26.04.2022 | 
Ուսանողական, Կրթություն
ԵՊՀ-ՈՒՄ ԿԱՅԱՑԱՎ ՄԻՋԲՈՒՀԱԿԱՆ ՎԻԿՏՈՐԻՆԱ ՖՐԱՆՍԵՐԵՆԻՑ
ԵՊՀ-ՈՒՄ ԿԱՅԱՑԱՎ ՄԻՋԲՈՒՀԱԿԱՆ ՎԻԿՏՈՐԻՆԱ ՖՐԱՆՍԵՐԵՆԻՑ
Եվրոպական լեզուների և հաղորդակցության ֆակուլտետում տեղի ունեցավ «Ֆրանսերենը, Ֆրանսիան և ֆրանսիական մշակույթը» խորագրով միջբուհական վիկտորինա՝ նվիրված Ֆրանկոֆոնիայի միջազգային օրերին։ Վիկտորինայի բոլոր մասնակիցներին հանձնվեցին հավաստագրեր, հաղթող թիմերին՝ խրախուսական մրցանակներ:

Ֆրանսիական բանասիրության ամբիոնի վարիչ Գայանե Սարգսյանը հանդես եկավ բացման խոսքով, ողջունեց մասնակիցներին՝ մաղթելով հաջողություն, առողջ մրցակցություն:

 

 

Միջբուհական վիկտորինային մասնակցության հայտ էին ներկայացրել ԵՊՀ եվրոպական լեզուների և հաղորդակցության, միջազգային հարաբերությունների ֆակուլտետների, Վ. Բրյուսովի անվան պետական համալսարանի, Լոմոնոսովի անվան ՄՊՀ-ի մասնաճյուղի և Ֆրանսիական համալսարանի ուսանողներ: Արդարության և հավասարության սկզբունքը պահպանելու նպատակով տեղում ձևավորվեց 5-6 մասնակցից կազմված 5 թիմ:

 

Վիկտորինայի ընթացքում հնչեցին Ֆրանսիային, ֆրանսերենին և ֆրանսիական մշակույթին վերաբերող հարցեր: Յուրաքանչյուր թիմի տրվեց 11 հարց, և միավորները բաշխվեցին՝ ըստ ներկայացված ճիշտ պատասխանների։ Առավել շատ միավորներ վաստակած առաջին երեք թիմերը ճանաչվեցին հաղթող։ Առաջին հորիզոնականն զբաղեցրած թիմի անդամներն էին՝

Միլենա Միքայելյան (ԵՊՀ),

Մարիամ Հովհաննիսյան (ԵՊՀ),

Անահիտ Գյուլազյան (Լոմոնոսովի անվան ՄՊՀ-ի մասնաճյուղ),

Տաթևիկ Շահբազյան (ԵՊՀ),

Լաուրա Մանուկյան (ԲՊՀ),

Հեղինե Ղալթախչյան (ԵՊՀ)։

 

1-ին հորիզոնականն զբաղեցրած թիմը

 

 

2-րդ հորիզոնականն զբաղեցրած թիմը

 

 

3-րդ հորիզոնականն զբաղեցրած թիմը

 

 

ԵՊՀ եվրոպական լեզուների և հաղորդակցության ֆակուլտետի ՈՒԳԸ նախագահ Ֆարիդա Խաչատրյանը, միջբուհական վիկտորինայի դերը կարևորելով, ընդգծեց. «Այս վիկտորինայի նպատակը պարզապես հաղթող կամ պարտվող կողմ որոշելը չէ. այն միտված է միջբուհական, միջֆակուլտետային կապերի, առողջ, կառուցողական, ընկերական մթնոլորտի հաստատմանը»։

Այլ նորություններ
«ԻՆՁ ՀԱՄԱՐ ԿԱՐԵՎՈՐ ԵՆ ՀԱՄԱԼՍԱՐԱՆՈՒՄ ՍՏԱՑԱԾ ԿՐԹՈՒԹՅՈՒՆՆ ՈՒ ՁԵՌՔ ԲԵՐԱԾ ՄՆԱՅՈՒՆ ԱՐԺԵՔՆԵՐԸ»․ ԵՊՀ ՇՐՋԱՆԱՎԱՐՏ ԷԼԻՆԵ ՊՈՂՈՍՅԱՆ
ԵՊՀ ժուռնալիստիկայի ֆակուլտետի շրջանավարտ, հանրային կապերի մասնագետ և նկարչուհի Էլինե Պողոսյանի հետ զրուցել ենք համալսարանի ընձեռած հնարավորությունների, մասնագիտությունների ընտրության, ապագայի պլանների և այլ թեմաների շուրջ:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԻՐԱՎԱԲԱՆԱԿԱՆ ԿԼԻՆԻԿԱՅԻ ՈՒՍԱՆՈՂՆԵՐՆ ՍՏԱՑԱՆ ՎԿԱՅԱԿԱՆՆԵՐ
ԵՊՀ իրավագիտության ֆակուլտետի դատական նիստերի դահլիճում տեղի ունեցավ ֆակուլտետի իրավաբանական կլինիկայում որպես կամավոր ընդգրկված 28 ուսանողների վկայականների հանձնման արարողությունը: