11.10.2018 | 
Կրթություն
«L’ANCILLAIRE» ԿԱԶՄԱԿԵՐՊՈՒԹՅԱՆ ՆԵՐԿԱՅԱՑՈՒՑԻՉՆԵՐԸ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
«L’ANCILLAIRE» ԿԱԶՄԱԿԵՐՊՈՒԹՅԱՆ ՆԵՐԿԱՅԱՑՈՒՑԻՉՆԵՐԸ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ
Ֆրանսիայի «L՛Ancillaire» մշակութային, տնտեսական և սոցիալական զարգացման կազմակերպության գլխավոր քարտուղար Բեռնար Հոլասյանը և ՀՀ-ում կազմակերպության ներկայացուցիչ Վարուժան Աբելյանը հոկտեմբերի 9-ին հյուրընկալվեցին ԵՊՀ իրավագիտության ֆակուլտետում:

2016 թ.-ից սկսած «L՛Ancillaire» կազմակերպությունն անվանական կրթաթոշակ է սահմանել ԵՊՀ իրավագիտության ֆակուլտետում կրթություն ստացող և ՀՀ սահմանամերձ բնակավայրերում բնակվող կամ զոհված ազատամարտիկի ընտանիքի անդամ հանդիսացող ուսանողների համար:

Կազմակերպության սահմանած կրթաթոշակին են արժանացել բարձր առաջադիմություն ունեցող մոտ 22 ուսանող:

ԵՊՀ իրավագիտության ֆակուլտետ այցի ընթացքում «L՛Ancillaire» կազմակերպության ներկայացուցիչները հանդիպեցին կրթաթոշակակիր ուսանողների հետ և արտահայտեցին իրենց նախաձեռնության շարունակականությունն ապահովելու պատրաստակամությունը:

«L՛Ancillaire» կազմակերպության գլխավոր քարտուղար Բեռնար Հոլասյանը և Իրավագիտության ֆակուլտետի դեկան Գագիկ Ղազինյանը քննարկեցին նաև իրենց համագործակցությունն ընդլայնելուն ուղղված քայլերը:

Այլ նորություններ
ԹՅՈՒՐՔԱԳԻՏՈՒԹՅԱՆ ԱՄԲԻՈՆԻ ՄԱԳԻՍՏՐՈՍՆԵՐԸ ՍԵՎԱՆԱՎԱՆՔՈՒՄ ՍՏԱՑԱՆ ԻՐԵՆՑ ԴԻՊԼՈՄՆԵՐԸ
ԵՊՀ արևելագիտության ֆակուլտետի թյուրքագիտության ամբիոնի մագիստրատուրայի շրջանավարտների դիպլոմների հանձնման հանդիսավոր արարողությունը տեղի ունեցավ Սևանավանքում:
ՌՈՒՍ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ՇՐՋԱՆԱՎԱՐՏՆԵՐԸ ՍՏԱՑԱՆ ԻՐԵՆՑ ԴԻՊԼՈՄՆԵՐԸ
Երևանի պետական համալսարանի Ե․ Չարենցի անվան լսարանում այսօր տեղի ունեցավ Ռուս բանասիրության ֆակուլտետի մագիստրատուրայի և բակալավրիատի շրջանավարտների դիպլոմների հանձնման հանդիսավոր արարողությունը։