09.10.2019 | 
Հասարակություն
«IEEE» ՀԱՄԱԿԱՐԳՉԱՅԻՆ ՀԱՆՐՈՒԹՅՈՒՆԸ ՄԱՍՆԱՃՅՈՒՂ ԿՈՒՆԵՆԱ ՆԱԵՎ ՀԱՅԱՍՏԱՆՈՒՄ
«IEEE»  ՀԱՄԱԿԱՐԳՉԱՅԻՆ ՀԱՆՐՈՒԹՅՈՒՆԸ  ՄԱՍՆԱՃՅՈՒՂ ԿՈՒՆԵՆԱ  ՆԱԵՎ ՀԱՅԱՍՏԱՆՈՒՄ
«IEEE» կազմակերպության ներկայացուցիչներն այսօր հանդիպել են ԵՊՀ բնական և ճշգրիտ մասնագիտությունների գծով պրոռեկտոր Ռաֆայել Բարխուդարյանին, որից հետո ԵՊՀ գիտխորհրդի նիստերի դահլիճում տեղի է ունեցել հանդիպում-դասախոսություն:

 

 «IEEE»-ն  աշխարհի ամենամեծ  ինժեներական  պրոֆեսիոնալ կազմակերպությունն է էլեկտրոնիկայի և համակարգչային ոլորտում՝  բաղկացած  ավելի քան 421.000 անդամներից, որոնք 160 երկրներում իրականացնում են իրենց մասնագիտական  գործունեությունը:

 

Հանդիպմանը ներկա էին  ԵՊՀ տեղեկատվական տեխնոլոգիաների կրթական և հետազոտական կենտրոնի ղեկավար, ֆիզիկամաթեմատիկական գիտությունների դոկտոր, պրոֆեսոր, ակադեմիկոս Սամվել Շուքուրյանը,  «Սինոփսիս Հայաստան» ՓԲԸ-ի  նախագահ Երվանդ Զորյանը, «IEEE»  CS-ի տնօրեն, Բոլոնիայի համալսարանի պրոֆեսոր Սիսիլիա Մետրան:

 

Ներկայացնելով «IEEE» կազմակերպության գործունեությունը՝ Սիսիլիա Մետրան նշեց, որ «IEEE» կազմակերպությունն առաջատար է այնպիսի ոլորտներում, ինչպիսիք են  համակարգչային տեխնիկան, էլեկտրական էներգիան, օդատիեզերական և սպառողական էլեկտրոնիկան, կենսաբժշկական տեխնոլոգիաները և հեռահաղորդակցությունը:

«Մենք ամեն տարի անցկացնում ենք ավելի քան 1600 գիտաժողով աշխարհի տարբեր երկրներում:  Ունենք  500-ից  ավելի  մասնաճյուղ աշխարհի 168 երկրներում  և ուրախ ենք տաղեկացնելու, որ համակարգչային հանրության մասնաճյուղ ունենք նաև այստեղ՝ Հայաստանում»,- նշեց պրոֆեսոր Սիսիլիա Մետրան:

Մեզ հետ զրույցում  «Սինոփսիս Հայաստան» ՓԲԸ-ի նախագահ Երվանդ Զորյանը նշեց, որ  թեև Հայաստանում մինչ այս «IEEE»-ի մասնաճյուղ չի եղել, բայց այս բնագավառում գործունեությունը տարիներ ի վեր ծավալվել է:

 

Հարկ է նշել, որ մինչ հիմա ամենամոտ մասնաճյուղերը գտնվում էին Ռուսաստանում և Թուրքիայում:

Մասնաճյուղի բացման գործում կատարած աշխատանքի համար հավաստագրով պարգևատրվեց  ակադեմիկոս Յուրի Շուքուրյանը, միկրոէլեկտրոնիկայի միջազգային  օլիմպիադայի կազմակերպման գործում ներդրում ունենալու համար հավաստագրերով պարգևատրվեցին  «Յունիքոմփ» ընկերության նախագահ Արմեն Բալդրյանը և «Սինոփսիս Արմենիա» ՓԲԸ-ի ուսումնական դեպարտամենտի տնօրեն Վազգեն Մելիքյանը:

 

Հանդիպման երկրորդ հատվածում Սիսիլիա Մետրան հանդես եկավ «Reliability and safety challenges in IOT era» («Հուսալիության և ապահովության մարտահրավերներն իրերի համացանցի ժամանակաշրջանում») թեմայով դասախոսությամբ:

Անի Պողոսյան

Այլ նորություններ
ՏԵՂԻ Է ՈՒՆԵՑԵԼ «ԿՈՆՖԼԻԿՏՆԵՐ. ՓՈԽԱԿԵՐՊՈՒՄ ԵՎ ՀԱՂԹԱՀԱՐՄԱՆ ՏԵԽՆՈԼՈԳԻԱՆԵՐ» ԴԱՍԸՆԹԱՑԱՇԱՐԻ ԱՎԱՐՏԱԿԱՆ ՀԱՎԱՍՏԱԳՐԵՐԻ ՀԱՆՁՆՄԱՆ ԱՐԱՐՈՂՈՒԹՅՈՒՆԸ
ԵՊՀ գիտխորհրդի նիստերի դահլիճում այսօր տեղի է ունեցել նոյեմբերի 26-ից մինչև դեկտեմբերի 6-ը տևած «Կոնֆլիկտներ. փոխակերպում և հաղթահարման տեխնոլոգիաներ» դասընթացաշարի ավարտական հավաստագրերի հանձնման արարողությունը:
ՀԱՅՐԵՆԻՔԸ ՆՐԱ ԱՄԵՆԱՄԵԾ ՍԵՐՆ ԷՐ. ՀՈՒՇ-ՑԵՐԵԿՈՒՅԹ՝ ՆՎԻՐՎԱԾ ՆՈՐԱՅՐ ՄԱՐՈՒԹՅԱՆԻ ՀԻՇԱՏԱԿԻՆ
ԵՊՀ Չարենցի անվան դահլիճում այսօր տեղի է ունեցել «Անմահները հրամայում են…» միջոցառումը՝ նվիրված Հայ բանասիրության ֆակուլտետի ժուռնալիստիկայի բաժնի ասպիրանտ, զոհված ազատամարտիկ Նորայր Մարությանի հիշատակին: