27.07.2022 | 
Կրթություն, Գիտություն
ԵՊՀ-ՈՒՄ ԳՈՐԾՈՒՄ Է «ՎԻԶՈՒԱԼ ՀԱՇՎԱՐԿ» ՄԱԳԻՍՏՐՈՍԱԿԱՆ ԾՐԱԳԻՐԸ
ԵՊՀ-ՈՒՄ ԳՈՐԾՈՒՄ Է «ՎԻԶՈՒԱԼ ՀԱՇՎԱՐԿ» ՄԱԳԻՍՏՐՈՍԱԿԱՆ ԾՐԱԳԻՐԸ
Հայաստանում առաջին անգամ 2010 թվականին մեկնարկել է ԵՊՀ տեղեկատվական տեխնոլոգիաների կրթական և հետազոտական (ՏՏԿՀ) կենտրոնի և Գերմանիայի Ռոստոկի համալսարանի «Վիզուալ հաշվարկ» մագիստրոսական համատեղ կրթական ծրագիրը։ Այն իրականացվում է Գերմանական ակադեմիական փոխանակման ծառայության (DAAD) աջակցությամբ:

Համագործակցության նպատակն էր ստեղծել տեղեկատվական տեխնոլոգիաների ոլորտում կրթական կրկնակի աստիճան շնորհող, ժամանակակից մարտահրավերներին ուղղված համատեղ ծրագրեր:

 

Երևանի պետական համալսարանի և Գերմանիայի Ռոստոկի համալսարանի միջև համագործակցությանը մեծապես նպաստել է պրոֆեսոր Ջամշիդ Թավանգարիանը: Նա ինֆորմատիկայի և տեղեկատվական տեխնոլոգիաների ոլորտում հայտնի և նշանակալի ներդրում ունեցած գիտնական էր, ով մեծապես նպաստել է համակարգչային ճարտարապետության և շատ բարձր աստիճանի էլեկտրոնային սիստեմաների (VLSI) նախագծմանը, իսկ ավելի ուշ՝ ժամանակակից մուլտիմեդիայի էլեկտրոնային ուսուցման միջավայրերի ճարտարապետության և տեղեկատվական համակարգերի զարգացմանը:

 

Ցավոք, վերջերս 77 տարեկանում կյանքից հեռացել է Ջամշիդ Թավանգարիանը:

 

Երևանի պետական համալսարանն իր խոր ցավակցությունն է հայտնում պրոֆեսորի ընտանիքի անդամներին և ուսանողներին:

Այլ նորություններ
ԵՊՀ-ՈՒՄ ՏԵՂԻ ՈՒՆԵՑԱՎ ECER 2022 ՀԱՄԱԺՈՂՈՎԻ ՇՐՋԱՆԱԿՈՒՄ ԿԱԶՄԱԿԵՐՊՎԱԾ ՄԱՄՈՒԼԻ ԱՍՈՒԼԻՍԸ
Ասուլիսի ժամանակ ներկայացվեցին համաժողովի կազմակերպման ընթացքը, ընտրված թեմայի արդիականությունը, ինչպես նաև ընդգծվեց համաժողովի կարևորությունը ՀՀ կրթական համակարգի զարգացման գործում։ Լրատվամիջոցների ներկայացուցիչներն ասուլիսի ավարտին տվեցին հարցեր՝ կապված համաժողովի, վերջինիս ընձեռած հնարավորությունների և ԵՊՀ-ում իրականացվող նկատելի բարեփոխումների վերաբերյալ։
ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ ԵՊՀ ՀԻՆԳ ՈՒՍԱՆՈՂՆԵՐ ՄԵԴԱԼՆԵՐ ԵՆ ՆՎԱՃԵԼ
Օգոստոսի 1-7-ը հիբրիդային (առկա և առցանց) տարբերակով տեղի է ունեցել Մաթեմատիկական միջազգային ուսանողական 29-րդ օլիմպիադան (International Mathematics Competition), որին մասնակցել են աշխարհի ավելի քան 100 համալսարանի թիմեր: