17.07.2020 | 
Կրթություն
ՀԱՅԱՍՏԱՆԸ ՎԱՂ ՔՐԻՍՏՈՆԵԱԿԱՆ ԴԱՐԱՇՐՋԱՆՈԻՄ․ ԱՌՑԱՆՑ ԴԱՍԱԽՈՍՈՒԹՅՈՒՆ ՊԱՏՄՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ՀԱՄԱՐ
ՀԱՅԱՍՏԱՆԸ ՎԱՂ ՔՐԻՍՏՈՆԵԱԿԱՆ ԴԱՐԱՇՐՋԱՆՈԻՄ․ ԱՌՑԱՆՑ ԴԱՍԱԽՈՍՈՒԹՅՈՒՆ ՊԱՏՄՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ՀԱՄԱՐ
ԵՊՀ պատմության ֆակուլտետի ՈԻԳԸ նախաձեռնությամբ կազմակերպվել էր «Հայաստանը վաղ քրիստոնեական դարաշրջանում» խորագրով առցանց դասախոսություն:

Դասախոսության բանախոսն էր Ամերիկայի կաթոլիկ համալսարանի (Վաշինգտոն, ԱՄՆ) պրոֆեսոր Ռոբին Դարլինգ Յանգը։

 

Առցանց դասախոսության կազմակերպմանն աջակցել էին ԵՊՀ պատմության ֆակուլտետի դեկանի տեղակալ, պատմ. գիտ.թեկնածու, դոցենտ Միքայել Մալխասյանը և Երևանի ֆիզիկայի ինստիտուտի գիտաշխատող, ֆիզմաթ․ գիտ․ թեկնածու Հռիփսիմե Մկրտչյանը:

Պրոֆեսոր Ռոբին Դարլինգ Յանգն իր գործունեության ընթացքում հրատարակել և դասախոսել է վաղ քրիստոնեության, ինչպես նաև քրիստոնեության մտքի պատմության թեմաների վերաբերյալ՝ ներառյալ սուրբ գրությունների մեկնաբանման ոլորտները, ասկետիզմի և վանական մտքի պատմությունն ու Հին Սիրիայի և Հայաստանի քրիստոնեական մշակույթները:

Բանախոսը դասախոսության ընթացքում անդրադարձել է Հայաստանի քրիստոնեական մշակույթին, կրոնին, լեզվին, նաև նշել է, թե ինչքան հարուստ է Հայաստանի մշակույթը, ինչքան գեղեցիկ է հայոց լեզուն:

Պրոֆեսոր Ռոբին Դարլինգ Յանգը նաև խոսել է Հին Սիրիայի և Հայաստանի քրիստոնեական մշակույթների մասին:


Դասախոսությանը ներկա են եղել Ուսանողական գիտական ընկերության անդամներ, ասպիրանտներ և դասախոսներ:

Դասախոսությանը մասնակցում էին նաև Պատմության ֆակուլտետի դասախոսներ պատմ. գիտ. թեկնածու, ասիստենտ Տիգրան Գևորգյանը և պատմ. գիտ. թեկնածու, ասիստենտ Տիգրան Ղանալանյանը:

Իսկ հանդիպման վերջում ուսանողներն իրենց հուզող հարցերն ուղղել են բանախոսին և ստացել սպառիչ պատասխաններ:

Այլ նորություններ
ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏՆ ՈՒ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅՈՒՆԸ ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ ԿՆՔԵՑԻՆ
ԵՊՀ ռեկտորի աշխատասենյակում այսօր ռեկտորի ժ.պ. Գեղամ Գևորգյանը և «Հայաստանի հանրային հեռուստաընկերություն» ՓԲԸ գործադիր տնօրեն Հովհաննես Մովսիսյանը ռազմավարական համագործակցության մասին հուշագիր են կնքել:
«ՀԱՅԿԱԿԱՆ ԺԱՌԱՆԳՈՒԹՅՈՒՆՆ ԱՆԻԻ ՏԱՐԱԾԱՇՐՋԱՆՈՒՄ ԵՎ ՀԵՏԵՎԱՆՔՆԵՐԸ ԱՐՑԱԽԻ ՀԱՄԱՐ». ԱՌՑԱՆՑ ՎԵԲԻՆԱՐ
Երևանի պետական համալսարանի ուսանողական գիտական ընկերության նախաձեռնությամբ կայացել է առցանց վեբինար՝ «Հայկական ժառանգությունն Անիի տարածաշրջանում և հետևանքները Արցախի համար» խորագրով: