO Challenge 2020»-ի շրջանակում։ Կորոնավիրուսային համաճարակի պատճառով բոլոր միջոցառումները տեղի են ունեցել հեռավար ձևով, այդ թվում՝ «Միջազգային խմբային աշխատանքը»։ Նախագիծը տևել է 2 ամիս. մասնակիցներն ամբողջ ընթացքում՝ 1-2 շաբաթը մեկ անգամ, առցանց ձևաչափով կապ են հաստատել և իրականացրել իրենց նախագծերը համակարգողների հետ միասին։

 

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: