28.03.2022 | 
Կրթություն
««ՔԵՅ-ՓԻ-ԷՄ-ՋԻ»-Ի ՕՐԵՐ» ԽՈՐԱԳՐՈՎ ԴԱՍԸՆԹԱՑ՝ ԵՊՀ-ՈՒՄ
««ՔԵՅ-ՓԻ-ԷՄ-ՋԻ»-Ի ՕՐԵՐ» ԽՈՐԱԳՐՈՎ ԴԱՍԸՆԹԱՑ՝ ԵՊՀ-ՈՒՄ
««Քեյ-Փի-Էմ-Ջի»-ի օրեր ԵՊՀ-ում» խորագրով դասընթացը շարունակվելու է մինչև մարտի 30-ը: Դրա շնորհիվ ուսանողները իրենց տեսական գիտելիքների հիման վրա ձևավորում են պրակտիկ գործունեության համար անհրաժեշտ կարողություններ ու հմտություններ։

Մասնակիցներին ողջունեց ԵՊՀ շրջանավարտների և կարիերայի կենտրոնի տնօրեն Կարինե Նազարյանը՝ կարևորելով ուսանողների մասնակցությունը ոչ ֆորմալ դասընթացներին. «Մենք կարծում ենք, որ համալսարանը և բիզնես ոլորտը պետք է սերտորեն համագործակցեն: Բոլոր այն ուսանողները, որոնք կմասնակցեն եռօրյա դասընթացին, կստանան հավաստագիր և կարող են մեզ ուղարկել իրենց ինքնակենսագրականը: Մեր պահանջներին համապատասխանող ուսանողներին հետագայում աշխատանքի առաջարկ կանենք»:

 

 

«Քեյ-Փի-Էմ-Ջի» ընկերության՝ մարդկային ռեսուրսների բաժնի ղեկավար Սոնա Մարտիրոսյանի խոսքով՝ ԵՊՀ-ի հետ համագործակցության նպատակը ուսանողների հետ ծանոթանալն ու պրակտիկ գիտելիքներ փոխանցելն է. «Լսարանում ստացած տեսական գիտելիքները շատ կարևոր ու անհրաժեշտ են, իսկ մեր կազմակերպությունում աշխատելու համար անհրաժեշտ պրակտիկան մենք կփորձենք ապահովել»:

 

 

Դասընթացը վարեցին խորհրդատվական ծառայությունների բաժնի մենեջերներ Վահրամ Միսակյանը, Սիրանուշ Աղեկյանը, մարդկային ռեսուրսների բաժնի ղեկավար Սոնա Մարտիրոսյանը, աուդիտորական ծառայությունների բաժնի մենեջեր Վարդուշ Հոխոյանը, հարկային ծառայությունների բաժնի մենեջեր Շողիկ Ղարիբյանը։

 

 

Քննարկվեցին հետևյալ թեմաները՝

·         Կառավարչական և ֆինանսական խորհրդատվության հիմնական դրույթները,

·         Աուդիտորական ընթացակարգերի իրականացում և եզրակացության տրամադրում,

·         Հարկային օրեսդրության հիմնական դրույթները:

 

 

ԵՊՀ շրջանավարտների և կարիերայի կենտրոնի կազմակերպած դասընթացն ամփոփվեց ակտիվ քննարկմամբ:

Այլ նորություններ
ԵԼՀ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԸ ՀԱՄԱԼՐՎԵԼ Է ՄԱՍՆԱԳԻՏԱԿԱՆ ԴԱՍԱԳՐՔԵՐՈՎ
Եվրոպական լեզուների և հաղորդակցության ֆակուլտետի դեկան Գևորգ Բարսեղյանը Գերմանական տնտեսական միավորման անդամ Իսմայիլ Շեկին հանձնեց շնորհակալագիր՝ երախտագիտություն հայտնելով ֆակուլտետի գերմանական բանասիրության ամբիոնին նվիրաբերած դասագրքերի համար: Կազմակերպված հանդիպման ընթացքում բիզնես ոլորտի ներկայացուցիչները կիսվեցին իրենց հաջողության պատմություններով՝ ներկայացնելով կրթության և հատկապես գերմաներենի իմացության դերը բիզնեսում հաջողություն գրանցելու հարցում:
ԿԱՅԱՑԱՎ ԵՊՀ ՍՈՑԻՈԼՈԳԻԱՅԻ ՖԱԿՈՒԼՏԵՏԻ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՆԴԻՊՈՒՄ
«Հասարակայնության հետ կապեր» ծրագրի մանրամասների, ընձեռած հնարավորությունների և դիմելու ընթացակարգի վերաբերյալ դիմորդներին տեղեկատվություն տրամադրելու նպատակով ԵՊՀ սոցիոլոգիայի ֆակուլտետում կայացավ տեղեկատվական հանդիպում: Ֆակուլտետի «Հասարակայնության հետ կապեր» մագիստրոսական կրթական ծրագիրը կրճատվել է՝ դառնալով մեկամյա, ինչի շնորհիվ դիմորդները հնարավորություն կունենան մեկ տարվա ընթացքում ստանալու հասարակայնության հետ կապերի մասնագետի որակավորում, հիմնարար գիտելիքներ, մագիստրոսի աստիճան։