21.11.2019 | 
Հասարակություն
ՀՈՒՆԱՍՏԱՆԻ ԻՈԱՆԻՆԱ ՀԱՄԱԼՍԱՐԱՆԻ ՊՐՈՖԵՍՈՐ ԻՈԱՆՆԻՍ ՍԱՎՎԱԻԴԻՍՆ ԱՅՑԵԼԵԼ Է ԵՊՀ
ՀՈՒՆԱՍՏԱՆԻ ԻՈԱՆԻՆԱ ՀԱՄԱԼՍԱՐԱՆԻ ՊՐՈՖԵՍՈՐ ԻՈԱՆՆԻՍ ՍԱՎՎԱԻԴԻՍՆ ԱՅՑԵԼԵԼ Է ԵՊՀ
ԵՊՀ քիմիայի ֆակուլտետը նոյեմբերի 17-20-ը հյուրընկալել է Հունաստանի Իոանինա համալսարանի պրոֆեսոր Իոաննիս Սավվաիդիսին, որն այդ օրերի ընթացքում ծանոթացել է ֆակուլտետում դասավանդվող կրթական ծրագրերին և անցկացրել քննարկումներ պրոֆեսորադասախոսական կազմի հետ:

Իոաննիս Սավվաիդիսն ավելի քան 25 տարի դասավանդում է Հունաստանի Իոանինա համալսարանի քիմիայի ամբիոնում: Նրա կողմից դասավանդվող առարկաները վերաբերում են սննդի անվտանգությանը, սննդի քիմիային, սննդի մանրէաբանությանը և սննդի տեխնոլոգիաներին:

 

Պրոֆեսորի գիտական հետաքրքրությունների շրջանակը ներառում է սննդի գիտությունը և սննդի տեխնոլոգիան: Իոաննիս Սավվաիդիսը գործընկերների հետ հրատարակել է մոտ 80 գիտական հոդված, նա 3 գրքերի համահեղինակ է: Ղեկավարել է 25 մագիստրոսական թեզ և 3 դոկտորական աշխատանք:

 

 

Այցելության ընթացքում տեղի են ունեցել մի շարք հանդիպում-քննարկումներ, այդ թվում՝ Քիմիայի ֆակուլտետի ուսանողների հետ, որի ժամանակ պրոֆեսոր Սավվաիդիսը ներկայացրել է Հունաստանի Իոանինա համալսարանի պատմությունը, կառուցվածքը և Քիմիայի ամբիոնում գործող կրթական ծրագրերն ու դասավանդվող առարկաները:

 

Պատրաստեց Քնար Միսակյանը

Այլ նորություններ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ի ՀԱՅՏԱՐԱՐՈՒԹՅՈՒՆԸ՝ ԱԱԾ ԱՅՍՕՐՎԱ ՀԱՂՈՐԴԱԳՐՈՒԹՅԱՆ ՎԵՐԱԲԵՐՅԱԼ
ԵՊՀ իրավագիտության ֆակուլտետի ուսանողական խորհուրդն իր մտահոգությունն է հայտնում այսօր ԱԱԾ-ի կողմից տարածված հաղորդագրության վերաբերյալ։
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԳԻՏԱԿԱՆ ԽՈՐՀՐԴԻ ՀԱՅՏԱՐԱՐՈՒԹՅՈՒՆԸ՝ ԱԱԾ ԱՅՍՕՐՎԱ ՀԱՂՈՐԴԱԳՐՈՒԹՅԱՆ ՎԵՐԱԲԵՐՅԱԼ
ԵՊՀ իրավագիտության ֆակուլտետի գիտական խորհուրդն իր մտահոգությունն է հայտնում այսօր Հայաստանի Հանրապետության ազգային անվտանգության ծառայության կողմից հրապարակված տեսանյութում տեղ գտած տեղեկատվության մեջ անորոշ, առերևույթ անհիմն ձևակերպումների վերաբերյալ։