02.10.2015 | 
Գիտություն
«IN-HOUSE» ՎԵՐԱՊԱՏՐԱՍՏՈՒՄ ԵՊՀ-ՈՒՄ
«IN-HOUSE» ՎԵՐԱՊԱՏՐԱՍՏՈՒՄ ԵՊՀ-ՈՒՄ
«Տեմպուս Վերիտաս» ծրագրի նպատակներին ու խնդիրներին, ինչպես նաև իրականացման ընթացքին ծանոթացնելու համար 2015 թ.-ի հոկտեմբերի 2-ին Երևանի պետական համալսարանում կազմակերպվեց «In-House» վերապատրաստում:

Վերապատրաստմանը մասնակցեցին ԵՊՀ ասպիրանտներ, մագիստրոսներ, մոլեկուլային ֆիզիկայի ամբիոնի պրոֆեսորադասախոսական կազմի ներկայացուցիչներ, ամբիոնին կից գիտահետազոտական լաբորատորիայի գիտաշխատողները և ծրագրով հետաքրքրվող ԵՊՀ այլ աշխատակիցներ:

Մասնավորապես թրեյնինգի ժամանակ ԵՊՀ աշխատանքային թիմի համակարգող, գիտական քաղաքականության և միջազգային համագործակցության գծով պրոռեկտոր Գեղամ Գևորգյանը և ծրագրի մասնակից, Գիտակազմակերպական բաժնի վարիչ Իշխան Վարդանյանը ներկայացրին և մեկնաբանեցին ծրագրի նպատակները, Զալցբուրգյան 10 սկզբունքները և «Տեմպուս Վերիտաս» ծրագրի շրջանակներում լույս տեսած ուսումնական նյութերի փաթեթը:

 

Ակտիվ քննարկման ավարտից հետո ներկայացվեցին նաև «Տեմպուս Վերիտաս» ծրագրի շրջանակներում մշակված ասպիրանտական կրթության իրականացման ճանապարհային քարտեզը և դրա հիման վրա ստացած պիլոտային ասպիրանտական ծրագրի իրականացման ռազմավարական պլանը:

 

Այլ նորություններ
 «YSU-KRISP AI LAB» ՀԵՏԱԶՈՏԱԿԱՆ ԿԵՆՏՐՈՆԻ ԲԱՑՄԱՆ ԱՐԱՐՈՂՈՒԹՅՈՒՆԸ ԵՎ «AI CONF ARMENIA 2022» ԿՈՆՖԵՐԱՆՍԸ ԵՊՀ-ՈՒՄ
«YSU-Krisp AI Lab» («ԵՊՀ-Կրիսպ ԷյԱյ լաբ») գիտակրթական հետազոտական կենտրոնը մեծ նվաճում է ՀՀ-ում արհեստական բանականության ոլորտի զարգացման գործում։ Կենտրոնի բացման շրջանակում կազմակերպվեց նաև «AI Conf Armenia 2022» խորագրով կոնֆերանս, որին մասնակցում էին ոլորտի հմուտ մասնագետներ։
ԵՊՀ-ՈՒՄ ԿՈՐԵԵՐԵՆ Է ԴԱՍԱՎԱՆԴՈՒՄ ՋՈՆ ՄՈՒՆԻՆ. ԸՆԴԼԱՅՆՎՈՒՄ Է ՄԻՋԱԶԳԱՅԻՆ ԿԱՌՈՒՅՑՆԵՐԻ ՀԵՏ ԿԱՊԸ
ԵՊՀ միջազգային հարաբերությունների ֆակուլտետի դասախոս Ջոն Մունին 2020 թվականի սեպտեմբերից դասավանդում է կորեերեն։ Դասախոսի հետ զրուցել ենք համալսարանում ծավալած գործունեության, կրթական միջավայրի և այլ հարցերի շուրջ։