09.03.2022 | 
Հասարակություն
ԺՈՂՈՎՐԴԱԳՐՈՒԹՅԱՆ ՈԼՈՐՏՈՒՄ ՄԱՍՆԱԳԻՏԱՆԱԼՈՒ ՆՈՐ ՀՆԱՐԱՎՈՐՈՒԹՅՈՒՆՆԵՐ ԵՊՀ ՈՒՍԱՆՈՂՆԵՐԻ ՀԱՄԱՐ. ՏԵՂԵԿԱՏՎԱԿԱՆ ՀԱՆԴԻՊՈՒՄ ԵՊՀ-ՈՒՄ
ԺՈՂՈՎՐԴԱԳՐՈՒԹՅԱՆ ՈԼՈՐՏՈՒՄ ՄԱՍՆԱԳԻՏԱՆԱԼՈՒ ՆՈՐ ՀՆԱՐԱՎՈՐՈՒԹՅՈՒՆՆԵՐ ԵՊՀ ՈՒՍԱՆՈՂՆԵՐԻ ՀԱՄԱՐ. ՏԵՂԵԿԱՏՎԱԿԱՆ ՀԱՆԴԻՊՈՒՄ ԵՊՀ-ՈՒՄ
ԵՊՀ Պալեանների անվան դահլիճում այսօր տեղի է ունեցել իրազեկման միջոցառում, որի ընթացքում ուսանողներին ներկայացվել են դեմոգրաֆիայի ոլորտում կրթական ծրագրերը և դրանց դիմելու ԵՊՀ-ի, ՀՀ աշխատանքի և սոցիալական հարցերի նախարարության և ՄԱԿ-ի բնակչության հիմնադրամի համագործակցության շրջանակում ընձեռված հնարավորությունները:

ԵՊՀ շրջանավարտների և կարիերայի կենտրոնի կազմակերպած հանդիպմանը ԵՊՀ ռեկտոր Հովհաննես Հովհաննիսյանն ընդգծեց այն փաստը, որ մեր երկրում առկա է որակյալ ժողովրդագիրների պակաս և նշեց, որ գործընկեր կազմակերպությունների հետ քննարկվում է դեմոգրաֆիայի մագիստրոսական ծրագիրը ԵՊՀ-ում ներդնելու հարցը:

 

Նրա խոսքով, յուրաքանչյուր կրթական ծրագրի ներդրումից առաջ մանրամասն քննարկվում են ակնկալվող արդյունքները և հետագայում շրջանավարտների աշխատանքի անցնելու հարցը և վստահեցրեց, որ այս դեպքում այդ խնդիրը լուծված է, քանի որ որակյալ մասնագետներն անպայման կգտնեն իրենց տեղը:

 

 

Աշխատանքի և սոցիալական հարցերի նախարար Նարեկ Մկրտչյանը հանդիպման մասնակիցներին ներկայացրեց Հայաստանում առկա ժողովրդագրական խնդիրների պատճառները և ասաց, որ կառավարության գործառույթն է մշակել ռազմավարություն՝ դիմակայելու այդ մարտահրավերներին, ինչի համար անհրաժեշտ են որակյալ մասնագետներ:

 

Նախարարը տեղեկացրեց, որ քննարկումների արդյունքում որոշվել է ունենալ դեմոգրաֆիայի մագիստրոսական ծրագիր, ինչը կարելի է որակել որպես ապագայի մասնագիտություն:

 

 

ՄԱԿ-ի բնակչության հիմնադրամի հայաստանյան ներկայացուցչության ղեկավար Ծովինար Հարությունյանը խոսեց դեմոգրաֆիական խնդիրների և հետազոտությունների միջոցով արված կանխատեսումների մասին, ըստ որոնց՝ խնդիրները կավելանան, եթե համապատասխան քայլեր չարվեն:

 

Ծ. Հարությունյանն արձանագրեց, որ որակյալ ժողովրդագիրների պակասն ամբողջ աշխարհում կա, բայց և նշեց, որ կան մասնագիտացված կրթական և հետազոտական կենտրոններ, որոնք կարող են առաջնորդել և ուղղորդել՝ այստեղ ներդնելու և զարգացնելու ծրագրեր:

 

 

Տնտեսագիտության բարձրագույն դպրոցի Վիշնևսկու անվան ժողովրդագրության ինստիտուտի փոխտնօրեն Վ. Կոզլովը հանդիպմանը միացավ հեռավար և ներկայացրեց իրենց կողմից իրականացվող «Ժողովրդագրություն և զարգացում» մագիստրոսական ծրագիրը, ինչպես նաև վերապատրաստման այն դասընթացները, որոնց արդյունքում մասնակիցները կստանան հավաստագրեր և կկարողանան անցնել աշխատանքի: Վ. Կոզլովը խոսեց նաև ծրագրերին դիմելու կարգերի ու հնարավորությունների մասին, պատասխանեց մասնակիցների հարցերին:

 

 

Ի դեպ, Ծ. Հարությունյանն ասաց, որ ՄԱԿ-ի բնակչության հիմնադրամն այս ուղղությամբ համագործակցել է նաև կրթական այլ հաստատությունների հետ և մշակել մագիստրոսական ծրագրեր, որոնց կարող են դիմել ԵՊՀ ուսանողները: Նա վստահեցրեց, որ ՄԱԿ-ի բնակչության հիմնադրամն աջակցելու է թե՛ մագիստրոսական, թե՛ վերապատրաստման ծրագրերի դիմորդներին:

 

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
ԿԵՆՍԱԲԱՆՈՒԹՅԱՆ ՄԻՋԱԶԳԱՅԻՆ ՕԼԻՄՊԻԱԴԱՅԻ ՄԱՍՆԱԿԻՑՆԵՐԸ ՇԱՐՈՒՆԱԿՈՒՄ ԵՆ ԲԱՑԱՀԱՅՏԵԼ ՀԱՅԱՍՏԱՆԸ
Այսօր հայոց պատմամշակութային ժառանգությանը ծանոթանալու նպատակով «Կենսաբանության 33-րդ միջազգային օլիմպիադայի» (ԿՄՕ) մասնակիցները շրջայց են կատարել «Էրեբունի» պատմահնագիտական արգելոց–թանգարանում, այնուհետև ճանաչողական էքսկուրսիա իրականացրել Մեսրոպ Մաշտոցի անվան Մատենադարանում: