18.12.2018 | 
Մշակույթ
«ՄԻՋԱԶԳԱՅԻՆ ԱՄԱՆՈՐ» ՝ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ
«ՄԻՋԱԶԳԱՅԻՆ ԱՄԱՆՈՐ» ՝ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ
ԵՊՀ Պալեանների անվան դահլիճում այսօր նախատոնական տրամադրություն էր: Միջազգայնագետների ակումբը կազմակերպել էր ամանորյա նախատոնական միջոցառում՝ նվիրված տարբեր երկրների մշակութային հարստություններին:

Միջազգայնագետները բաժանվել էին առանձին խմբերի՝ ներկայացնելու Գերմանիայի, Իսպանիայի, Ֆրանսիայի, Չինաստանի, Հարավային  Կորեայի, Պարսկաստանի մշակութային ժառանգությունները ու ամանորյա տոնակատարությունների առանձնահատկությունները:

 Յուրաքանչյուր խմբի սեղանին դրված էր ներկայացվող երկրին բնորոշ ուտելիքի, քաղցրավենիքի և խմիչքների տեսականի, որոնցից պետք է համտեսեին հյուրերը:

 

Իսկ հյուրերի շարքում Միջազգային հարաբերությունների ֆակուլտետի դասախոսները և ուսանողներն էին:

 

Մինչ միջոցառման մեկնարկը՝ բացման խոսքով հանդես եկավ Միջազգային հարաբերությունների ֆակուլտետի փոխդեկան Ժակ Մանուկյանը:

 

Վերջինս կարևորելով նմանաբնույթ միջոցառումների դերը՝ նշեց, որ այսօրինակ միջոցառումների շնորհիվ ֆակուլտետային կյանքը դառնում է ավելի հետաքրքիր և ինքնատիպ:

Գերմանական տոնակատարությունների առանձնահատկություններն ու մանրամասները ներկայացրեց գերմանական խումբը: Նրանք տոնական երգի միջոցով հյուրերին տեղափոխեց ամանորյա միջավայր:

 

Իսպանական խմբի ուշադրության կենտրոնում իսպանական խոհանոցի նրբություններն ու իսպանական ամանորյա  տոնակատարություններին բնորոշ առանձնահատկություններն էին: Դրանց շարքում «Տասներկու խաղողահատիկի» ավանդույթն էր: 

 

Ըստ ավանդույթի, մինչև նոր տարվա մեկնարկը, իսպանացիները պետք է ուտեն տասներկու խաղողահատիկը, որոնք խորհրդանշելու են նոր տարվա 12 ամիսները: Այն հաջողակը, որը,  մինչ  զանգերի ավարտը, կհամտեսի 12 հատիկները, իրեն սպասվելու է հաջողակ և երջանիկ տարի:

 

Ինչպես նախորդ երկրներում, Ֆրանսիայում ևս տոնակատարությունները մեկնարկում են դեկտեմբերի 20-ից: 

 

 Ֆրանսիական խմբի անդամների  հավաստմամբ, տոնակատարությունները Ֆրանսիայի շատ մարզերում մեկնարկում են դեկտեմբերի 6-ին:

 

Այդ տոնակատարությունների պարտադիր բաղադրիչը Սուրբ ծննդյան տորթկերանն է:

 

Խմբերի ներկայացուցիչները փաստեցին, որ մշակութային առանձնահատկությունների շարքում խորհրդանշական են ամանորյա զարդարանքները:

 

 Եթե ֆրանսիացիները տունը զարդարում են գարնան զարթոնքն ավետող ծաղիկներով, ապա պարսիկները սեղանը զարդարում են հաջողություն, գեղեցկություն, առողջություն և հարստություն բերող  7 իրերով:

 

Իսկ չինացիները գունային երանգներից ընտրում են վառ կարմիրը. այն խորհրդանշում է բարեկեցություն, հարստություն, առողջություն և մարդկանց պաշտպանում է չար հրեշից:

 

Արաբական խմբի անդամները տեղեկացրին, որ մահմեդականները Նոր տարին սկսում են Ղուրանի ընթերցմամբ: 

 

Միջոցառումն ամփոփեց կորեական մշակույթը ներկայացնող կորեական խումբը:

Այլ նորություններ
ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ ՏՈՆԵՑԻՆ «ՄԱՍԼԵՆԻՑԱ»-Ն
ԵՊՀ ռուս բանասիրության ֆակուլտետի ուսանողական խորհուրդն այսօր կազմակերպել էր ռուսական ազգային «Մասլենիցա»-ն, որն ավետում է ձմռան ավարտն ու գարնան սկիզբը։
ԹԱԼԻՇԱԿԱՆ ԵՐԱԺՇՏՈՒԹՅՈՒՆ՝ ԵՊՀ ԻՐԱՆԱԳԻՏՈՒԹՅԱՆ ԱՄԲԻՈՆՈՒՄ
ԵՊՀ իրանագիտության ամբիոնում այսօր տեղի ունեցավ թալիշ երաժշտագետ, ազգագրագետ, մտավորական, «Քադուս» երաժշտական համույթի ղեկավար Արմին Ֆարիդիի «Հայացք Իրանում թալիշական ազգագրական երաժշտությանը» թեմայով դասախոսությունը: