01.06.2022 | 
Հասարակություն, Մշակույթ
ԵՊՀ-ՈՒՄ ՆՇՎԵՑ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐԸ
ԵՊՀ-ՈՒՄ ՆՇՎԵՑ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐԸ
ԵՊՀ-ի բակում այսօր անցկացվեց ռեկտորատի, Շառլ Ազնավուրի անվան մշակույթի կենտրոնի և Արհկոմիտեի համատեղ կազմակերպած տոնական միջոցառումը՝ նվիրված Երեխաների պաշտպանության միջազգային օրվան։ Միջոցառմանը համերգային ծրագրով հանդես եկան Շառլ Ազնավուրի անվան մշակույթի կենտրոնի մեներգիչները և «Համալսարանական» թատրոն-ստուդիայի սաները:

Միջոցառման ողջ ընթացքում հնչեցին սիրված ու ճանաչված երգեր:

 

 

Շնորհավորանքով և մաղթանքներով հանդես եկավ ԵՊՀ Շառլ Ազնավուրի անվան մշակույթի կենտրոնի տնօրեն և միջոցառման համակազմակերպիչ Կարինե Դավթյանը։

 

 

«Կարծում եմ՝ միջոցառմանը ներկա գտնվողներն այն երբեք չեն մոռանա։ Վստահ եմ՝ այստեղ գտնվող երեխաներից շատերն ապագայում լինելու են ԵՊՀ ուսանողներ, և երբ նորից գան համալսարան, կվերապրեն այս օրը»,- մեզ հետ զրույցում նշեց Կ. Դավթյանը:

 

 

ԵՊՀ պատմության ֆակուլտետի դեկան Էդիկ Մինասյանը նույնպես շնորհավորեց երեխաներին՝ մաղթելով ուրախ և անհոգ մանկություն։ Է. Մինասյանը մեզ հետ զրույցում կարևորեց համալսարանի նախաձեռնությունը։

 

 

«Կարծում եմ՝ նման միջոցառումներն անհրաժեշտություն են։ Դրանք կարևոր են նաև երեխաների դաստիարակության գործում։ Մյուս կողմից էլ սա հնարավորություն է համալսարանին ծանոթանալու և ուրախ ժամանց անցկացնելու»,- ասաց Է. Մինասյանը։

 

 

Միջոցառման ընթացքում տեղի ունեցավ կավճանկարչության մրցույթ, երեխաների օրն էլ ավելի երջանիկ դարձրին հեքիաթի հերոսները։

 

Այլ նորություններ
ԿՈՐԵԵՐԵՆԻՆ ԵՎ ԿՈՐԵԱԿԱՆ ՄՇԱԿՈՒՅԹԻՆ ՆՎԻՐՎԱԾ ՑԵՐԵԿՈՒՅԹ ԵՊՀ-ՈՒՄ
ԵՊՀ միջազգային հարաբերությունների ֆակուլտետում տեղի ունեցավ կորեերենին և կորեական մշակույթին նվիրված ցերեկույթ, որի ընթացքում ԵՊՀ-ում անցկացված կորեերենի ութամսյա դասընթացի մասնակիցներին ֆակուլտետի կողմից հանձնվեցին վկայականներ։
ՏՈՆԱԿԱՆ ՀԱՄԵՐԳ ԵՊՀ-ՈՒՄ․ «YSU BAND»-Ն ԻՐ ԱՌԱՋԻՆ ՄԵՆԱՀԱՄԵՐԳԸ ՆՎԻՐԵՑ ԵՊՀ ՇՐՋԱՆԱՎԱՐՏՆԵՐԻՆ
ԵՊՀ շրջանավարտների ավարտական հանդիսությունների շրջանակում համալսարանի տարբեր մասնաշենքերի բակերում տեղի ունեցան տոնական միջոցառումներ։ Երաժշտական համարներով հանդես եկան «YSU Band», «Mad Blues Band», «By The Way Band» երաժշտական խմբերը։