26.10.2017 | 
Հասարակություն
ՔՆՆԱՐԿՄԱՆ ԱՌԱՆՑՔՈՒՄ ԻՐԱՔԻ ՔՐԴՍՏԱՆԻ ԳՈՐԾԸՆԹԱՑՆԵՐՆ ԷԻՆ
ՔՆՆԱՐԿՄԱՆ ԱՌԱՆՑՔՈՒՄ ԻՐԱՔԻ ՔՐԴՍՏԱՆԻ ԳՈՐԾԸՆԹԱՑՆԵՐՆ ԷԻՆ
Այսօր ԵՊՀ արևելագիտության ֆակուլտետի իրանագիտության ամբիոնում տեղի ունեցավ կլոր սեղան-քննարկում:

Քննարկման թեման Իրաքի Քրդիստանի տարածաշրջանն ու դրան առնչվող զարգացումներն էին: Կլոր սեղանին մասնակցում էին ԵՊՀ իրանագետներ, արաբագետներ և թյուրքագետներ:

 

Հանդիպման ընթացքում փորձագետների կողմից հնչեցին կարծիքներ Քրդստանի տարածաշրջանում հնարավոր ռազմաքաղաքական զարգացումների, ներքրդական հնարավոր վերաբաշխումների և դրանց նկատմամբ Իրանի, Թուրքիայի, Սաուդյան Արաբիայի, Հորդանանի, ինչպես նաև արտատարածաշրջանային ուժերի  դիրքորոշումների մասին:

 

Կարճ բանախոսություններով հանդես եկան Իրանագիտության ամբիոնի վարիչ Վ. Ոսկանյանը, նույն ամբիոնի դասախոս Ա. Իսրայելյանը, Արաբագիտության ամբիոնի վարիչ Հ. Քոչարյանը, Թյուրքագիտության ամբիոնի դասախոս Լ. Հովսեփյանը և ուրիշներ:

 

Ամփոփելով կլոր սեղան-քննարկման արդյունքները՝ մասնակիցները տեսակետ հայտնեցին, որ առաջիկայում Իրաքի Քրդստանում ամենահրատապ խնդիրը լինելու է  քրդական ռազմաքաղաքական վերնախավի շրջանում ուժերի վերադասավորման հարցը: Ըստ փորձագետների՝ սպասվող զարգացումները հետաքրքիր են և արդիական նաև Հայաստանի Հանրապետության շահերի տեսանկյունից:

Այլ նորություններ
ԳԻՏԱԿԱՆ ԹԵՄԱ. ՀԱՅՏՆԻ ՍԵՐԻԱԼՆԵՐԸ՝ ԹՈՒՐՔԱԿԱՆ ՔԱՐՈԶՉՈՒԹՅԱՆ ԳՈՐԾԻՔ. ՊԱՏՄՈՒՄ Է ՌՈՒԲԵՆ ՄԵԼՔՈՆՅԱՆԸ
ԵՊՀ արևելագիտության ֆակուլտետի դեկան, պրոֆեսոր Ռուբեն Մելքոնյանի ղեկավարած խմբի «Պատմավեպը թուրքական քարոզչության հոլովույթում. արդի միտումներ» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման:
50 ՏԱՐԻ ՀԱՄԱԼՍԱՐԱՆՈՒՄ. «ԱՅՍՏԵՂ՝ ԻՄ ԵՐԿՐՈՐԴ ՏԱՆԸ, ԵՍ ԱՊՐՈՒՄ, ՍԻՐՈՒՄ, ԹԱԽԾՈՒՄ ՈՒ ՈՒՐԱԽԱՆՈՒՄ ԵՄ»
ԵՊՀ պատմության թանգարանի արխիվի վարիչ, ժողովրդական վարպետ Նելլի Գևորգյանը 50 տարի է, ինչ աշխատում է ԵՊՀ-ում: Կյանքի լավագույն տարիները համալսարանում անցկացրած տիկին Նելլին մեզ հետ զրույցում սիրով պատմեց հենց այդ տարիների մասին: