16.05.2019 | 
Ուսանողական
ԵՊՀ 100-ԱՄՅԱԿԻՆ ՆՎԻՐՎԱԾ ԱՅՍՕՐՎԱ ՄԻՋՈՑԱՌՈՒՄՆԵՐԸ ԵԶՐԱՓԱԿՎԵՑԻՆ ՏՈՆԱԿԱՆ ՀԱՄԵՐԳՈՎ
ԵՊՀ 100-ԱՄՅԱԿԻՆ ՆՎԻՐՎԱԾ ԱՅՍՕՐՎԱ ՄԻՋՈՑԱՌՈՒՄՆԵՐԸ ԵԶՐԱՓԱԿՎԵՑԻՆ ՏՈՆԱԿԱՆ ՀԱՄԵՐԳՈՎ
Այսօր` վաղ առավոտից, Գյումրիում մեկնարկել էին Երևանի պետական համալսարանի 100-ամյակին նվիրված տոնական միջոցառումները, իսկ արդեն Երևանում՝ ԵՊՀ կենտրոնական մասնաշենքի բակում, մայիսի 16-ի միջոցառումները եզրափակվեցին տոնական համերգով, որի ընթացքում հանդես եկավ երգչուհի Իվետա Մուկուչյանը:

Տոնական համերգին ներկա էին ԵՊՀ ռեկտոր Արամ Սիմոնյանը, ԵՊՀ մի շարք ֆակուլտետների դեկաններ, տարբեր ստորաբաժանումների ղեկավարներ և դասախոսներ, նախկին և ներկա համալսարանականներ:

 

Տոնական համերգի մեկնարկին ԵՊՀ ռեկտոր Արամ Սիմոնյանը շնորհավորեց համալսարանականներին և տեղեկացրեց Գյումրիում այսօր անցկացված միջոցառումների, հանդիսավոր նիստի, ինչպես նաև ԵՊՀ 100-ամյակի առթիվ բացված հուշատախտակի մասին:

 

Ա. Սիմոնյանը նշեց նաև, որ այսքանով չեն ավարտվում ԵՊՀ 100-ամյակին նվիրված միջոցառումները. «Այսօր մենք սկիզբ ենք դնում 100-ամյակին նվիրված տոնակատարություններին, որոնց հիմնական մասն անցկացվելու է սեպտեմբերի 26- 27-ը»,- ընդգծեց ԵՊՀ ռեկտորը:

 

«Երևանի պետական համալսարանի դռները բաց են երիտասարդների առջև: ԵՊՀ-ն պատրաստ է նրանց տալու արժանավայել կրթություն և ապահովելու նրանց հետագա գործունեությունը՝ ի նպաստ մեր հայրենիքի և մեր ժողովրդի», - ասաց Ա. Սիմոնյանը:

 

Իվետա Մուկուչյանը ողջունեց ներկաներին և շնորհավորեց բոլոր համալսարանականներին ԵՊՀ-ի հիմնադրման կապակցությամբ։ 

 

Երգչուհին կատարեց իր երգացանկի ամենահայտնի երգերը:

 

Անգին Խաչատրյան

Այլ նորություններ
«ՈՒԳԸ ԳՈՐԾՈՒՆԵՈՒԹՅԱՆ ՀԻՄՆԱԿԱՆ ՆՊԱՏԱԿՆ Է ՆՊԱՍՏԵԼ ՈՒՍԱՆՈՂՈՒԹՅԱՆ ԳԻՏԱԿԱՆ, ՍՏԵՂԾԱԳՈՐԾԱԿԱՆ ԵՎ ՀՈԳԵՎՈՐ ԶԱՐԳԱՑՄԱՆԸ». ՈԻԳԸ ՆՈՐ ՆԱԽԱԳԱՀ
ԵՊՀ ուսանողական գիտական ընկերությունը նոր նախագահ ունի: Այսուհետ կառույցի աշխատանքները համակարգելու է Տնտեսագիտության և կառավարման ֆակուլտետի մագիստրատուրայի երկրորդ կուրսի ուսանողուհի Մերի Փանոսյանը: ՈՒԳԸ նոր նախագահի հետ զրուցել ենք նրա ծրագրային քայլերի, առաջիկա անելիքների ու սպասվելիք միջոցառումների մասին:
ՏԵՂԻ Է ՈՒՆԵՑԵԼ ՈՒԳԸ 2019-2020 ՈՒՍՏԱՐՎԱ 1-ԻՆ ԿԻՍԱՄՅԱԿԻ ԸՆԴԼԱՅՆՎԱԾ ՆԻՍՏԸ
ԵՊՀ գիտխորհրդի նիստերի դահլիճում այսօր տեղի են ունեցել ՈՒԳԸ 2019-2020 ուստարվա 1-ին կիսամյակի ընդլայնված նիստն ու «Արդյունքի և անհատականացման վրա հիմնված ոչ ֆորմալ կրթությունը Հայաստանում. հնարավորություններ բոլորի համար» խորագրով սեմինար-քննարկումը: