16.12.2008 | 
Ուսանողական, Գիտություն, Հասարակություն
ԲՆԱՊԱՀՊԱՆՈՒՄՆ ՈՒ ԲՆՕԳՏԱԳՈՐԾՈՒՄԸ ԻՐԱՐ ՉԵՆ ԽԱՆԳԱՐՈՒՄ
ԲՆԱՊԱՀՊԱՆՈՒՄՆ ՈՒ ԲՆՕԳՏԱԳՈՐԾՈՒՄԸ ԻՐԱՐ ՉԵՆ ԽԱՆԳԱՐՈՒՄ
ԵՊՀ ուսանողներն առաջարկում են բնապահպանական խնդիրների լուծման իրենց տարբերակները:

Այսօր ԵՊՀ-ում մեկնարկեց երկօրյա ուսանողական գիտաժողով, որի թեման էր «Բնապահպանական եւ բնօգտագործման հիմնախնդիրները Հայաստանում»: Մասնակցում էին Աշխարհագրության եւ երկրաբանության, Քիմիայի եւ Կենսաբանության ֆակուլտետների ուսանողները: Գիտաժողովի ընթացքում հնչած 24 զեկույցները բնապահպանության ամենատարբեր ոլորտներ էին ներկայացնում` «Զբոսաշրջությունը եւ կայուն զարգացումը Հայաստանում», «Ֆոտոքիմիական պրոցեսների էկոլոգիական նշանակությունը», «Աղմուկի մոնիտորինգի իրականացումը ԵՊՀ-ում», «Թեղուտի անտառներում աճող սնկերի կենսաբազմազանության պահպանման հեռանկարները» եւ այլն: «Փորձել ենք այնպիսի թեմա ընտրել, որ կարողանանք մի քանի ֆակուլտետներ ընդգրկել:

 

Դրա համար կանգ առանք բնապահպանական ու բնօգտագործման խնդիրների վրա: Մեր կարծիքով` թեման բավական արդիական է, մանավանդ վերջին տասնամյակում բնապահպանությանը համաշխարհային մակարդակով մեծ տեղ է հատկացվում, Հայաստանն էլ անմասն չի կարող մնալ: Ուստի հետաքրքիր էր ուսանողների տեսակետը հայաստանյան բնապահպանական խնդիրների եւ դրանց լուծման ուղիների վերաբերյալ: Կարծում եմ` վերջում որոշակի եզրահանգումների կգանք»,- ասաց ԵՊՀ ՈՒԳԸ նախագահ Կառլեն Խաչատրյանը:

 

Սոցիալ –տնտեսական աշխարհագրության ամբոնի հայցորդ Տիգրան Սարգսյանն իր զեկուցման մեջ առաջ էր քաշել Հայաստանում տուրիզմի զարգացման խնդիրները: Նա վերլուծել է առկա դժվարություններն ու առաջարկել դրանց հաղթահարման սեփական տարբերակը: Նա կարծում է, որ մեր երկրում կարելի է զարգացնել էթնոտուրիզմը` դարավոր ավանդույթների ցուցադրմամբ, հատկապես մարզերում, կամ կարելի է Արենիում զարգացնել գինու տուրիզմը` Շվեյցարիայի պանրի տուրիզմի օրինակով:

 

«Այն ուսանողները, որոնք մասնակցում են նման աշխատանքների, փայլուն ապագա ունեն:Ես կուզենայի, որ այդ աշխատանքները ավելի խորը բնույթ կրեին, որպեսզի անգամ մի քանի տարի անց դրանք կարողանան լուրջ քննություն բռնել մասնագետների մոտ»,- բացման խոսքում ասաց Աշխարհագրության եւ երկրաբանության ֆակուլտետի դեկան Մարատ Գրիգորյանը: Գիտաժողովից հետո զեկույցների մի մասը, որոնք կերաշխավորվեն համապատասխան ամբիոնների կողմից, կներկայացվեն տպագրության: Կազմակերպիչները հուսով են, որ դրա միջոցով պատկան մարմինները եւս կծանոթանան եզրակացություններին ու առաջարկներին:

Այլ նորություններ
«ՇԱՏ ԵՄ ՍԻՐՈՒՄ ԻՄ ՄԱՍՆԱԳԻՏՈՒԹՅՈՒՆԸ՝ ԱՐԵՎԵԼԱԳԻՏՈՒԹՅՈՒՆԸ. ԱՅՆ ԻՄ ԻՆՔՆՈՒԹՅԱՆ ՄԻ ՄԱՍՆ Է». ՌՈՒԲԵՆ ՄԵԼՔՈՆՅԱՆ
ԵՊՀ արևելագիտության ֆակուլտետի դեկան, պրոֆեսոր Ռուբեն Մելքոնյանը հաղթող է ճանաչվել «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգում: Պարոն Մելքոնյանի հետ զրուցել ենք մասնագիտության ընտրության, մանկավարժական գործունեության հետաքրքիր կողմերի ու դժվարությունների մասին:
ԵՊՀ ՏՆՏԵՍԱԳԻՏՈՒԹՅԱՆ ՏԵՍՈՒԹՅԱՆ ԱՄԲԻՈՆԻ ՊԱՏՎԱՎՈՐ ՎԱՐԻՉ, ՊՐՈՖԵՍՈՐ Գ. ՂԱՐԻԲՅԱՆԸ ՆՇՈՒՄ Է ԾՆՆԴՅԱՆ 90-ԱՄՅԱԿԸ
Մայիսի 25-ին լրանում է ԵՊՀ տնտեսագիտության և կառավարման ֆակուլտետի տնտեսագիտության տեսության ամբիոնի պատվավոր վարիչ, պրոֆեսոր Գ. Ղարիբյանի ծննդյան 90-ամյա հոբելյանը: