Ըստ գրավոր փուլի արդյունքների` բանավոր փուլում իրենց գիտելիքներով մրցելու հնարավորություն են ստացել վեց թիմ, որոնցից յուրաքանչյուրը պետք է հանդես գա թե՛ որպես մեղադրական, թե՛ որպես պաշտպանական կողմ: Մրցութային առաջին երկու օրերի արդյունքների համաձայն՝ ժյուրիի կողմից առավելագույն միավորների արժանացած երկու թիմերը հոկտեմբերի 7-ին մրցելու են եզրափակիչ փուլում: 
Մրցութային առաջին օրը միմյանց հետ մրցել են Հայ-ռուսական (Սլավոնական) համալսարանի «BONA FIDE» և Երևանի պետական համալսարանի «ԵՊՀ1», ՀՀ ոստիկանության կրթահամալիրի «Օրենքի պատվար» և Հայ-ռուսական (Սլավոնական) համալսարանի «Ավրորա», Երևանի պետական համալսարանի «ԵՊՀ2» և Գավառի պետական համալսարանի «Նաիրի» թիմերը:
Հոկտեմբերի 6-ին թիմերը կշարունակեն իրենց մրցապայքարը եզրափակիչ խաղին մասնակցության իրավունք ձեռք բերելու համար:
ԵՊՀ քաղպաշտպանության ամբիոնն այսօր անցկացրեց կիսամյակային ուսումնավարժանք, որի նպատակն է կատարելագործել ուսանողների տեսական և գործնական ունակություններն ու հմտությունները:
«Արի մրցենք» առաջնության շրջանակում ԵՊՀ ՈւԽ մշակույթի հանձնաժողովն այսօր կազմակերպել էր թատրոնի միջֆակուլտետային մրցույթ։
