11.05.2007 | 
Մշակույթ
ԲԱՆԱՍՏԵՂԾԱԿԱՆ ԽԱՉՄԵՐՈՒԿ
ԲԱՆԱՍՏԵՂԾԱԿԱՆ ԽԱՉՄԵՐՈՒԿ
Մայիսի 11-ին ԵՊՀ Չարենցի անվան դահլիճի բեմում ԵՊՀ ռուս բանասիրության ֆակուլտետի Պոեզիայի թատրոնն էր:

«Ռուսաստան-Հայաստան. բանաստեղծական խաչմերուկ» խորագիրը կրող միջոցառումը կազմակերպել էին ֆակուլտետի դասախոս Յուլիա Խոջոյանը և ռուս գրականության ամբիոնի լաբորանտ Տաթևիկ Հարությունյանը:

«Կհնչեն Ռուսաստանին և Հայաստանին նվիրված բանաստեղծություններ, որոնք երկու ազգերի իրական և անկեղծ ընկերության, երկու մշակույթների հոգևոր մտերմության մասին են վկայում»,- նշվեց միջոցառման բացման խոսքում:

Սկզբում հնչեցին ռուս գրողների` Հայաստանին նվիրված բանաստեղծություններ, իսկ միջոցառման երկրոդ մասում ներկաները հնարավորություն ստացան լսելու հայ գրողների խոսքը Ռուսաստանի և ռուսական մշակույթի մասին:

ԵՊՀ ռուս բանասիրության ֆակուլտետի դեկան Պավել Բալայանը նշեց, որ արդեն բարի ավանդույթ է դարձել մայիսյան հաղթանակի օրը տոնել այս բնույթի միջոցառումներով:

Միջոցառման ընթացքում հնչեցին հայ և ռուս այնպիսի բանաստեղծների ստեղծագործություններ, ինչպիսիք են Վ. Բրյուսովը, Ս. Գորոդևսկին, Բ. Սլուտսկին, Վ. Զվյագինցովան, Ե. Չարենցը, Ս. Կապուտիկյանը, Ավ. Իսահակյանը:

Ներկայացվեցին նաև Թումանյանի, Իսահակյանի և Չարենցի որոշ բանաստեղծությունների և հայերեն և ռուսերեն տարբերակները:

Միջոցառման կազմակերպիչները նշեցին, որ չնայած մասնակիցները հիմնականում նորեկներ էին, սպասելիքները արդարացվել են:

Վերջում ԵՊՀ ռուս բանասիրության ֆակուլտետի դեկան Պավել Բալայանը շնորհավորեց միջոցառման մասնակիցներին և ֆակուլտետի անունից պատվոգրեր, իսկ Վալերի Քոչարյանի անվան ֆոնդի կողմից դրամական պարգևներ հանձնեց բոլոր վեց մասնակիցներին:

Այլ նորություններ
ԱՄՓՈՓՎԵԼ Է «ԱՐԻ ՄՐՑԵՆՔ» ԱՌԱՋՆՈՒԹՅԱՆ ՊԱՐԻ ՄԻՋՖԱԿՈՒԼՏԵՏԱՅԻՆ ՄՐՑՈՒՅԹԸ
ԵՊՀ մշակույթի կենտրոնի դահլիճում այսօր ամփոփվել է ԵՊՀ ՈԻԽ մշակույթի հանձնաժողովի կողմից կազմակերպված «Արի մրցենք» առաջնության պարի միջֆակուլտետային մրցույթը։
ՇԱՐՈՒՆԱԿՎՈՒՄ Է ՏԱՂԱՆԴԱՎՈՐ ՈՒՍԱՆՈՂՆԵՐԻ ԲԱՑԱՀԱՅՏՈՒՄԸ. ՏԵՂԻ Է ՈՒՆԵՑԵԼ «ԱՐԻ՛ ՄՐՑԵՆՔ» ԱՌԱՋՆՈՒԹՅԱՆ ԵՐԳԻ ՄՐՑՈՒՅԹԸ
ԵՊՀ մեծ դահլիճում այսօր անցկացվել է ՈՒԽ մշակույթի հանձնաժողովի կողմից իրականացվող «Արի՛ մրցենք» առաջնության երգի մրցույթը: