20.12.2021 | 
Հասարակություն
ՄԻԵԴ ԲՈՂՈՔ ԳՐԵԼՈՒ ՀՄՏՈՒԹՅՈՒՆՆԵՐԸ. ԳՈՐԾՆԱԿԱՆ ԴԱՍԸՆԹԱՑ ԱՊԱԳԱ ԻՐԱՎԱԳԵՏՆԵՐԻ ՀԱՄԱՐ
ՄԻԵԴ ԲՈՂՈՔ ԳՐԵԼՈՒ ՀՄՏՈՒԹՅՈՒՆՆԵՐԸ. ԳՈՐԾՆԱԿԱՆ ԴԱՍԸՆԹԱՑ ԱՊԱԳԱ ԻՐԱՎԱԳԵՏՆԵՐԻ ՀԱՄԱՐ
ԵՊՀ ՈՒԽ-ի կողմից իրականացվող «Learning by doing» ծրագրի շրջանակում տեղի է ունեցել «ՄԻԵԴ բողոք գրելու հմտությունները» խորագրով դասընթաց, որի բանախոսը՝ ՄԻԵԴ-ում հայ գերիների իրավապաշտպան Սիրանուշ Սահակյանը, ուսանողներին ներկայացրել է Եվրոպական դատարանի կողմից գանգատն ընդունելու և գործի քննության ընթացակարգերը:

ԵՊՀ իրավագիտության ֆակուլտետի ՈՒԽ-ի կողմից իրականացվող «Learning by doing» ծրագրի նպատակն է տեսական գիտելիքներ ու գործնական նոր հմտություններ հաղորդել ուսանողներին, իսկ ծրագրի ավարտից հետո հարցազրույցի արդյունքում ուղղորդել նրանց մասնագիտական պրակտիկա անցնելու մասնավոր և պետական տարբեր կառույցներում:   

 

Մեզ հետ զրույցում ԵՊՀ իրավագիտության ֆակուլտետի ՈՒԽ նախագահ Գոհար Ավագյանն ասաց, որ այս տարի ծրագրին մասնակցում է ավելի քան 100 ուսանող, որոնց համար, ըստ մասնագիտացումների, նախատեսվել է շուրջ 15 դասընթաց:

 

«Learning by doing» ծրագրի՝ «ՄԻԵԴ բողոք գրելու հմտությունները» խորագրով վերջին դասընթացը նախատեսված է եղել բոլոր մասնագիտացումներով ուսանողների համար:

 

 

ՄԻԵԴ-ում հայ գերիների իրավապաշտպան Սիրանուշ Սահակյանը հանդիպման ընթացքում ներկայացրել է ՄԻԵԴ գանգատ ներկայացնելու կարգը, վավերապայմանները: Բացի դրանից՝ գանգատի համար նախատեսված ձևանմուշի հիման վրա ուսանողները սովորել են՝ ինչ բաժիններից է այն կազմված, ինչ գործնական խնդիրներ կարող են առաջանալ:

 

Բանախոսության ընթացքում անդրադարձ է կատարվել ներկայումս իրականացվող գործընթացների իրավական առանձնահատկություններին:

 

Հանդիպման ավարտին ուսանողները հնարավորություն են ստացել իրենց հարցերն ուղղելու բանախոսին:

 

Այլ նորություններ
ԳԻՏԱԿԱՆ ԹԵՄԱ. ԵՊՀ ԿԵՆՍԱԲԱՆՆԵՐՆ ՈՒՍՈՒՄՆԱՍԻՐԵԼՈՒ ԵՆ ՀԱԿԱՈՒՌՈՒՑՔԱՅԻՆ ԴԵՂԱՄԻՋՈՑՆԵՐԻ ՇԱՐՔԻՆ ՊԱՏԿԱՆՈՂ ՄԻԱՑՈՒԹՅՈՒՆՆԵՐ, ՈՐՈՆՔ ԱՐԳԵԼԱԿՈՒՄ ԵՆ ՈՒՌՈՒՑՔԻ ԱՃԸ
ԵՊՀ կենսաբանության ԳՀ ինստիտուտի կառուցվածքային կենսաֆիզիկայի միջֆակուլտետային գիտահետազոտական լաբորատորիայի անդամները ներկայացրել են «Հակաքաղցկեղային ալկիլացնող դեղերի համակցված ներգործությունը ԴՆԹ-ի կառուցվածքը և փաթեթավորումը կարգավորող ֆերմենտների ակտիվության վրա» գիտական թեման:
ԳԻՏԱԿԱՆ ԹԵՄԱ․ ՀԱՅԱՍՏԱՆԻ ՀԱՄԱՐ ԱՌԱՋԻՆ ԱՆԳԱՄ ՈՒՍՈՒՄՆԱՍԻՐՎԵԼՈՒ Է ՊԵՍՏԻՑԻԴՆԵՐԻ ՎՆԱՍԱԿԱՐ ԱԶԴԵՑՈՒԹՅՈՒՆԸ ՎԱՐԵԼԱՀՈՂԵՐԻ ՍՆՆԴԱՅԻՆ ՇՂԹԱՅԻ ՎՐԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Պեստիցիդների կուտակումը և դրանց ազդեցությունը լեռնատափաստանային էկոհամակարգերի կենսաբազմազանության վրա» գիտական թեման: Այն ներկայացրել է ԵՊՀ կենսաբանության ֆակուլտետի բուսաբանության և սնկաբանության ամբիոնը: