21.12.2021 | 
Կրթություն
«LEARNING BY DOING». ԱՄՓՈՓՎԵԼ Է ՆԱԽԱԳԾԻ ԴԱՍԸՆԹԱՑՆԵՐԻ ՓՈՒԼԸ
«LEARNING BY DOING». ԱՄՓՈՓՎԵԼ Է ՆԱԽԱԳԾԻ ԴԱՍԸՆԹԱՑՆԵՐԻ ՓՈՒԼԸ
ԵՊՀ իրավագիտության ֆակուլտետի ՈԻԽ-ն ամփոփել է «Learning by doing» ծրագրի դասընթացների փուլը, որից հետո բարձր կուրսերում սովորող մասնակիցներին տրվելու է հնարավորություն մասնագիտական պրակտիկա անցնելու մասնավոր և պետական տարբեր կառույցներում:

ԵՊՀ իրավագիտության ֆակուլտետի ՈՒԽ-ի կողմից դեռևս 2018 թվականից իրականացվող «Learning by doing» ծրագրի նպատակն է տեսական գիտելիքներ ու գործնական նոր հմտություններ հաղորդել ուսանողներին, իսկ ծրագրի ավարտից հետո հարցազրույցի արդյունքում ուղղորդել նրանց մասնագիտական պրակտիկա անցնելու մասնավոր և պետական տարբեր կառույցներում:   

 

 

Այս ծրագրի շրջանակում մասնակիցների համար, ըստ մասնագիտացումների (քաղաքացիական, վարչական և քրեական), կազմակերպվել է 15 դասընթաց, որոնք վարել են ոլորտի առաջատար մասնագետներ: Մեզ հետ զրույցում ԵՊՀ իրավագիտության ֆակուլտետի ՈՒԽ նախագահ Գոհար Ավագյանն ասաց, որ ծրագրին մասնակցելու համար հայտագրվել էր 103 ուսանող, որոնցից 84-ը հաջողությամբ ավարտել է գործնական դասընթացների փուլը և ստացել հավաստագրեր:

 

 

Ծրագրի ամփոփմանը ԵՊՀ իրավագիտության ֆակուլտետի դեկան Գագիկ Ղազինյանը, կարևորելով այս նախագիծը, փաստել է, որ այն ուսանողական լավ գաղափարի և ֆակուլտետի ստացված համագործակցության արդյունք է. «Նմանօրինակ ծրագրերը հնարավորություն են տալիս ֆակուլտետում ստացած գիտելիքները կիրառելու գործնականում և ձեռք բերել նոր հմտություններ»:

 

Դեկանը նշել է նաև մասնակիցների կողմից ծրագրի գնահատման կարևորությունը՝ այն ավելի արդյունավետ և հետաքրքիր դարձնելու համար:

 

 

Ֆակուլտետի ՈՒԽ նախագահ Գոհար Ավագյանն էլ իր խոսքում ընդգծել է, որ այն ուսանողները, որոնք ծրագրի շրջանակում անցնելու են մասնագիտական պրակտիկա, պետք է լավագույնս դրսևորեն իրենց հմտությունները, քանի որ նախորդ տարիների փորձը ցույց է տալիս, որ ուսանողները հետագայում այդ կառույցներում անցնում են աշխատանքի:

 

Գ. Ավագյանը մեզ հետ զրույցում ծրագրի իրականացման գործում մեծապես կարևորեց ֆակուլտետի աջակցությունը՝ շեշտելով, որ պրակտիկայի կազմակերպման հարցում հիմնական աջակիցը հենց ֆակուլտետն է:

 

Այլ նորություններ
ԵՊՀ-ՈՒՄ ԱՄՓՈՓՎԵՑԻՆ «ՄԱՆՐԷՆԵՐԻ ՀԱՏԿՈՒԹՅՈՒՆՆԵՐ. ՆՈՐԱՐԱՐ ԳԱՂԱՓԱՐՆԵՐԻ ՄՐՑՈՒՅԹԻ» ԱՐԴՅՈՒՆՔՆԵՐԸ
Հաղթող ճանաչված թիմերն ստացան դրամական պարգևներ, իսկ մյուս թիմերին ժյուրին առաջարկեց շարունակել զարգացնել ներկայացված գաղափարները, քանի որ դրանք չափազանց արդիական են և կարող են նպաստել կենսաբանության, հատկապես մանրէաբանության ոլորտի առաջընթացին։
ԵՊՀ ԻՐԱՎԱԳԻՏՈՒԹՅԱՆ ԵՎ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՆԵՐԸ ՆՈՐ ՀՆԱՐԱՎՈՐՈՒԹՅՈՒՆՆԵՐ ԵՆ ՍՏԵՂԾՈՒՄ ՈՒՍԱՆՈՂՆԵՐԻ ՀԱՄԱՐ
«Մեդիա և տեղեկատվական իրավունք» մագիստրոսական ծրագրի շրջանակում ԵՊՀ իրավագիտության ֆակուլտետ այցելեց «Կոնրադ Ադենաուեր» հիմնադրամի Հարավային Կովկասի տարածաշրջանային ծրագրի տնօրենի տեղակալ Մաթիաս Հեսպեն՝ հետագա համագործակցությունների հեռանկարները, ինչպես նաև վերոնշյալ կրթական ծրագրի ուսանողներից երկուսին կրթաթոշակ տրամադրելու հարցը քննարկելու։